ഐ യിലെ സുരേഷ് ഗോപിയുടെ വേഷം സസ്‌പെന്‍സ്: വിക്രം

ഐ പ്രമോഷന് വിക്രം കൊച്ചി ലുലുമാളില്‍

എന്റെ കരിയറിലെ നിര്‍ണായക ചിത്രമാണ് ഐ. ഒരു തമിഴ് സിനിമ എന്നതിനെക്കാള്‍ ഉപരി ഇന്ത്യയില്‍ നിന്നും ഹോളിവുഡ് നിലവാരത്തില്‍ നിര്‍മിച്ച ചിത്രമാണ് ഐ. കഥ കേട്ടപ്പോള്‍ വെല്ലുവിളിയുള്ള റോളാണെന്ന് തോന്നിയതുകൊണ്ടാണ് ചെയ്യാന്‍ തീരുമാനിച്ചത്. മൂന്ന് വര്‍ഷത്തോളം ചിത്രത്തിന് വേണ്ടി ചെലവാക്കി.

ഐ പ്രമോഷന് വിക്രം കൊച്ചി ലുലുമാളില്‍

ഭാരം കുറയ്ക്കുന്നതായിരുന്നത്രെ ഏറ്റവും കഠിനം. മൂന്ന് മാസം കൊണ്ട് 25 കിലോ കുറച്ചു. 15 കിലോമീറ്റര്‍ സൈക്കിള്‍ ചവിട്ടുകയും ഷൂട്ടിങ് ഇടവേളയില്‍ ജിമ്മില്‍ പോയുമാണ് ഭാരം കുറച്ചത്. ഫിസിയോ തെറാപ്പിസ്റ്റും ഡോക്ടര്‍മ്മാരുമുള്‍പ്പടെ വിദഗ്ദ സംഘം ഒപ്പമുണ്ടായിരുന്നു. ഒമ്പത് മാസം അതേ നില തുടര്‍ന്നു.

ഐ പ്രമോഷന് വിക്രം കൊച്ചി ലുലുമാളില്‍

മൂന്നു കൊല്ലത്തില്‍ ഒമ്പത് പടം ചെയ്യാമെങ്കിലും ചിത്രങ്ങളുടെ നിലവാരത്തിലാണ് ശ്രദ്ധയെന്നും എണ്ണം കൂടുന്നതിലല്ലെന്നും വിക്രം പറഞ്ഞു. മലയാള സിനിമകള്‍ കാണാറുണ്ട്. ബാംഗ്ലൂര്‍ ഡെയ്‌സും അഞ്ചു സുന്ദരികളും ഇഷ്ടപ്പെട്ടു. നല്ല തിരക്കഥകളാണ് സിനിമയില്‍ അഭിനയിക്കാനുള്ള മാനദണ്ഡം.

ഐ പ്രമോഷന് വിക്രം കൊച്ചി ലുലുമാളില്‍

ശങ്കര്‍ എന്ന സംവിധായകന്‍ ഒരു പെര്‍ഫക്ഷനിസ്റ്റാണ്. ഡയലോഗ് പോലും മാറ്റാന്‍ അനുവദിക്കില്ല. അത്ര കൃത്യമായുള്ള സ്‌ക്രിപ്റ്റാണ്. അഭിനേതാവ് എന്ന നിലയില്‍ താരങ്ങള്‍ക്ക് തങ്ങളുടെ ജോലിയില്‍ പൂര്‍ണ ശ്രദ്ധചെലുത്താന്‍ ശങ്കറിനെ പോലുള്ളവരുടെ സിനിമയില്‍ കഴിയും. വ്യത്യസ്തമായ ആശയങ്ങള്‍കൊണ്ട് സമ്പന്നമാണ് ശങ്കറിന്റെ സിനിമ

ഐ പ്രമോഷന് വിക്രം കൊച്ചി ലുലുമാളില്‍

സുരേഷ് ഗോപിയ്ക്ക് ചിത്രത്തില്‍ മികച്ച ഒരു വേഷമുണ്ട്. അത് സസ്‌പെന്‍സാണ്. ചിത്രത്തില്‍ അത്തരം ഒത്തിരി അത്ഭുതങ്ങള്‍ സൂക്ഷിച്ചിട്ടുണ്ടെന്നും വിക്രം പറഞ്ഞു. സിനിമ ഇറങ്ങിക്കഴിയുമ്പോള്‍ ഞങ്ങള്‍ എത്രമാത്രം കഷ്ടപ്പെട്ടിട്ടുണ്ടെന്ന് പ്രേക്ഷകര്‍ക്ക് മനസ്സിലാവും. ജനുവരി 14 ന് കേരളത്തില്‍ 224 തിയേറ്ററുകളില്‍ റിലീസ് ചെയ്യുന്ന ചിത്രം ലോകമെമ്പാടും 20,000 ല്‍പരം തിയേറ്ററുകളിലാണ് റിലീസിനൊരുങ്ങുന്നത്.