ടേക്ക് ഓഫ് കണ്ട ത്രില്ലില്‍ മമ്മൂട്ടി, ഉടന്‍ സിനിമ കാണും എന്ന് മോഹന്‍ലാല്‍, രാജേഷ് ഹാപ്പി അല്ലേ..

ലാലിന്റെയും മമ്മൂട്ടിയുടെയും പിന്തുണ

തുടക്കം മുതല്‍ ടേക്ക് ഓഫ് എന്ന ചിത്രത്തിന് എല്ലാ പിന്തുണയുമായി മോഹന്‍ലാലും മമ്മൂട്ടിയും ഉണ്ടായിരുന്നു. റിലീസിങ് സമയത്തും ചിത്രത്തിന് ആശംസകളുമായി ഇരുവരും എത്തിയിരുന്നു.

മോഹന്‍ലാലിനെ കണ്ടു

ബി ഉണ്ണികൃഷ്ണന്റെ വില്ലന്‍ എന്ന ചിത്രത്തിലാണ് മോഹന്‍ലാല്‍ ഇപ്പോള്‍ അഭിനയിച്ചുകൊണ്ടിരിയ്ക്കുന്നത്. ഈ ചിത്രത്തിന്റെ കൊച്ചിയിലെ ലൊക്കേഷനിലെത്തിയാണ് സംവിധായകന്‍ മഹേഷ് നാരായണനും നിര്‍മാതാവ് ആന്റോ ജോസഫും സഹ നിര്‍മാതാവും രാജേഷ് പിള്ളയുടെ ഭാര്യയുമായ മേഘയും മോഹന്‍ലാലിനെ വന്നു കണ്ടത്.

ലാല്‍ പറഞ്ഞത്

ഇതുവരെ മോഹന്‍ലാല്‍ ടേക്ക് ഓഫ് സിനിമ കണ്ടിട്ടില്ല. സിനിമ മികച്ച വിജയം നേടുന്നതില്‍ സന്തോഷമുണ്ടെന്നും ഉടന്‍ തന്നെ തിയേറ്ററില്‍ പോയി കാണുമെന്നും മോഹന്‍ലാല്‍ പറഞ്ഞു. സിനിമയ്ക്ക് പിന്നില്‍ പ്രവൃത്തിച്ചവരെ നടന്‍ അഭിനന്ദിച്ചു.

മമ്മൂട്ടിയെ കണ്ടപ്പോള്‍

കൊച്ചിയിലെ മമ്മൂട്ടിയുടെ വീട്ടിലെത്തിയാണ് മഹേഷും മേഘയും ആന്റോ ജോസഫും മമ്മൂട്ടിയെ കണ്ടത്. ടേക്ക് ഓഫ് കണ്ട ത്രില്ലിലായിരുന്നു അദ്ദേഹം. സിനിമ ഗംഭീരമായെന്നും ഓരോ കഥാപാത്രങ്ങളും മികച്ച പ്രകടനമാണ് കാഴ്ച വച്ചിരിയ്ക്കുന്നത് എന്നും മമ്മൂട്ടി പറഞ്ഞു. മലയാളത്തിന് എന്നും അഭിമാനിക്കാവുന്ന സിനിമ സംവിധാനം ചെയ്തതിന് മഹേഷിനെ അഭിനന്ദിക്കാനും മെഗാസ്റ്റാര്‍ മറന്നില്ല.