Don't Miss!
- Finance 485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...?
- Lifestyle വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം
- Automobiles ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ
- Travel പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച
- News ചെമ്മീൻ കറി കഴിച്ചതിന് പിന്നാലെ ശ്വാസംമുട്ടൽ; വരാപ്പുഴയിൽ 46കാരൻ മരിച്ചു
- Sports IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത്
- Technology ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
മണിക്ക് നഷ്ടമായത് വിനായകന് നേടി!!! അവാര്ഡ് സങ്കല്പങ്ങളെ പൊളിച്ചെഴുതിയ ഗംഗ!!!
മലയാള സിനിമയിലെ അവാര്ഡ് കീഴ് വഴക്കങ്ങളെ പൊളിച്ചെഴുതുകയായിരുന്നു വിനായകന്. നായകന് അല്ലെങ്കില് കേന്ദ്രകഥാപാത്രത്തിന് മികച്ച നടനുള്ള അവാര്ഡ് നല്കുന്ന കീഴ് വഴക്കമായിരുന്നു ഇതുവരെ.
മലയാള സിനിമയിലെ പുരസ്കാര സങ്കല്പങ്ങളെ അക്ഷരാര്ത്ഥത്തില് പൊളിച്ചടുക്കിയിരിക്കയാണ് വിനായകന്. കേരള സംസ്ഥാന സിനിമാ പുരസ്കാര ചരിത്രത്തില് ഇതുവരെ സിനിമയിലെ നായക കഥാപാത്രങ്ങളായിരുന്നു മികച്ച നടനുള്ള അവാര്ഡിന് പരിഗണിച്ചിരുന്നത്. അതിന് ഒരു അപവാദമാണ് വിനായകന് ലഭിച്ച മികച്ച നടനുള്ള പുരസ്കാരം.
അവാര്ഡിനായി അണിയറ പ്രവര്ത്തകര് നല്കിയ നോമിനേഷനില് പോലും വിനായകനെ സഹനടനുള്ള വിഭാഗത്തിലായിരുന്നു. തന്റെ പ്രകടന മികവ് ഒന്നുകൊണ്ട് മാത്രം മികച്ച നടനുള്ള പുരസ്കാരം സ്വന്തമാക്കിയ വിനായകന് ഒരു പഴയ നഷ്ടം നികത്തുന്നുമുണ്ട്. 1999ല് മികച്ച നടനുള്ള പുരസ്കാരം ഇഞ്ചോടിഞ്ചിന് വഴുതിപ്പോയ മണിക്ക് പകരമാകുകയാണ് വിനായകന്റെ ഈ നേട്ടം.
മികച്ച നടനുള്ള സംസ്ഥാന പുരസ്കാരം നേടിയ വിനായകനെ അണിയ പ്രവര്ത്തകര് ഉള്പ്പെടുത്തയത് സഹനടനുള്ള വിഭാഗത്തിലാണെന്നതു തന്നെ മികച്ച നടന് എന്നത് നായകന് അഥവാ കേന്ദ്ര കഥാപാത്രത്തിന് ഊന്നല് നല്കുന്നതാണെന്നത് ശരിവയ്ക്കുന്നു. മുമ്പ് പലേരയും അവാര്ഡിന് പരിഗണിക്കാതിരുന്നത് പോലും അവര് ചിത്രത്തിലെ നായകനോ കേന്ദ്ര കഥാപാത്രമോ അല്ല എന്ന കാരണത്താലായിരുന്നു. ആ കീഴ് വഴക്കത്തെയാണ് വിനായകന് പൊളിച്ചടുക്കിയത്.
കമ്മട്ടിപ്പാടത്തിലെ നായകനാരെന്ന് സിനിമ കണ്ടിറങ്ങുന്ന പ്രേക്ഷകനോട് ചോദിച്ചാല് അവര് പറയുന്ന പേര് ദുല്ഖറിന്റേതായിരിക്കില്ല. പക്ഷെ കഥാഗതിയെ നിയന്ത്രിയിച്ച് സിനിമയെ മുന്നോട്ട് നയിക്കുന്നവന്, വില്ലനെ ഇല്ലായ്മ ചെയ്യുന്നവന് എന്നീ സങ്കല്പങ്ങളില് ദുല്ഖര് തന്നെയാണ് നായകന്. എന്നാല് താനല്ല മണികണ്ഠനും വിനായകനുമാണ് ചിത്രത്തിലെ നായകന്മാരെന്ന് ദുല്ഖര് ഒരു ചടങ്ങില് സംസാരിക്കുകയുണ്ടായി.
കമ്മട്ടിപ്പാടത്തിലെ യഥാര്ത്ഥ നായകര് ഇവരാണ്, ഗംഗയും ബാലന് ചേട്ടനും. ഗംഗയെ അവതരിപ്പിച്ച വിനായകന് മികച്ച നടനായപ്പോള് ബാലന് ചേട്ടനെ അവിസ്മരണീയമാക്കിയ മണികണ്ഠന് മികച്ച സഹനടനുമായി. കമ്മട്ടിപ്പാടം യഥാര്ത്ഥത്തില് ഇവരുടെ കഥയായിരുന്നു. ഒരു നാടിന്റെ അതിജീവനത്തിന് വേണ്ടി ജീവന് നല്കിയവര്. ഇവര് മത്സരിച്ചഭിനയിക്കുകയാരുന്നു സിനിമയില്.
1999ലെ സംസ്ഥാന സിനിമാ പുരസ്കാരത്തിന്റെ അവസാന നിമിഷത്തില് കലാഭവന് മണി തള്ളപ്പെടുകയായിരുന്നു. വാസന്തിയും ലക്ഷ്മിയും പിന്നെ ഞാനും എന്ന സിനിമയിലെ അഭിനയത്തിനായിരുന്നു മണിയെ പരിഗണിച്ചിരുന്നത്. എന്നാല് മോഹന്ലാലിനാണ് അത്തവണത്തെ സംസ്ഥാന പുരസ്കാരം ലഭിച്ചത്. പുരസ്കാരം ലഭിക്കുമെന്ന് ഏറെ പ്രതീക്ഷിച്ചിരുന്ന കലാഭവന് മണി പുരസ്കാരം പ്രഖ്യാപിക്കപെട്ടപ്പോള് ബോധംകെട്ടുവീണു.
മലയാളത്തിലെ പ്രമുഖ ടെലിവിഷന് ചാനലുകള് നടത്തിയ അവാര്ഡ് നിശകളില് വിനായകനെ തഴഞ്ഞു. ഏഷ്യാനെറ്റ് അവാര്ഡില് മികച്ച സഹനടനായി വിനായകനെ നോമിനേറ്റ് ചെയ്തിരുന്നെങ്കിലും അവസാന നിമിഷം അതും ലഭിച്ചില്ല. ഇതോടെ ഇത്തരം അവാര്ഡ് നിശകള്ക്കെതിരെ പ്രേക്ഷകര് സോഷ്യല് മീഡിയയില് ശക്തമായ പ്രതിഷേധവുമായി എത്തി. സംസ്ഥാന അവാര്ഡിലും സോഷ്യല് മീഡിയയില് വിനായകനായുള്ള ക്യാമ്പയില് ശക്തമായിരുന്നു.
പ്രമുഖ അവാര്ഡ് നിശകളിലെല്ലാം തഴയപ്പെട്ട വിനായകന് ആദ്യം അവാര്ഡ് നല്കിയത് സിനിമാപ്രേമികളുടെ ഫേസ്ബുക്ക് കൂട്ടായ്മയായ സിനിമാ പാരഡൈസോ ക്ലബ്ബാണ്. മികച്ച നടനുള്ള ആദ്യ പുരസ്കാരം അങ്ങനെ കമ്മട്ടിപ്പാടത്തെ ഗംഗയെ തേടി എത്തി. പിന്നീട് വനിത ഫിലിം ഫെയര് അവാര്ഡില് മികച്ച നടനുള്ള പ്രത്യേക ജൂറി അവാര്ഡ് ലഭിച്ചു. പക്ഷെ അവിടെയും മികച്ച നടന് എന്ന പുരസ്കാരം അന്യമായി നിന്നു. ഒടുവില് അര്ഹമായ അംഗീകാരം വിനായകനെ തേടി എത്തി.
-
മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക
-
സുഹൃത്തുക്കൾ പോയി, അപ്സര ഒറ്റപ്പെട്ട അവസ്ഥയിൽ; തിരിച്ച് വന്ന ശേഷം രസ്മിനും ആളാകെ മാറി; പ്രേക്ഷകർ
-
സഹോദരനാണെങ്കിലും സ്വകാര്യ വിഷയങ്ങൾ അറിയില്ല; ഞങ്ങളുടെ ബന്ധം; കുടുംബത്തെക്കുറിച്ച് അർബാസ് ഖാൻ