കുഞ്ഞ് ഒര്‍ഹാനും ജാമിയയ്ക്കുമൊപ്പം സൗബിന്‍ ഷാഹിര്‍! ജൂനിയറിന്‌റെ ക്യൂട്ട് ചിത്രം പങ്കുവെച്ച് നടന്‍!

സൗബിന്‍ ഷാഹിറിന്റെ കുഞ്ഞ്

2017 ഡിസംബറിലായിരുന്നു സൗബിനും ജാമിയയും തമ്മിലുളള നിക്കാഹ് നടന്നത്. കുടുംബത്തോടൊപ്പമുളള ചിത്രങ്ങളും വീഡിയോകളുമെല്ലാം സൗബിന്‍ ഷാഹിര്‍ സോഷ്യല്‍ മീഡിയയില്‍ പങ്കുവെക്കാറുണ്ട്. കുമ്പളങ്ങി നൈറ്റ്‌സിന്റെ വിജയത്തിലൂടെ മലയാളത്തില്‍ വീണ്ടും തിളങ്ങിനില്‍ക്കുന്ന സമയത്താണ് കുഞ്ഞതിഥി സൗബിന്റെ ജീവിതത്തിലേക്ക് കടന്നുവന്നത്. മേയ് പത്തിനായിരുന്നു കുഞ്ഞ് ജനിച്ചത്.

മദേഴ്സ് ഡേ യില്‍ ജാമിയയ്ക്ക്

അന്ന് തന്നെ താന്‍ പിതാവായ കാര്യം സൗബിന്‍ ആരാധകരെ അറിയിച്ചിരുന്നു. ഇറ്റ്സ് എ ബോയ് എന്ന് എഴുതിയ ബലൂണുമായിട്ടാണ് മകന്‍ ജനിച്ച വിവരം സൗബിന്‍ അറിയിച്ചത്. തുടര്‍ന്ന് ജാമിയയുടെ കൈയിലിരിക്കുന്ന മകന്റെ ചിത്രവും ഇന്‍സ്റ്റാഗ്രാമിലൂടെ സൗബിന്‍ ഷാഹിര്‍ പുറത്ത് വിട്ടിരുന്നു. മദേഴ്സ് ഡേ യില്‍ ജാമിയയ്ക്ക് ആശംസകളുമായിട്ടാണ് സൗബിന്‍ എത്തിയിരുന്നത്.

ഒര്‍ഹാന്‍ സൗബിന്‍

ഒര്‍ഹാന്‍ സൗബിനെന്നാണ് മകന് സൗബിന്‍ ഷാഹിര്‍ പേരിട്ടിരുന്നത്. ഓര്‍ഹാന്‍ പാമുഖാണോ കുഞ്ഞിന് പേരിടാന്‍ പ്രചോദനമായതെന്ന് സൗബിനോട് സുഹൃത്തുക്കളില്‍ അധികപേരും ചോദിച്ചിരുന്നു. നാളുകള്‍ നീണ്ട കാത്തിരിപ്പിനൊടുവിലായിരുന്നു സൗബിന്റെയും ജാമിയയുടെയും ജീവിതത്തിലെയും മകന്‍ എത്തിയിരുന്നത്. ദമ്പതികളെ അഭിനന്ദിച്ച് സുഹൃത്തുക്കളും സിനിമാ രംഗത്തുനിന്നുളളവരും എല്ലാം എത്തിയിരുന്നു.

ഓര്‍ഹാന്‍ സൗബിന്റെ പുതിയ ചിത്രം

ഓര്‍ഹാന്‍ സൗബിന്റെ എറ്റവും പുതിയ ചിത്രം കഴിഞ്ഞ ദിവസം സൗബിന്‍ ഷാഹിര്‍ പങ്കുവെച്ചിരുന്നു. ഭാര്യ ജാമിയയ്ക്കും കുഞ്ഞിനൊപ്പവും ഉളള ചിത്രമായിരുന്നു സൗബിന്‍ പങ്കുവെച്ചിരുന്നത്. കുടുംബത്തിനൊപ്പമുളള സൗബിന്റെ പുതിയ ചിത്രത്തിന് മികച്ച സ്വീകാര്യതയാണ് സോഷ്യല്‍ മീഡിയയില്‍ ലഭിക്കുന്നത്. ഇന്‍സ്റ്റഗ്രാം പേജിലായിരുന്നു പുതിയ ചിത്രം നടന്‍ പങ്കുവെച്ചിരുന്നത്.

സൗബിനെ പോലെ ചാക്കോച്ചനും

സൗബിന്‍ ഷാഹിറിനെ പോലെ കുഞ്ചാക്കോ ബോബന്റെ ജീവിതത്തിലേക്കും അടുത്തിടെയാണ് ആദ്യത്തെ കണ്‍മണി വന്നത്. നീണ്ട പതിനാല് വര്‍ഷത്തെ കാത്തിരിപ്പിനൊടുവില്‍ ജനിച്ച കുഞ്ഞിന്റെ ചിത്രങ്ങള്‍ ചാക്കോച്ചനും പങ്കുവെച്ചിരുന്നു. ഇസ എന്നായിരുന്നു കുഞ്ഞിന് ചാക്കോച്ചന്‍ പേരിട്ടത്. കുഞ്ഞിന്റെ നൂല്‌കെട്ട് ചടങ്ങിന്റെ ചിത്രങ്ങളും മറ്റും സോഷ്യല്‍ മീഡിയയില്‍ വൈറലാകുകയും ചെയ്തിരുന്നു.