വനിതാ സംഘടനയുടെ ആരംഭകാലത്ത് അംഗമായി സുരഭിയുണ്ടായിരുന്നു, പിന്നെന്ത് സംഭവിച്ചു?

തുടക്കത്തില്‍ അംഗമായിരുന്നു

വനിതാ സംഘടന രൂപീകരിച്ച സമയത്ത് സുരഭി അതില്‍ അംഗമായിരുന്നു. ചര്‍ച്ചകളിലൊന്നും പങ്കെടുത്തില്ലെങ്കിലും സൈലന്റായി ആ ഗ്രൂപ്പില്‍ സുരഭിയുമുണ്ടായിരുന്നു. ദേശീയ അവാര്‍ഡ് ലഭിച്ചതിന് ശേഷമുള്ള തിരക്കുകളിലായിരുന്നു താരം.

മൗനം മറ്റുള്ളവര്‍ക്ക് ബുദ്ധിമുട്ടായി

വാടാസാപ്പ് ഗ്രൂപ്പിലൂടെ സംഘടനയുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യാറുണ്ടായിരുന്നു. എന്നാല്‍ സന്ദേശങ്ങള്‍ വായിച്ച നോക്കാന്‍ പോലും കഴിയാത്തത്ര തിരക്കിലായിരുന്നു സുരഭി. ഇത് മറ്റ് അംഗങ്ങള്‍ക്ക് ബുദ്ധിമുട്ടുണ്ടാക്കുന്നുവെന്ന മെസ്സേജ് കണ്ടതോടെ സംഘടനയക്ക് സകല പിന്തുണയും നല്‍കി സുരഭി മാറി നില്‍ക്കുകയായിരുന്നു.

ഐഎഫ്എഫ്‌കെ വിവാദത്തെക്കുറിച്ച്

ഐഎഫ്എഫ്‌കെയുടെ ഉദ്ഘാടന വേദിയില്‍ പ്രവേശിക്കണമെങ്കില്‍ ക്ഷണം ആവശ്യമുണ്ട്. പ്രകാശ് രാജും രജിഷ വിജയനും പുരസ്‌കാര വേദിയിലുണ്ടായിരുന്നു. ദേശീയ അവാര്‍ഡ് ജേതാവായിട്ട് കൂടി സുരഭിയെ പരിഗണിക്കാതിരുന്നത് വന്‍വിവാദത്തിനാണ് വഴി തെളിയിച്ചത്.

പാര്‍വ്വതിയെ ആദരിച്ചതിനെക്കുറിച്ച്

മറ്റ് പുരസ്‌കാരം നേടിയവരെ ഐഎഫ്എഫ്‌കെ വേദിയില്‍ ആദരിക്കുന്ന പതിവില്ലെന്നായിരുന്നു പറഞ്ഞിരുന്നത്. എന്നാല്‍ ഗോവയിലെ പുരസ്‌കാരം സ്വന്തമാക്കിയ പാര്‍വ്വതിയെ ആദരിച്ചിരുന്നു. മാധ്യമപ്രവര്‍ത്തകര്‍ ചോദിച്ചപ്പോഴാണ് ഇക്കാര്യത്തെക്കുറിച്ച് അറിഞ്ഞത്.

മികച്ച നടിയാണ്

പാര്‍വതി മികച്ച നടിയാണ് അവരെ ആദരിച്ചതില്‍ സന്തോഷം മാത്രമേയുള്ളു. ക്ലബ് എഫ് എമ്മിന് നല്‍കിയ അഭിമുഖത്തില്‍ സംസാരിക്കവെയാണ് സുരഭി കാര്യങ്ങള്‍ വിശദീകരിച്ചത്.