twitter
    For Quick Alerts
    ALLOW NOTIFICATIONS  
    For Daily Alerts

    മായാവിക്കു പിന്നാലെ ഡാകിനിയും വെള്ളിത്തിരയിലേക്ക്! കാണാം

    By Midhun
    |

    Recommended Video

    ഡാകിനി വെള്ളിത്തിരയിലേക്ക്

    ഇക്കഴിഞ്ഞ സംസ്ഥാന ചലച്ചിത്ര പുരസ്‌കാരങ്ങളില്‍ മികച്ച സിനിമയായി തിരഞ്ഞെടുക്കപ്പെട്ട ചിത്രമായിരുന്നു ഒറ്റമുറി വെളിച്ചം. നവാഗതനായ രാഹുല്‍ റിജി നായരായിരുന്നു ഈ ചിത്രം സംവിധാനം ചെയ്തിരുന്നത്. വിവാഹത്തിന് ശേഷം ഭര്‍ത്താവില്‍ നിന്ന് പീഡനം ഏറ്റുവാങ്ങേണ്ടി വരികയും സാഹചര്യങ്ങളില്‍ നിന്ന് ശക്തിയാര്‍ജ്ജിച്ച് തിരിച്ചടിക്കുകയും ചെയ്യുന്ന ഭാര്യയുടെ കഥ പറയുന്ന ശക്തമായ സ്ത്രീപക്ഷ സിനിമയായിരുന്നു ഒറ്റമുറി വെളിച്ചം. സംസ്ഥാന ചലച്ചിത്ര പുരസ്‌കാരങ്ങളില്‍ മികച്ച ചിത്രത്തിനു പുറമേ മികച്ച എഡിറ്റര്‍,മികച്ച രണ്ടാമത്തെ നടി, സ്‌പെഷ്യല്‍ ജൂറി പുരസ്‌കാരം തുടങ്ങിയവയും ചിത്രത്തിന് ലഭിച്ചിരുന്നു.

    നാദിര്‍ഷയുടെ അടുത്ത ചിത്രത്തില്‍ നായകനായി ബിജു മേനോന്‍: ഇത് പൊളിക്കുമെന്ന് ആരാധകര്‍! കാണാംനാദിര്‍ഷയുടെ അടുത്ത ചിത്രത്തില്‍ നായകനായി ബിജു മേനോന്‍: ഇത് പൊളിക്കുമെന്ന് ആരാധകര്‍! കാണാം

    ഗോവയിലും ദുബായിലും നടന്ന ചലച്ചിത്രോല്‍സവങ്ങളിലേക്കും തിരഞ്ഞെടുക്കപ്പെട്ടിരുന്ന ചിത്രം ചലച്ചിത്ര പ്രേമികളില്‍ നിന്നെല്ലാം തന്നെ മികച്ച അഭിപ്രായങ്ങള്‍ നേടിയെടുത്തിരുന്നു. ചിത്രത്തിന്റെ കഥ,തിരക്കഥ, സംഭാഷണം എന്നിവ രാഹുല്‍ തന്നെയായിരുന്നു എഴുതിയിരുന്നത്. രാജ്യാന്തര തലത്തില്‍ ശ്രദ്ധിക്കപ്പെട്ട ഡോക്യൂമെന്ററികള്‍,ഷോര്‍ട്ട് ഫിലിമുകള്‍ സംഗീത ആല്‍ബങ്ങള്‍ തുടങ്ങിയവ സംവിധാനം ചെയ്ത രാഹുലിന്റെ ആദ്യത്തെ ഫീച്ചര്‍ ഫിലിമായിരുന്നു ഒറ്റമുറി വെളിച്ചം എന്ന സിനിമ. ഒറ്റമുറി വെളിച്ചത്തിനു ശേഷം രാഹുല്‍ റിജി നായര്‍ സംവിധാനം ചെയ്യുന്ന പുതിയ ചിത്രം പ്രഖ്യാപിച്ചിരിക്കുകയാണ്. ഡാകിനി എന്നാണ് ചിത്രത്തിന് പേരിട്ടിരിക്കുന്നത്.ചിത്രത്തിന്റെ നിര്‍മ്മാതാവായ സന്ദീപ് സേനനാണ് സിനിമയെക്കുറിച്ചുളള കൂടുതല്‍ വിവരങ്ങള്‍ ഫേസ്ബുക്കിലൂടെ പുറത്തുവിട്ടിരിക്കുന്നത്.

    dakini movie

    സന്ദീപ് സേനന്റെ ഉര്‍വ്വശി തിയ്യേറ്റേഴ്‌സും ബി രാകേഷിന്റെ യൂണിവേഴ്‌സല്‍ സിനിമയും ചേര്‍ന്നാണ് ചിത്രത്തിന്റെ നിര്‍മ്മാണം. സുരാജ് വെഞ്ഞാറമൂടാണ് ചിത്രത്തില്‍ നായകവേഷത്തില്‍ എത്തുന്നത്. സുരാജിനു പുറമേ,ചെമ്പന്‍ വിനോദ് ജോസ്, ബാലുശ്ശേരി സരസ, ശ്രീലത ശ്രീധരന്‍, ഇന്ദ്രന്‍സ്, അലന്‍സിയര്‍, പോളി വില്‍സന്‍, സേതുലക്ഷ്മി തുടങ്ങിയ താരങ്ങളും ചിത്രത്തില്‍ അഭിനയിക്കുന്നുണ്ട്. വിജയ് ബാബുവിന്റെ ഫ്രൈഡേ ഫിലിംസാണ് ഡാകിനി വിതരണത്തിനെത്തിക്കുന്നത്. അലക്‌സ് പുളിക്കലാണ് ചിത്രത്തിന് ചായാഗ്രഹണം നിര്‍വ്വഹിക്കുന്നത്. അപ്പു ഭട്ടതിരി എഡിറ്റിങ്ങ് ചെയ്യുന്ന ചിത്രത്തിന് സംഗീതം നിര്‍വ്വഹിക്കുന്നത് രാഹുല്‍ രാജാണ്. പ്രതാപ് രവീന്ദ്രന്‍ കലാസംവിധാനവും ധന്യാ ബാലകൃഷ്ണന്‍ വസ്ത്രാലങ്കാരവും നിര്‍വ്വഹിക്കുന്നു. ജൂണില്‍ ചിത്രീകരണം ആരംഭിച്ച് ഈ വര്‍ഷം അവസാനമാണ് ചിത്രം തിയ്യേറ്ററുകളിലെത്തുക.

    വൈവയ്ക്ക് പോയത് പോലെയായിരുന്നു കിനാവള്ളിയുടെ സെന്‍സര്‍: ചിത്രത്തെക്കുറിച്ച് തിരക്കഥാകൃത്ത്! കാണാംവൈവയ്ക്ക് പോയത് പോലെയായിരുന്നു കിനാവള്ളിയുടെ സെന്‍സര്‍: ചിത്രത്തെക്കുറിച്ച് തിരക്കഥാകൃത്ത്! കാണാം

    റിലീസിങ്ങിനൊരുങ്ങി പ്രേമം ടീമിന്റെ തൊബാമ: ചിത്രത്തിന് സെന്‍സര്‍ ബോര്‍ഡിന്റെ യു സര്‍ട്ടിഫിക്കറ്റ്റിലീസിങ്ങിനൊരുങ്ങി പ്രേമം ടീമിന്റെ തൊബാമ: ചിത്രത്തിന് സെന്‍സര്‍ ബോര്‍ഡിന്റെ യു സര്‍ട്ടിഫിക്കറ്റ്

    English summary
    suraj venjaramoodu new movie dakini is coming
    വാർത്തകൾ അതിവേഗം അറിയൂ
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X