For Quick Alerts
    ALLOW NOTIFICATIONS  
    For Daily Alerts

    സോണിയയെക്കുറിച്ചുള്ള ചിത്രം ഡിസംബറില്‍ പുറത്തിറങ്ങും

    By Staff
    |

    മുംബൈ: യുപിഎ അധ്യക്ഷ സോണിയാ ഗാന്ധിയുടെ ജീവിതത്തെ ആധാരമാക്കി തയ്യാറാക്കിയ സോണിയ എന്ന ചിത്രം ഡിസംബര്‍ ഒമ്പതിന്‌ പ്രദര്‍ശനത്തിനെത്തുമെന്ന്‌ സംവിധായകന്‍ ടിഡി കുമാര്‍ അറിയിച്ചു.

    സെന്‍സര്‍ ബോര്‍ഡ്‌ പ്രദര്‍ശനാനുമതി നിഷേധിച്ചതിനെത്തുടര്‍ന്ന്‌ രണ്ടുവര്‍ഷത്തോളമായി പ്രദര്‍ശനം മുടങ്ങിക്കിടന്ന സിനിമയ്‌ക്ക്‌ ഹൈക്കോടതിയുടെ അനുകൂലവിധി ലഭിച്ചു.

    സോണിയയുടെ ജന്മദിനമായതിനാലാണ്‌ ഡിസംബര്‍ ഒന്‍പതിന്‌ ചിത്രം റിലീസ്‌ ചെയ്യാന്‍ തീരുമാനിച്ചത്‌. പാര്‍വ പരാഗ്‌ എന്ന മെഡിക്കല്‍ വിദ്യാര്‍ത്ഥിനിയാണ്‌ ചിത്രത്തില്‍ സോണിയായി അഭിനയിക്കുന്നത്‌.

    സോണിയ വ്യക്തിപരമായി സിനിമയ്‌ക്ക്‌ അനുമതി നല്‍കിയെങ്കില്‍ മാത്രമേ ചിത്രത്തിന്‌ പ്രദര്‍ശനാനുമതി നല്‍കൂ എന്നതായിരുന്നു സെന്‍സര്‍ ബോര്‍ഡിന്റെ തീരുമാനം. ഇതിനെതിരെയാണ്‌ നിര്‍മ്മാതാവും സംവിധായകനും കോടതിയെ സമീപിച്ചത്‌.

    സിനിമാറ്റോഗ്രാഫ്‌ നിയമപ്രകാരം വ്യക്തിപരമായ അനുമതിയുടെ ആവശ്യമില്ലെന്ന ഹൈക്കോടതി വിധിയെത്തുടര്‍ന്ന്‌ ചിത്രത്തിലെ ചിലഭാഗങ്ങള്‍ നീക്കം ചെയ്‌ത്‌ സെന്‍സര്‍ ബോര്‍ഡ്‌ സര്‍ട്ടിഫിക്കറ്റ്‌ നല്‍കുകയായിരുന്നു.

    ചിത്രം സോണിയയെക്കുറിച്ച്‌ പ്രചാരണം നടത്താന്‍ ഉദ്ദേശിച്ചുള്ളതോ അതേപടിയുള്ള ജീവിതകഥയോ അല്ലെന്നും കുമാര്‍ പറയുന്നു. സോണിയയുടെ ജീവിതത്തെക്കുറിച്ചുള്ള ക്രിയാത്മകമായ വ്യാഖ്യാനമാണിത്‌. അതേസമയംതന്നെ ഏറെ ഗവേഷണം നടത്തി നിര്‍മ്മിച്ച സിനിമ ഭാവനാസൃഷ്ടിയുമല്ല- കുമാര്‍ വ്യക്തമാക്കി.

    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X