»   » ഞെട്ടിക്കുന്ന ഒരു വേര്‍പിരിയല്‍ കൂടെ; കമല്‍ ഹസനുമായി വേര്‍പിരിയുന്നു എന്ന് വേദനയോടെ ഗൗതമി

ഞെട്ടിക്കുന്ന ഒരു വേര്‍പിരിയല്‍ കൂടെ; കമല്‍ ഹസനുമായി വേര്‍പിരിയുന്നു എന്ന് വേദനയോടെ ഗൗതമി

Posted By: Rohini
Subscribe to Filmibeat Malayalam
For Quick Alerts
ALLOW NOTIFICATIONS
For Daily Alerts

    സിനിമയില്‍ ഇത് വേര്‍പിരിയലിന്റെ കാലമാണല്ലോ. ഇതാ പതിമൂന്ന് വര്‍ഷത്തെ 'ലിവിങ് ടുഗെതര്‍ റിലേഷന്‍ഷിപ്പ്' കമല്‍ ഹസനും ഗൗതമിയും അവസാനിപ്പിയ്ക്കുന്നു. ട്വിറ്ററിലൂടെ ഗൗതമി തന്നെയാണ് ഇക്കാര്യം വെളിപ്പെടുത്തിയത്.

    ശ്രുതി ഹാസനും ഗൗതമിയും പിണക്കത്തില്‍, കാരണം കമലഹാസന്‍ ചിത്രം

    ജീവിതവും തീരുമാനവും എന്ന തലക്കെട്ടോടെയാണ് ഗൗതമി വേര്‍പിരിയല്‍ സംബന്ധിച്ച കുറിപ്പ് എഴുതിയിരിയ്ക്കുന്നത്. ഗൗതമിയുടെ വാക്കുകളിലൂടെ തുടര്‍ന്ന് വായിക്കാം

    ഏറ്റവും ഹൃദയഭേദകമായ നിമിഷം

    ഞാനും കമല്‍ ഹസനും വേര്‍പിരിയുകയാണ്. എന്നെ സംബന്ധിച്ചിടത്തോളം ഏറ്റവും ഹൃദയഭേദകമായ നിമിഷമാണിത്. ജീവിതത്തില്‍ എടുത്തിട്ടുള്ള തീരുമാനങ്ങളില്‍ ഏറ്റവും വേദനിപ്പിയ്ക്കുന്ന ഒന്നാണിത്. പരസ്പരമുള്ള ബന്ധങ്ങള്‍ക്കിടെ രണ്ട് പേരുടെയും വഴി വ്യത്യസ്തമാകുന്ന അവസ്ഥ അത്ര സുഖകരമല്ല. ഒന്നുകില്‍ ഒരാള്‍ മറ്റെ ആളിന്റെ സ്വപ്‌നങ്ങള്‍ക്ക് വേണ്ടി വിട്ടുവീഴ്ച ചെയ്യുക, അല്ലെങ്കില്‍ ഏകാന്തത എന്ന സത്യത്തിലേക്ക് നടന്നിറങ്ങുക. ഇതെന്റെ മനസ്സിനെ ഒരുപാട് നാളുകളായി അലട്ടുന്നുണ്ടായിരുന്നു. എന്നാല്‍ ഹൃദയഭേദകമായ ഈ സത്യം മനസ്സിലാക്കി ഇങ്ങനെ ഒരു തീരുമാനത്തിലെത്താന്‍ രണ്ട് വര്‍ഷം വേണ്ടി വന്നു.

    മനസ്സമാധാനത്തിന് വേണ്ടി

    ആരുടെയും തലയില്‍ കുറ്റം ചുമത്താന്‍ ഞാന്‍ ആഗ്രഹിയ്ക്കുന്നില്ല. മാറ്റം അനിവാര്യമാണ്. മനുഷ്യരില്‍ അതുണ്ടാവാം. ബന്ധങ്ങളില്‍ ഈ മാറ്റം മൂലം പ്രശ്‌നങ്ങളുണ്ടാവാം. എന്റെ ഈ പ്രായത്തില്‍ ഇങ്ങനെ ഒരു തീരുമാനം വേദന നിറഞ്ഞതാണ്. എന്നാല്‍ അത് അത്രയേറെ അത്യാവശ്യമാണ്. ഞാനൊരു അമ്മയാണ്. മകള്‍ക്ക് നല്ലൊരു അമ്മയായിരിക്കണം എന്നത് എന്റെ ഉത്തരവാദിത്വമാണ്. അതിന് എനിക്ക് മനസ്സമാധാനം വേണം.

    കമല്‍ ഹസനോട് എന്നും ആരാധന

    കമല്‍ ഹസന്‍ എന്ന നടനോടും അദ്ദേഹത്തിന്റെ കഴിവുകളോടും എനിക്കുള്ള ആരാധന അങ്ങനെ തന്നെയുണ്ടാവും. സിനിമയില്‍ വരുന്ന കാലം മുതല്‍ ഞാന്‍ അദ്ദേഹത്തെ ആരാധിയ്ക്കുന്നു. അദ്ദേഹത്തിന്റെ ബുദ്ധിമുട്ടുകളില്‍ ഞാന്‍ കൂടെയുണ്ടായിരുന്നു. കമല്‍ ഹസനില്‍ നിന്ന് ഒരുപാട് കാര്യങ്ങള്‍ പഠിക്കാന്‍ എനിക്ക് കഴിഞ്ഞു. അദ്ദേഹത്തിന്റെ പല സിനിമകള്‍ക്കും കോസ്റ്റിയൂം ഡിസൈനറായി പ്രവൃത്തിക്കാന്‍ സാധിച്ചു. അതെല്ലാം ജീവിതത്തിലെ മറക്കാന്‍ കഴിയാത്ത നിമിഷങ്ങളാണ്. ഇനിയും അദ്ദേഹത്തിന് ഒരുപാട് ഉയര്‍ച്ചകളുണ്ടാവട്ടെ

    നിങ്ങളോട് പറയാന്‍ കാരണം

    എന്റെ ജീവിതത്തിലെ എല്ലാ ഘട്ടത്തിലും പ്രേക്ഷകരായ നിങ്ങളുമുണ്ട്. അതുകൊണ്ടാണ് ഈ നിര്‍ണായക തീരുമാനവും നിങ്ങളെ അറിയിക്കുന്നത്. കഴിഞ്ഞ 29 വര്‍ഷങ്ങളായി നിങ്ങളുടെ പ്രാര്‍ത്ഥനയും സ്‌നേഹവും എനിക്കൊപ്പം ഉണ്ടായിരുന്നു. വേദന നിറഞ്ഞ പാതകളിലൂടെയുള്ള യാത്രയില്‍ ഇനിയും നിങ്ങള്‍ ഉണ്ടാവണം - ഗൗതമി

    പോസ്റ്റ്

    വേര്‍പിരിയലിനെ കുറിച്ച് എഴുതിയ ബ്ലോഗ് പോസ്റ്റ് ഗൗതമി ട്വിറ്ററിലൂടെ ഷെയര്‍ ചെയ്തു. വായിക്കൂ

    English summary
    The year that was an absolute shocker as far as Kollywood is concerned another bombshell has arrived in the form of Gautami announcing today that she has separated from Kamal Haasan after thirteen years of living together. Here is Gautami’s dignified write-up about this important decision in her life

    വിനോദലോകത്തെ ഏറ്റവും പുതിയ വിശേഷങ്ങളുമായി - Filmibeat Malayalam

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more