ആര്‍ക്കുമില്ലാത്ത അത്രയും പ്രതിഫലം വാങ്ങും! പക്ഷെ ഉമ്മ വെക്കാന്‍ പറ്റില്ലെന്ന് സായി പല്ലവി!

മലര്‍ മിസ്

മലയാളികളെ അടുത്ത് കാലത്ത് ആകര്‍ഷിച്ച നടിമാരില്‍ പ്രധാനി സായി പല്ലവിയാണ്. 2015 ല്‍ കേരളത്തില്‍ മലര്‍ മിസ് ഉണ്ടാക്കിയ തരംഗം അതിന് ശേഷം എത്ര സിനിമകള്‍ പുറത്ത് വന്നിട്ടും പിന്നീട് ഉണ്ടായിട്ടില്ലായിരുന്നു.

നിബന്ധനകളുമായി സായി

സായി പല്ലവി ഒരു സിനിമയില്‍ അഭിനയിക്കണമെങ്കില്‍ പലതരം നിബന്ധനകള്‍ മുന്നോട്ട് വെക്കുന്നത് പതിവാണ്. ഇപ്പോള്‍ പുതിയൊരു നിബന്ധന നടി മുന്നോട്ട് വെച്ചിരിക്കുകയാണ്. തെലുങ്ക് സിനിമയെയായിരിക്കും ഇക്കാര്യം കൂടുതല്‍ ബാധിക്കാന്‍ പോവുന്നത്.

ഉമ്മ വെക്കാന്‍ പറ്റില്ല

താന്‍ സിനിമകളില്‍ പാട്ട് രംഗങ്ങളും ഡാന്‍സും മറ്റും ആസ്വദിച്ചാണ് ചെയ്യാറുള്ളത്. എന്നാല്‍ സ്‌ക്രീനിനു മുന്നില്‍ ചുംബിക്കുന്നതിനോട് സായിക്ക് പൂര്‍ണ വിയോജിപ്പാണുള്ളത്. അത് നടി തുറന്ന് പറയുകയും ചെയ്തിരിക്കുകയാണ്.

മാതാപിതാക്കളുടെ അനുവാദം

അടുത്തിടെ ദേശീയ മാധ്യമത്തിന് നല്‍കിയ അഭിമുഖത്തിലാണ് സായി ഇക്കാര്യം വ്യക്തമാക്കിയിരിക്കുന്നത്. മാതാപിതാക്കളുടെ അനുവാദം കിട്ടിയത് കൊണ്ട് മാത്രമാണ് തന്റെ സ്വപ്‌നങ്ങളെല്ലാം പൂര്‍ത്തിയാക്കാന്‍ കഴിയുന്നത്.

അവര്‍ക്ക് ഉള്‍ക്കാന്‍ കഴിയില്ല

താന്‍ സിനിമയില്‍ ഇത്തരം രംഗങ്ങളില്‍ അഭിനയിക്കുന്നത് ഒരിക്കലും അവര്‍ക്ക് ഉള്‍ക്കൊള്ളാന്‍ കഴിയാത്ത കാര്യമാണ്. അതിനാല്‍ എന്റെ പ്രവര്‍ത്തിയില്‍ അത്രം കാര്യങ്ങള്‍ വരാതിരിക്കാന്‍ ശ്രദ്ധിക്കുകയാണെന്നുമാണ് സായി പറയുന്നത്.

പ്രതിഫലം കൊണ്ട് ഞെട്ടിച്ചിരുന്നു

കഴിഞ്ഞ ദിവസം പുറത്ത് വന്ന റിപ്പോര്‍ട്ടുകളില്‍ സായിയുടെ പ്രതിഫലം കേട്ട് എല്ലാവരും ഒന്ന് ഞെട്ടിയിരുന്നു. തെലുങ്കിലെ ആദ്യ സിനിമയില്‍ അഭിനയിക്കുന്നതിനായി 40 വാങ്ങിയ സായി അടുത്ത സിനിമയില്‍ അത് 70 ലക്ഷമാക്കിയെന്നാണ് പറയുന്നത്.

സൂപ്പര്‍ ഹിറ്റായി തെലുങ്ക് ചിത്രം

ഫിദ എന്ന തെലുങ്ക് ചിത്രം ജൂലൈ അവസാനത്തോട് കൂടിയായിരുന്നു തിയറ്ററുകളിലെത്തിയത്. നിലവില്‍ 40 കോടി ഗ്രോസ് കളക്ഷന്‍ നേടിയ സിനിമ സൂപ്പര്‍ ഹിറ്റായി ഓടി കൊണ്ടിരിക്കുകയാണ്.

ഭാനുമതിയും സൂപ്പറാണ്

മലയാളത്തില്‍ മലര്‍ ഹിറ്റായത് പോലെയാണ് ഇപ്പോള്‍ തെലുങ്കില്‍ ഭാനുമതിയും. സായിയുടെ ഭാനുമതി മറ്റൊരു തരംഗമായി മാറിയിരിക്കുകയാണ്.

അടുത്തത് തമിഴില്‍

സിനിമകള്‍ തിരഞ്ഞെടുക്കുന്നതിന് സായി ശ്രദ്ധിക്കാറുണ്ട്. ഫിദയ്ക്ക് ശേഷം തമിഴിലെ ഹൊറര്‍ സിനിമ 'കരു'വാണ് സായിയുടെ അടുത്ത് വരാനിരിക്കുന്ന സിനിമ.

കലി തെലുങ്കിലേക്ക്

ദുല്‍ഖര്‍ സല്‍മാനും സായി പല്ലവിയും നായിക നായകന്മാരായി അഭിനയിച്ച കലി എന്ന സിനിമയും തെലുങ്കിലേക്ക് മൊഴി മാറി എത്താന്‍ പോവുകയാണ്.