ഇനി ഒരു മാസം സുഖമായി ഉറങ്ങാം...!! വിജയ നിമിഷത്തിൽ പൃഥ്വിയെ ചേർത്ത് പിടിച്ച് സുപ്രിയ

നിറ പുഞ്ചിരിയോടെ താരങ്ങൾ

മികച്ച പ്രേക്ഷക ശ്രദ്ധ നേടി ലൂസിഫർ ജൈത്രയാത്ര തുടരുകയാണ്. ചിത്രത്തിന് മികച്ച പ്രേക്ഷകാഭിപ്രായമാണ് ലഭിക്കുന്നത്. ഒരു നവഗത സംവിധായകൻ എന്ന നിലയിൽ പൃഥ്വി നേടിയെടുത്തത് വൻ വിജയം തന്നെയാണ്. ഇപ്പോൾ സോഷ്യൽ മീഡിയയിൽ വൈറലാകുന്നത് സുപ്രിയയുടെ ഇൻസ്റ്റഗ്രാം ചിത്രമാണ്. ലൂസിഫറിൻരെ ആദ്യ പ്രദർശനത്തിനു ശേഷമുള്ള ചിത്രങ്ങളാണ് സുപ്രിയ പോസ്റ്റ് ചെയ്തത്. ലാലേട്ടനും പൃഥ്വിയും സുപ്രിയയുടെ സെൽഫിയിലുണ്ട്. നിറ പുഞ്ചിരിയോടെയായരുന്നു മൂവരും ചിത്രത്തിൽ.

വീഡിയോ പങ്കുവെച്ച് തരപത്നി

ഫാൻസ് ഷോയും താരപത്നി പങ്കുവെച്ചിട്ടുണ്ട്. തിയേറ്ററിൽ നിന്നുളള വീഡിയോയും സുപ്രിയ പങ്കുവെച്ചിരുന്നു. ആരാധകരുടെ ആവേശം എത്രത്തോളമായിരുന്നു എന്ന് ആ വിഡിയോയിൽ നിന്ന് മനസ്സിലാകാൻ സാധിക്കുമായിരുന്നു. സുപ്രിയ പങ്കുവെച്ച വീഡിയോ സോഷ്യൽമീഡിയയിൽ

പൃഥ്വിയെ കാണാൻ സുപ്രിയ‌

ലൂസിഫറിന്റെ വിശേഷങ്ങൾ സുപ്രിയ ഇടയ്ക്കിടെ സോഷ്യൽ മീഡിയയിൽ പങ്കുവെയ്ക്കുകയായിരുന്നു. കഴിഞ്ഞ ദിവസം ലൂസിഫറിന്റെ സെറ്റിൽവെച്ച് മകൾ അലകൃതയ്ക്കും പൃഥ്വിയ്ക്കുമൊപ്പമുള്ള ചിത്രം സുപ്രിയ പങ്കുവെച്ചിരുന്നു. ഡയറക്ടർ സാറിനെ കാണാൻ എല്ലാ ദിവസവും ലൊക്കേഷനിൽ എത്തുമായിരുന്നു എന്ന തലക്കെട്ടോടെയായിരുന്നു ചിത്രം പോസ്റ്റ് ചെയ്തത്. ഇതിനു താഴെ കമന്റുമായി പൃഥ്വിയും എത്തിയിരുന്നു.

ഒരു മാസം ഉറങ്ങണം

സുപ്രിയ പങ്കുവെച്ച പോസ്റ്റിന് ചുവടെ കമന്റുമായി പൃഥ്വി രംഗത്തെത്തിയിരുന്നു. ചിത്രം റിലീസായതിനു ശേഷം വീട്ടിൽ വന്ന് ഒരുമാസം ഉറങ്ങണമെന്നാണ് തന്റ ആഗ്രഹമെന്നായിരുന്നു താരത്തിന്റെ കമന്റ്. കഴിഞ്ഞ കുറച്ചു നാളത്തെ പരിശ്രമത്തിന്റെ ഫലമാണ് തിയേറ്ററുകളിൽ നിന്ന് ലഭിക്കുന്ന മികച്ച പ്രതികരണങ്ങൾ. പൃഥ്വിയുടെ ആദ്യ സംരംഭത്തിന് മികച്ച പ്രേക്ഷക സ്വീകാരത്യയാണ് ലഭിച്ചിരിക്കുന്നത്.