Don't Miss!
- Technology കേറി വാടാ മക്കളെ! എത്തി സാംസങ് ഗാലക്സി F15 5G പുതിയ വേരിയന്റ്
- Automobiles ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
- Sports T20 World Cup 2024: ഒരൊറ്റ ഷോട്ട്, റിഷഭാണ് ബെസ്റ്റെന്ന് അന്നു ഉറപ്പിച്ചു! ടീമില് വേണമെന്ന് ബ്രോഡ്
- Finance സന്തോഷത്തിന്റെ വെള്ളിയാഴ്ച, ഓഹരി വിലയിൽ കുതിപ്പുമായി മോത്തിലാൽ ഓസ്വാൾ, കുതിപ്പിന്റെ കാരണം ഇതാണ്
- News 'രാഹുല് ഗാന്ധി ലീഗ് പതാക പിടിച്ചു': ഹിന്ദു വിരുദ്ധ വികാരം പടർത്തുന്നുവെന്ന് കേന്ദ്ര മന്ത്രി
- Lifestyle രണ്ട് ശിവലിംഗങ്ങള്, രാവണനെ വധിച്ച പാപം തീര്ക്കാന് ശ്രീരാമന് ആരാധന നടത്തിയ ക്ഷേത്രം
നിങ്ങളുടെ എല്ലാവരുടെയും പ്രോത്സാഹനത്തോടെ തുടങ്ങട്ടെ, ടമാര് പഠാര്
പൃഥ്വിരാജ് വീണ്ടും പൊലീസ് വേഷത്തിലെത്തുന്ന 'ടമാര് പഠാറി'ന്റെ ട്രെയിലര് പുറത്തിറങ്ങി. കഥാപാത്രങ്ങളെ പരിചയപ്പെടുത്തിക്കൊണ്ടാണ് ട്രെയ്ലര് തുടങ്ങുന്നത്. കവലകളില് സര്ക്കസ് നടത്തി ഉപജീവനം നടത്തുന്നയാളാണ് ജമ്പന് തമ്പി. സര്ക്കസിനു ശേഷം മദ്യഷാപ്പിലേക്ക്. അവിടെ നിന്ന് ബഹളം, അടി വാങ്ങല് എന്നിവയാണ് ജമ്പര് തമ്പിയുടെ പതിവു കലാപരിപാടികള്. ജമ്പര് തമ്പിയായി എത്തുന്നത് ബാബുരാജാണ്.
വയറില് ട്യൂബ് ലൈറ്റ് അടിച്ചുപൊളിക്കുന്ന ഇനവുമായി ജീവിക്കുന്ന ആളാണ് ക്രോസ്ബെല്റ്റ് മണി. പൊട്ടിയ ട്യൂബ് അരച്ച് അയാള് തിന്നും. ഈ മണിയും തമ്പിയും കണ്ടുമുട്ടിയതോടെ അവരുടെ ഇനങ്ങള് ഒന്നിച്ചായി. ജീവിക്കാന് പരസ്പരം സഹകരിക്കുന്നവര്. അവരുടെ കൂട്ടത്തിലേക്കാണ് പൗരന് കടന്നുവരുന്നത്. ക്രോസ്ബെല്റ്റ് മണിയായി ചെമ്പനും പൗരനെന്ന എസ്പി ഓഫീസറായി പൃഥ്വിരാജും എത്തുന്നു.
പൗരന് അച്ഛന് അറിഞ്ഞുകൊണ്ടിട്ട പേരാണിത്. കേരളത്തെ പിടിച്ചുകുലുക്കിയ ഒരു കൊലപാതകം അന്വേഷിക്കാനിറങ്ങിയതാണ് പൗരന്. ആ കൊലയാളി വര്ഷങ്ങളായി മുങ്ങിനടക്കുന്ന സുകുമാരക്കുറുപ്പും. തമ്പിയും മണിയും പൗരനും ചേര്ന്നുണ്ടാകുന്ന രസകരമായ മുഹൂര്ത്തങ്ങളാണ് പിന്നീട് ടമാര് പടാര് എന്ന ചിത്രത്തെ വ്യത്യസ്തമാക്കുന്നത്. തിരുവനന്തപുരം ഭാഷയിലാണ് പൃഥ്വിയുടെ ഡയലോഗെന്നതും ശ്രദ്ധേയമാണ്
ദിലീഷ് നായര് ആദ്യമായി കഥയും തിരക്കഥയും എഴുതി സംവിധാനം ചെയ്യുന്ന ചിത്രത്തില് സൃന്ദ അഷാബ് ആണ് നായിക. 1983 ലെ സുശീലയ്ക്ക് ശേഷം സൃന്ദയ്ക്ക് ലഭിക്കുന്ന മികച്ച കഥാപാത്രമായിരിക്കും വത്സമ്മ. ഇവരെ കൂടാതെ ഷെമ്മി തിലകന് മണിയന്പിള്ള രാജു തുടങ്ങിയവരും ചിത്രത്തില് കഥാപാത്രങ്ങളായി എത്തുന്നു. രജപുത്ര ഫിലിംസിന്റെ ബാനറില് രഞ്ജിത്താണ് നിര്മാണം.