തിരക്കഥ കേട്ട ഉടന്‍ തന്നെ മമ്മൂട്ടി യെസ് പറഞ്ഞ ചിത്രം, വേറെയുമുണ്ട് പ്രത്യേകത

അധ്യാപകരെ പഠിപ്പിക്കാന്‍ മമ്മൂട്ടി

തുടര്‍ വിദ്യാഭ്യാസ പരിപാടിയുടെ ഭാഗമായി അധ്യാപകരെ പരിശീലിപ്പിക്കുന്ന അധ്യാപകനായാണ് മമ്മൂട്ടി ചിത്രത്തില്‍ വേഷമിടുന്നത്. വളരെ വ്യത്യസ്തതയാര്‍ന്ന കഥാപാത്രമാണിതെന്നാണ് സംവിധായകന്‍ അറിയിച്ചിട്ടുള്ളത്.

ബാച്ചിലര്‍ കഥാപാത്രം

ഇടുക്കി സ്വദേശിയായ സാധാരണകാകരനായാണ് മമ്മൂട്ടി ചിത്രത്തില്‍ വേഷമിടുന്നത്. ജോലിയുടെ ഭാഗമായി എറണാകുളത്തെത്തുന്ന അയാളുടെ അധ്യാപന ജീവിതവും തുടര്‍ന്നു നടക്കുന്ന സംഭവങ്ങളുമാണ് ചിത്രത്തെ മുന്നോട്ട് നയിക്കുന്നത്.

അധ്യാപികയായി ആശ ശരത്ത്

ചിത്രത്തില്‍ നായികമാരായി എത്തുന്നത് ആശ ശരത്തും ദീപ്തി സതിയുമാണ്. അധ്യാപികയായി ആശയും ഐടി പ്രൊഫഷണലായി ദീപ്തിയും വേഷമിടുന്നു.

വെക്കേഷന് തിയേറ്ററുകളിലെത്തും

ചിത്രം വെക്കേഷന്‍ കാലത്ത് തിയേറ്ററുകളിലേക്കെത്തിക്കാനാണ് അണിയറ പ്രവര്‍ത്തകര്‍ ലക്ഷ്യമിടുന്നത്. പ്രേക്ഷകര്‍ കാണാന്‍ ഇഷ്ടപ്പെടുന്ന മമ്മൂട്ടിയാണ് തന്റെ ചിത്രത്തിലേതെന്നാണ് സംവിധായകന്‍ അറിയിച്ചിട്ടുള്ളത്.