കിങ് ലയറിന് ശേഷം വീണ്ടുമൊരു ദിലീപ്-സിദ്ദിഖ് ചിത്രം

By Akhila

Published: Sunday, February 21, 2016, 13:16 [IST]

നീണ്ട ഇടവേളയ്ക്ക് ശേഷം സിദ്ദിഖ്-ലാല്‍ കൂട്ടുക്കെട്ടില്‍ പുറത്തിറങ്ങാന്‍ പോകുന്ന ചിത്രമാണ് കിങ് ലയര്‍. ദിലീപും പ്രേമം നായിക മഡോണ സെബാസ്റ്റിനും നായിക-നായകനായി എത്തുന്ന ചിത്രത്തിന്റെ ഷൂട്ടിങ് പൂര്‍ത്തിയായി. കേരളത്തിലെ കൊച്ചിയിലും കുട്ടനാടും ചിത്രത്തിന്റെ ഷൂട്ടിങ് നടന്നിരുന്നു. അത് കൂടാതെ ഒരു മാസത്തോളം ദുബായിലും ചിത്രീകരിച്ചു.

നര്‍മ്മം കലര്‍ന്ന എന്നാല്‍ ഗൗരവമേറിയ കഥകളായിരുന്നു എന്നും സിദ്ദിഖ്-ലാല്‍ ചിത്രങ്ങളുടെ പ്രത്യേകത. എന്നാല്‍ പുതിയ കിങ് ലയറിന് കാലത്തിന് അനുസരിച്ചുള്ള മാറ്റങ്ങളുണ്ടെന്നും സിദ്ദിഖ് പറഞ്ഞിരുന്നു. ഇനി കിങ് ലയറിന് ശേഷം പുതിയ ചിത്രത്തിലേക്കുള്ള തയ്യാറെടുപ്പിലാണ് സിദ്ദിഖ്. ആ ചിത്രം ദിലീപിനെ വച്ച് തന്നെയാകുമെന്ന് സിദ്ദിഖ് പറയുന്നു. തുടര്‍ന്ന് വായിക്കൂ..

കിങ് ലയറിന് ശേഷം വീണ്ടുമൊരു ദിലീപ്-സിദ്ദിഖ് ചിത്രം

കിങ് ലയര്‍ റിലീസ് ചെയ്യുന്നതിന് മുമ്പായി പുതിയ ചിത്രത്തെ കുറിച്ച് സിദ്ദിഖ് ചിന്തിച്ച് തുടങ്ങി. ദിലീപിനെ വച്ച് തന്നെയാണ് തന്റെ അടുത്ത ചിത്രമെന്നും സിദ്ദിഖ് പറയുന്നു. മാധ്യമത്തിന് നല്‍കിയ അഭിമുഖത്തിലാണ് സിദ്ദിഖ് ഇക്കാര്യം പറയുന്നത്.