അർബുദത്തിൽ നിന്ന് മടക്കി കൊണ്ട് വന്നത് ആ അമ്മ! നടി മംമ്ത ഹൃദയ സ്പർശിയായ കഥ വെളിപ്പെടുത്തി

ഈ അമ്മയുടെ സ്നേഹം

ക്യാൻസർ അതിജിവനത്തെ കുറിച്ച് ആരാധകരുമായി താരം നിരന്തരം സംവദിക്കാറുണ്ട്. ഇപ്പോഴിത അർബുദത്തെ അതിജീവിക്കാൻ തന്നോടൊപ്പം നിന്ന അമ്മയെ പരിചയപ്പെടുത്തി താരം. ഈ അമ്മയുടെ സ്നേഹമാണ് തന്നെ ജീവിപ്പിച്ചതിനുള്ള കാരണമെന്നും താരം പറയുന്നു. ഹൃദയ സ്പർശിയായ ഫേസ്ബുക്ക് പോസ്റ്റിനോടൊപ്പം ചിത്രവും താരം പങ്കുവെച്ചിട്ടുണ്ട്.

അമേരിക്കയിൽ ചികിത്സ

ക്യാൻസർ ചികിത്സയ്ക്കായി താരം അമേരിക്കയിലായിരുന്നു എത്തിയത്. അവിട വെച്ച് മൂന്ന് മരുന്നുകൾ തന്റെ ശരീരത്ത് പരീക്ഷിച്ചിരുന്നു. നീൽ ശങ്കർ എന്ന ഗവേഷകന്റെ നേത്യത്വത്തിലാണ് ഈ മരുന്നുകൾ തന്റെ ശരീരത്തിൽ പരീക്ഷിച്ചത്. എന്നാൽ ഇദ്ദേഹത്തെ മംമ്തയ്ക്ക് അരുകിലേയ്ക്ക് പറഞ്ഞ അയച്ചത് അദ്ദേഹത്തിന്റെ അമ്മയായിരുന്നവത്രേ.

അമ്മയുടെ നിർബന്ധം

താരത്തിന് അർബുദമാണെന്നുളള വാർത്ത അറിഞ്ഞതിനെ തുടർന്നാണ് ഈ അമ്മ മകനെ താരത്തിന്റെ അടുത്തേയ്ക്ക് അയക്കുന്നത് . അർബുദവുമായിട്ടുള്ള പോരാട്ടത്തിൽ ഈ കൂടിക്കാഴ്ച ഏറെ നിർണ്ണായകമായിരുന്നു എന്നും താരം പറയുന്നു. അമ്മയെ കുറിച്ച് മംമ്ത പറയുന്നത് ഇങ്ങനെയാണ്. ഏഴു വർഷം പിന്നോട്ടുള്ള സംഭവമാണ് താരം ഇപ്പോൾ വെളിപ്പെടുത്തിയിരിക്കുന്നത്. ഏഴു വർഷം മുൻപ് ഈ അമ്മയാണ് അമേരിക്കയിൽ ഗവേഷകനായ തന്റെ മകനോട് എന്നെ ബന്ധപ്പെടാൻ ആവശ്യപ്പെടുന്നത്. അവരുടെ പ്രിയപ്പെട്ട താരത്തിന്റെ ആരോഗ്യ വിവരം അന്വേഷിക്കാൻ കൂടിയായിരുന്നു ആ നിർദേശം.

അമ്മയെ കണ്ടത് വർഷങ്ങൾക്ക് ശേഷം

ഒരുപാട് വർഷങ്ങൾക്ക് ശേഷമാണ് നീൽ സ്വന്തം അമ്മയെ തന്റെ അരുകിലേയ്ക്ക് കൊണ്ടു വരുന്നത്. നീലിനെ കുറിച്ച് പല മാസികകളിലും ഞാൻ എഴുതിയിട്ടുണ്ട്. അതുപോലെ പല അഭിമുഖങ്ങളിലും അദ്ദേഹത്തിനെ കുറിച്ച് പറഞ്ഞിട്ടുമുണ്ട്. അതൊരു പ്രത്യേക വികാരമായിരുന്നു. അത് വാക്കുകൾ കൊണ്ട് പ്രകടിപ്പിക്കാൻ കഴിയുന്നതിലും അപ്പുറമാണ്.

അമ്മേ നന്ദി

ഇത്തരത്തിലുളള ഒരു സാഹചര്യത്തിൽ എങ്ങനെ പ്രതികരിക്കണമെന്ന് തനിയ്ക്ക് അറിയില്ലായിരുന്നു. ഏറ്റവും ഭ്രാന്തമായ പുഞ്ചിരിയും കണ്ണീരുമായിരുന്നു അത്. ഇവ രണ്ടും ഒരുമിച്ചെത്തിയ ഒരു നിമിഷം! കടപ്പാടിന്റ കൊടുമുടിയിലേറുന്ന നിമിഷമായിരുന്നു. അമ്മേ നന്ദി... താരം ഫേസ്ബുക്കിൽ കുറിച്ചു.