ആദ്യത്തെ കണ്‍മണിക്കായി കാത്ത് രഞ്ജിന്‍ രാജും ശില്‍പ്പയും, വളക്കാപ്പ് ചിത്രങ്ങള്‍ വൈറല്‍

അതേസമയം 2013ലായിരുന്നു രഞ്ജിന്‍ രാജ് വിവാഹിതനായത്. ശില്‍പ്പ തുളസിയെ ആണ് ഗായകന്‍ ജീവിത സഖിയാക്കിയത്. പാലക്കാട് സ്വദേശിയായ രഞ്ജിന്‍ തിരക്കുകള്‍ക്കിടെയിലും കുടുംബത്തിനൊപ്പമുളള വിശേഷങ്ങളും പങ്കുവെക്കാറുണ്ട്. സംഗീത സംവിധായകന്‍ ഇന്‍സ്റ്റഗ്രാമില്‍ പങ്കുവെച്ച പുതിയ ചിത്രങ്ങള്‍ സോഷ്യല്‍ മീഡിയയില്‍ വൈറലായി മാറിയിരുന്നു.

ശില്‍പ്പയുടെ വളക്കാപ്പ് ചടങ്ങില്‍ നിന്നുളള മനോഹര ചിത്രങ്ങളാണ് രഞ്ജിന്‍ രാജ് പങ്കുവെച്ചിരിക്കുന്നത്. തങ്ങളുടെ ആദ്യത്തെ കണ്‍മണിക്കായുളള കാത്തിരിപ്പിലാണ് രഞ്ജിന്‍ രാജും ഭാര്യയും. വളക്കാപ്പ് ചടങ്ങില്‍ കുടുംബത്തിനൊപ്പം എടുത്ത ചിത്രങ്ങളും രഞ്ജിന്‍ രാജ് ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്. പരസ്യ ചിത്രങ്ങള്‍ക്കും ആല്‍ബങ്ങള്‍ക്കും ഹ്രസ്വചിത്രങ്ങള്‍ക്കുമൊക്കെ സംഗീതം ഒരുക്കിയായിരുന്നു രഞ്ജിന്‌റെ തുടക്കം.

പിന്നീട് അഞ്ഞൂറിലധികം പരസ്യങ്ങള്‍ക്കും ടിവി ചാനലുകളുടെ പ്രൊമോ വീഡിയോകള്‍ക്കുമൊക്കെ ഈണം നല്‍കിയിരുന്നു സംഗീത സംവിധായകന്‍. 2014ലിലാണ് രഞ്ജിന്‍ രാജ് സംഗീത സംവിധാന രംഗത്തേക്ക് എത്തുന്നത്. 19ാമത്തെ വയസിലായിരുന്നു ഐഡിയ സ്റ്റാര്‍ സിംഗറില്‍ രഞ്ജിന്‍ പങ്കെടുക്കുന്നത്. തുടര്‍ന്ന് സ്റ്റേജ് ഷോകളും ചെയ്തു താരം.

മുന്‍പ് പൂമുത്തോളെ ഗാനം അമ്മയെ മനസില്‍ ഓര്‍ത്തുകൊണ്ടാണ് താന്‍ ചിട്ടപ്പെടുത്തിയതെന്ന് രഞ്ജിന്‍ തുറന്നുപറഞ്ഞിരുന്നു. ഒരു സംഗീത റിയാലിറ്റി ഷോയില്‍ അതിഥിയായി എത്തിയപ്പോഴായിരുന്നു ഗായകന്‍ ഇക്കാര്യം പറഞ്ഞത്. അമ്മയുടെ വിയോഗത്തിന് ശേഷമാണ് താന്‍ ഈ ഗാനം ചെയ്തതെന്നും, പലരും കാമുകിക്കും മക്കള്‍ക്കുമായി ഈ പാട്ട് സമര്‍പ്പിക്കുമ്പോള്‍ താന്‍ ഇത് അമ്മയ്ക്കായി ഒരുക്കിയതാണെന്നും രഞ്ജിന്‍ അന്ന് പറഞ്ഞു.

ടൊവിനോ തോമസ് നായകനാവുന്ന കാണെ കാണെയും രഞ്ജിന്‍ രാജിന്‌റെ പുതിയ ചിത്രമാണ്. മനു അശോകന്‍ സംവിധാനം ചെയ്യുന്ന സിനിമയില്‍ ഐശ്വര്യ ലക്ഷ്മിയാണ് നായിക. കൂടാതെ തമിഴിലും അരങ്ങേറ്റം കുറിച്ചിരുന്നു സംഗീത സംവിധായകന്‍. ജോസഫിലെ സംഗീതത്തിന് നിരവധി അവാര്‍ഡുകളും രഞ്ജിന്‍ രാജ് നേടിയിരുന്നു.