ലോക് ഡൗണ്‍ എന്ന് തീരും? അച്ഛന്‍ ഇന്ന് വരുമോ! അല്ലിയുടെ ചോദ്യങ്ങളെക്കുറിച്ച് സുപ്രിയ

കൊറോണ വൈറസ് വ്യാപനത്തിനിടെ സിനിമയുടെ ഷൂട്ടിംഗ് ഇടയ്ക്ക് നിന്നുപോയിരുന്നു. പിന്നീടാണ് വീണ്ടും പുനരാംരഭിച്ചത്. പൃഥ്വിരാജിനെക്കുറിച്ചുളള ഭാര്യ സുപ്രിയ മേനോന്റെ പുതിയ പോസ്റ്റ് സോഷ്യല്‍ മീഡിയയില്‍ വൈറലായിരുന്നു. പൃഥ്വിയെ താനും മകളും മിസ് ചെയ്യുന്നുവെന്ന് കുറിച്ചുകൊണ്ടായിരുന്നു താരപത്‌നി എത്തിയത്. പൃഥ്വിരാജിനെ പോലെ തന്നെ സുപ്രിയയും മകള്‍ അലംകൃതയും സോഷ്യല്‍ മീഡിയയിലെ താരങ്ങളാണ്.

താരകുടുംബത്തിന്റെ വിശേഷങ്ങള്‍ അറിയാന്‍ ആരാധകര്‍ കാത്തിരിക്കാറുണ്ട്. തിരക്കുകള്‍ക്കിടെയിലും സോഷ്യല്‍ മീഡിയയില്‍ സജീവമാകാറുണ്ട് പൃഥ്വിയും സുപ്രിയയും. പൃഥ്വിക്കും അല്ലിക്കുമൊപ്പമുളള ഒരു പഴയ ചിത്രം പങ്കുവെച്ചുകൊണ്ടാണ് സുപ്രിയ ഇത്തവണ എത്തിയത്. "എല്ലാ ദിവസവും എന്നോട് മകള്‍ ചോദിക്കാറുണ്ട് ലോക് ഡൗണ്‍ അവസാനിച്ചോ എന്ന്. ദാദ ഇന്ന് വരുമോ. ഇപ്പോള്‍ ഞാനും അല്ലിയും ദാദയുടെ വരവിനായി കാത്തിരിക്കുകയാണ്". സുപ്രിയ ഇന്‍സ്റ്റഗ്രാമില്‍ കുറിച്ചു.

മുന്‍പും പൃഥ്വിയുടെ തിരിച്ചുവരവിനെക്കുറിച്ച് സുപ്രിയ പോസ്റ്റ് ചെയ്തിരുന്നു. നേരത്തെ പൃഥ്വി ജോര്‍ദ്ദാനിലേക്ക് പോവുംമുമ്പ് താരകുടുംബം വീണ്ടും ഒത്തുകൂടിയിരുന്നു. അന്ന് ഇന്ദ്രജിത്തിന്റെ വീട്ടിലാണ് എല്ലാവരും ഒത്തുകൂടിയിരുന്നത്. ലോക് ഡൗണിനിടെ സുഹൃത്തുക്കളുമായി നടത്തിയ പൃഥ്വിയുടെ വീഡിയോ കോള്‍ ചിത്രങ്ങളും സോഷ്യല്‍ മീഡിയയില്‍ വൈറലായിരുന്നു.

അടുത്ത സുഹൃത്തുക്കളായ ജയസൂര്യ, നരേന്‍, സഹോദരന്‍ ഇന്ദ്രജിത്ത് തുടങ്ങിയവരോടാണ് നടന്‍ വീഡിയോ കോളിലൂടെ സംസാരിച്ചത്. നേരത്തെ ആടുജീവിതത്തിനായി വലിയ തയ്യാറെടുപ്പുകളായിരുന്നു പൃഥ്വി നടത്തിയത്. 30 കിലോയോളം ശരീരഭാരം പൃഥി കുറച്ചിരുന്നു. ആടുജീവിതത്തിലെ നജീബിന്റെ ദുരിത കാലഘട്ടം അവതരിപ്പിക്കാനായിട്ടാണ് പൃഥ്വി നേരത്തെ വണ്ണം കുറച്ചത്. പൃഥ്വിയുടെ ആരാധകരും സിനിമാ പ്രേമികളും ഒന്നടങ്കം വലിയ പ്രതീക്ഷയോടെ കാത്തിരിക്കുന്ന ചിത്രമാണ് ആടുജീവിതം. ബെന്യാമിന്റെ നോവലിനെ ആസ്പദമാക്കി സംവിധായകന്‍ ബ്ലെസിയാണ് ആടുജീവിതം അണിയിച്ചൊരുക്കുന്നത്.