എന്നെ ഒന്നിനും നിര്‍ബന്ധിക്കാറില്ല,പക്ഷേ അമ്മയോട് പല പ്രാവശ്യം പറയുന്നത് കേട്ടിട്ടുണ്ട്

പുറത്ത് പോയി കഴിക്കാറില്ല

ഭക്ഷണം പുറത്ത് പോയി കഴിക്കുന്ന പതിവില്ല. സിനിമയുടെ തിരക്കുകള്‍ എല്ലാം കഴിയുമ്പോള്‍ വല്ലപ്പോഴും മാത്രമായിരുന്നു അച്ഛന്‍ വീട്ടില്‍ എത്തിയിരുന്നത്. അച്ഛന്‍ വീട്ടില്‍ വരുമ്പോള്‍ ഒരു ആഘോഷം തന്നെയാണ്. അന്ന് മാത്രം അമ്മയെ അടുക്കളയില്‍ നിന്ന് ഇറക്കിയിട്ട് ഞാനും അച്ഛനുമായിരിക്കും അന്നത്തെ കുക്കിങ്.

അച്ഛന് മീന്‍ കറിയും ചോറും

അച്ഛന് ഏറ്റവും മീന്‍ കറിയും ചോറുമാണ്. എനിക്ക് അച്ഛന്റെ മാമ്പഴ പുളിശേരിയും. മാമ്പഴപുളിശേരി എന്ന് പറയുമ്പോള്‍ തന്നെ എനിക്ക് വായില്‍ വെള്ളമൂറും. പാചകത്തിന്റെ കാര്യത്തില്‍ അച്ഛനെ തോല്‍പ്പിക്കാന്‍ ആര്‍ക്കും കഴിയില്ല. ശ്രീലക്ഷ്മി പറയുന്നു.

എന്നെ നിര്‍ബന്ധിക്കാറില്ല

എന്നെ ഡോക്ടറാക്കണമെന്ന് അച്ഛന്‍ എപ്പോഴും പറയുമായിരുന്നു. പക്ഷേ പഠിക്കണമെന്ന് പറഞ്ഞ് എന്നെ ഒരിക്കലും നിര്‍ബന്ധിച്ചിരുന്നില്ല. പക്ഷേ അമ്മയോട് എന്നെ ശ്രദ്ധിക്കണമെന്ന് പറയുന്നത് ഞാന്‍ കേട്ടിട്ടുണ്ട്.

അച്ഛന്‍ ദേഷ്യപ്പെട്ടിട്ടില്ല

അച്ഛന്‍ ഇതുവരെ ദേഷ്യപ്പെടുന്നത് ഞാന്‍ കണ്ടിട്ടില്ല. എന്റെ വലിയൊരു കൂട്ടായിരുന്നു അച്ഛന്‍. ശ്രീലക്ഷ്മി പറഞ്ഞു.