Don't Miss!
- Lifestyle രോഗശാന്തിക്ക് ഓടിയെത്തുന്ന ഭക്തര്, മന്ത്രവാദവും ആത്മാക്കളെയും ഒഴിപ്പിക്കുന്ന ക്ഷേത്രം
- Automobiles ബ്രെസയും നെക്സോണും പോലെ കമ്പനിയിട്ട പേരുകളല്ല! സ്കോഡ എസ്യുവിക്ക് ജനങ്ങള് നിര്ദേശിച്ച 10 പേരുകള് കണ്ടോ...
- News പോളിംഗ് ബൂത്തില് ചൂടൊന്നും പ്രശ്നമാകില്ല; എല്ലാ സൗകര്യവുമുണ്ടാകുമെന്ന് മുഖ്യ തിരഞ്ഞെടുപ്പ് ഓഫീസര്
- Technology അമ്പോ ലാഭം വില! ഇതുവരെ വന്നതെല്ലാം സൈഡിലോട്ട് നിന്നോ, ഇനി ഈ റിയൽമി 5ജിഫോണാണ് മെയിൻ
- Finance തിരിച്ചുകയറി സ്വർണവില, പവന്റെ വില വീണ്ടും 53,000 കടന്നു, അഡ്വാൻസ് ബുക്കിംഗ് നല്ലതാണ്
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
- Sports T20 World Cup 2024: കീപ്പിങ്ങില് മിന്നിച്ച് രാഹുല്, പക്ഷെ സഞ്ജുവിനോളം വരുമോ? പോരാട്ടം കടുക്കുന്നു
മാസ് ആക്ഷന് ചിത്രവുമായി സുരേഷ് ഗോപി, ചിത്രീകരണം വീണ്ടും പുനരാരംഭിച്ചു
വരനെ ആവശ്യമുണ്ട് എന്ന ചിത്രത്തിലൂടെ ഈ വര്ഷമാദ്യം മലയാളത്തില് തിരിച്ചുവരവ് നടത്തിയ താരമാണ് സുരേഷ് ഗോപി. അനൂപ് സത്യന് സംവിധാനം ചെയ്ത ചിത്രത്തില് മികച്ച പ്രകടനം കാഴ്ചവെച്ചുകൊണ്ടാണ് നടന് വീണ്ടും സജീവമായത്. സുരേഷ് ഗോപിക്കൊപ്പം ദുല്ഖര് സല്മാന്, കല്യാണി പ്രിയദര്ശന്, ശോഭന തുടങ്ങിയവരും സിനിമയില് പ്രധാന വേഷങ്ങളില് അഭിനയിച്ചിരുന്നു. സുരേഷ് ഗോപിക്കൊപ്പം നടി ശോഭനയുടെയും മലയാളത്തിലേക്കുളള തിരിച്ചുവരവ് ചിത്രം കൂടിയായിരുന്നു ഇത്.
അതേസമയം വരനെ ആവശ്യമുണ്ട് ചിത്രത്തിന് പിന്നാലെ കൈനിറയെ സിനിമകളാണ് സൂപ്പര് താരത്തിന്റെതായി അണിയറയില് ഒരുങ്ങിക്കൊണ്ടിരിക്കുന്നത്. സുരേഷ് ഗോപിയുടെതായി വരാനിരിക്കുന്ന സിനിമകളില് ഒന്നാണ് കാവല്. നിതിന് രണ്ജി പണിക്കര് സംവിധാനം ചെയ്യുന്ന ചിത്രം ഒരു മാസ് ആക്ഷന് എന്റര്ടെയ്നറാണ്. മാസങ്ങള്ക്ക് മുന്പ് ചിത്രീകരണം ആരംഭിച്ച സിനിമയുടെ ടീസര് സുരേഷ് ഗോപിയുടെ ജന്മദിനത്തിലാണ് പുറത്തിറങ്ങിയിരുന്നത്.
മികച്ച വരവേല്പ്പാണ് ആരാധകര് സുരേഷ് ഗോപി ചിത്രത്തിന്റെ ടീസറിന് നല്കിയത്. സുരേഷ് ഗോപിക്കൊപ്പം വമ്പന്താരനിര അണിനിരക്കുന്ന ചിത്രത്തിനായി വലിയ ആകാംക്ഷകളോടെയാണ് ആരാധകര് കാത്തിരിക്കുന്നത്. അതേസമയം കോവിഡ് വ്യാപനത്തെ തുടര്ന്ന് കാവലിന്റെ ചിത്രീകരണം നേരത്തെ നിര്ത്തിവെക്കേണ്ടി വന്നിരുന്നു. പത്ത് ദിവസത്തെ ചിത്രീകരണം മാത്രം ബാക്കിയുളള സമയത്തായിരുന്നു കോവിഡ് വ്യാപനം ഉണ്ടായത്. ഇപ്പോഴിതാ മാസങ്ങള്ക്ക് ശേഷം സിനിമയുടെ ചിത്രീകരണം വീണ്ടും പുനരാരംഭിച്ചിരിക്കുകയാണ്. പാലക്കാടാണ് സുരേഷ് ഗോപി ചിത്രം വീണ്ടും തുടങ്ങിയിരിക്കുന്നത്. പാലക്കാടും വണ്ടിപ്പെരിയാറുമായിട്ടാണ് കാവലിന്റെ ബാക്കിയുളള ഭാഗങ്ങള് ചിത്രീകരിക്കുക.
അതേസമയം ഗുഡ്വില് എന്റര്ടെയ്ന്മെന്റ്സിന്റെ ബാനറില് ജോബി ജോര്ജ്ജാണ് സുരേഷ് ഗോപി ചിത്രം നിര്മ്മിക്കുന്നത്. കാവലില് സുരേഷ് ഗോപിക്കൊപ്പം രണ്ജി പണിക്കറും പ്രധാന വേഷത്തില് എത്തുന്നുണ്ട്. കാവലിന് പുറമെ മറ്റൊരു മാസ് ചിത്രവും സുരേഷ് ഗോപിയുടെതായി അടുത്തിടെ പ്രഖ്യാപിച്ചിരുന്നു. സിനിമയുടെ പോസ്റ്റര് സുരേഷ് ഗോപിയുടെ ജന്മദിനത്തില് പുറത്തിറങ്ങുകയും ചെയ്തിരുന്നു. നവാഗതനായ മാത്യൂ തോമസാണ് ചിത്രം സംവിധാനം ചെയ്യുന്നത്. മുളകുപാടം ഫിലിംസിന്റെ ബാനറില് ടോമിച്ചന് മുളകുപാടം സിനിമ നിര്മ്മിക്കുന്നു. സുരേഷ് ഗോപി ചിത്രത്തെ കുറിച്ചുളള മറ്റ് വിവരങ്ങള് പിന്നീട് അധികം പുറത്തിറങ്ങിയിരുന്നില്ല.
-
'പാമ്പ് വന്നപ്പോൾ എല്ലാവരും ഓടി ചേട്ടൻ മാത്രം അവിടെ ഇരുന്നു, ഭൂമികുലുങ്ങിയാലും കുലുങ്ങില്ലെന്നത് ശരിയാണ്'
-
സല്മാന് ഖാനല്ല എന്നെ നിയന്ത്രിക്കുന്നത്! ഭാര്യ വീട്ടുകാരുടെ പിന്തുണയെ പറ്റി പലരും തെറ്റിദ്ധരിച്ചെന്ന് ആയുഷ്
-
പങ്കാളിയുടെ ഇഷ്ടത്തിന് വേണ്ടി എല്ലാം ഉപേക്ഷിച്ചു! പക്ഷേ തനിക്ക് കിട്ടിയത് വളരെ മോശം അനുഭവമെന്ന് സജി ജി നായർ