അധോലാക സിനിമ എടുത്തയാള്‍ക്ക് വാക്‌സിന്‍ പേടിയോ, കെജിഎഫ് സംവിധായകനെ ട്രോളി സോഷ്യല്‍ മീഡിയ

സംവിധായകന്റെ ചിത്രത്തിന് പിന്നാലെ നിരവധി പേരാണ് ട്രോളുകളുമായി എത്തിയത്. സോഷ്യല്‍ മീഡിയയില്‍ പങ്കുവെച്ച ചിത്രത്തില്‍ തലയില്‍ കൈവെച്ച് കണ്ണടച്ചിരുന്നാണ് പ്രശാന്ത് സീല്‍ വാക്‌സിന്‍ സ്വീകരിക്കുന്നത്. എല്ലാവരും വാക്‌സിന്‍ എടുക്കണമെന്നും സുരക്ഷിതരായി ഇരിക്കണമെന്നും കുറിച്ചാണ് കെജിഎഫ് സംവിധായകന്‍ ഈ ചിത്രം പോസ്റ്റ് ചെയ്തത്.

ഇതിന് പിന്നാലെ രസകരമായ കമന്റുകളാണ് വന്നത്. അധോലോക സിനിമ എടുത്തയാള്‍ക്ക് ഇത്ര പേടിയോ എന്ന് ചോദിച്ചാണ് ചിലര്‍ എത്തിയിരിക്കുന്നത്. കാര്യം മോണ്‍സ്റ്റര്‍ റോക്കി ഭായിയെ സൃഷ്ടിച്ച മുതല്‍ ആണെങ്കിലും വാക്‌സിന്‍ എടുക്കാന്‍ പേടിയാ എന്നാണ് മറ്റൊരാള്‍ പ്രശാന്ത് നീലിനെ ട്രോളി കുറിച്ചത്. കെജിഎഫ് സംവിധായകന്‍ പങ്കുവെച്ച ചിത്രം ഇപ്പോള്‍ വാര്‍ത്തകളില്‍ ഒന്നടങ്കം നിറഞ്ഞിരിക്കുകയാണ്.

അതേസമയം 2018ലായിരുന്നു കെജിഎഫിന്‌റെ ആദ്യ ഭാഗം പുറത്തിറങ്ങിയത്. കോളാര്‍ ഗോള്‍ഡ് ഫാക്ടറിയുടെ പശ്ചാത്തലത്തില്‍ കഥ പറഞ്ഞ ചിത്രത്തിന് വലിയ വരവേല്‍പ്പാണ് തിയ്യേറ്ററുകളില്‍ ലഭിച്ചത്. യഷ് എന്ന താരത്തിന് പാന്‍ ഇന്ത്യന്‍ സ്റ്റാര്‍ഡം നല്‍കിയ സിനിമ കൂടിയായിരുന്നു കെജിഎഫ്. ശ്രീനിധി ഷെട്ടി നായികയായി എത്തിയ സിനിമയില്‍ ആനന്ത് നാഗ്, രാമചന്ദ്ര രാജു, അച്യൂത് കുമാര്‍ തുടങ്ങിയവരും പ്രധാന വേഷങ്ങളിലെത്തി.

രവി ബസ്രൂര്‍ ഒരുക്കിയ പാട്ടുകളും പശ്ചാത്തല സംഗീതവുമെല്ലാം കെജിഎഫിന്‌റെ വിജയത്തില്‍ നിര്‍ണായക പങ്കുവഹിച്ചിരുന്നു. ഉഗ്രം എന്ന ചിത്രത്തിന് ശേഷം പ്രശാന്ത് നീല്‍ സംവിധാനം ചെയ്ത രണ്ടാമത്തെ സിനിമ കൂടിയായിരുന്നു കെജിഎഫ്. യഷിന് പുറമെ സംവിധായകനും ഈ ചിത്രം കരിയറില്‍ വലിയ വഴിത്തിരിവുണ്ടാക്കി.

Recommended Video

റോക്കി ഭായിയെ വിറപ്പിച്ച വില്ലൻ ഗരുഡ ലാലേട്ടനേയും വിറപ്പിക്കുമോ ?

ആദ്യം ഭാഗം പോലെ കെജിഎഫ് രണ്ടാം ഭാഗവും വലിയ വിജയമാവുമെന്ന പ്രതീക്ഷകളിലാണ് ആരാധകര്‍. ഇത്തവണയും അഞ്ച് ഭാഷകളില്‍ സിനിമ പ്രദര്‍ശനത്തിന് എത്തുന്നുണ്ട്. കെജിഎഫ് 2 ഒടിടിയില്‍ എത്തില്ലെന്നും തിയ്യേറ്ററുകളില്‍ തന്നെ റിലീസ് ചെയ്യുമെന്നും അണിയറ പ്രവര്‍ത്തകര്‍ മുന്‍പ് അറിയിച്ചിരുന്നു.