രാത്രിയില്‍ വടിവാളും കത്തിയും ഒക്കെയായി കുറെപേര്‍ ഞങ്ങള്‍ക്ക് നേരെ വന്നു, അനുഭവം പങ്കുവെച്ച് ആര്യ ദയാല്‍

രാത്രിയില്‍ ഷൂട്ടിംഗിന്റെ ഭാഗമായി പുറത്തിറങ്ങിയപ്പോള്‍ വടിവാളും കത്തിയും അരിവാളും ഒകെയായി കുറെപേര്‍ വന്നു എന്ന് ഗായിക പറയുന്നു. ക്ലിംഗ് ഓഫ് മൈ കൈന്‌റ് എന്ന മ്യൂസിക്ക് വീഡിയോയുടെ ചിത്രീകരണത്തിനിടെയായിരുന്നു സംഭവം. അതില്‍ രാത്രി നടന്നുപോകുന്ന ഒരു രംഗമുണ്ട്. കണ്ണൂരില്‍ വെച്ചായിരുന്നു ചിത്രീകരണം.

ഷൂട്ടിംഗിന്റെ ശബ്ദം കേട്ടപ്പോള്‍ അവര്‍ കരുതിയത് മറ്റെന്തോ സംഭവങ്ങള്‍ നടക്കുന്നുവെന്നാണ്. രാത്രി പുരുഷന്മാരുടെയും സ്ത്രീയുടെയും ശബ്ദം കേള്‍ക്കുമ്പോള്‍ ഞങ്ങള്‍ മറ്റെന്ത് വിചാരിക്കണം എന്നാണ് അന്നവര്‍ ഞങ്ങളോട് ചോദിച്ചത്. ഒമ്പത് മണിക്ക് ശേഷം ഇത്തരം ശബ്ദം കേള്‍ക്കുമ്പോള്‍ അവര്‍ എത്തിച്ചേരുന്ന നിഗമനം. ഒന്നുകില്‍ എന്തോ മോശമായ കാര്യം അവിടെ നടക്കുന്നു. അല്ലെങ്കില്‍ അവര്‍ക്ക് ഇഷ്ടമല്ലാത്തത് എന്തോ നടക്കുന്നു. ആര്യ പറയുന്നു.

എന്റെ നാട്ടില്‍ ഷൂട്ട് ചെയ്ത എനിക്കുണ്ടാകുന്ന അനുഭവങ്ങളാണ് പറയുന്നതെന്നും ഗായിക പറഞ്ഞു. ചെറുപ്പം മുതല്‍ ഞങ്ങള്‍ കളിച്ചുവളര്‍ന്ന ഇടവും ഞങ്ങളെ വളരെ നന്നായി അറിയാവുന്ന ആളുകളുമാണ്. അവര്‍ തന്നെയാണ് രാത്രിയില്‍ ഇങ്ങനെ പെരുമാറുന്നതെന്നും ആര്യ പറയുന്നു. മുമ്പും തനിക്ക് സമാനമായ അനുഭവം നേരിടേണ്ടി വന്നിട്ടുണ്ട്.

ഒരു ഒഴിഞ്ഞ വീട്ടിലായിരുന്നു ഷൂട്ട് പ്ലാന്‍ ചെയ്തിരുന്നത്. അന്ന് ഒരാള്‍ വന്ന് വാതില്‍ക്കല്‍ തട്ടി ചോദിച്ചു. ഇവിടെ എന്താ നടക്കുന്നത് എന്ന്. ഒരു പെണ്‍കുട്ടി ഒരു ക്യാമറ, നാല് ആണ്‍കുട്ടികള്‍ അത്രയുമായിരുന്നു അയാള്‍ അപ്പോള്‍ കാണുന്നത്. അതായിരുന്നു അവരുടെ പ്രശ്‌നവും ആദ്യ ഇന്‍ഡിപെന്റന്റ് വീഡിയോ ട്രൈ മൈ സെല്‍ഫ് ഷൂട്ട് ചെയ്തപ്പോഴായിരുന്നു ഈ സംഭവമെന്ന് ആര്യ പറഞ്ഞു.

തലശ്ശേരി ബീച്ചില്‍ വെച്ചുളള ഷൂട്ടിനിടെയിലും ഇതേ അനുഭവം ഉണ്ടായിരുന്നെന്നും അഭിമുഖത്തില്‍ ഗായിക പറഞ്ഞു. സഖാവ് എന്ന കവിത പാടി മലയാളി പ്രേക്ഷകരുടെ പ്രിയങ്കരിയായ ഗായികയാണ് ആര്യ ദയാല്‍. പിന്നീട് കര്‍ണാടക സംഗീതത്തിലെ സ്വരങ്ങളും കഥകളി പദത്തിനൊപ്പം ഒരു പോപ്പ് ഗാനവും കോര്‍ത്തിണക്കിയുളള ആര്യയുടെ വ്യത്യസ്തമായ ആലാപനവും ഏറെ ശ്രദ്ധിക്കപ്പെട്ടു.