മമ്മുക്കയുടെ ഗ്രേറ്റ് ഫാദറിന്റെ പശ്ചാത്തല സംഗീതം മോഹന്‍ലാല്‍ സിനിമയില്‍ നിന്ന് അടിച്ചു മാറ്റിയത്???

എല്ലാ ആഴ്ചയും പുതിയ ചിത്രം ലഭിക്കുന്നുണ്ട്

ഈ ആരോപണത്തിനുള്ള മറുപടി അല്ലെങ്കിലും തനിക്കെതിരെയുള്ള വിമര്‍ശനങ്ങളോടുള്ള പ്രതികരണമായി ഗോപിസുന്ദര്‍ ഫേസുബുക്കില്‍ പോസ്റ്റ് ചെയതിട്ടുണ്ട്. എല്ലാ ആഴ്ചയും ഓരോ സിനിമയ്ക്ക് സംഗീതമൊരുക്കാന്‍ ഞാന്‍ കരാര്‍ ചെയ്യപ്പെടുന്നുണ്ട്. വിമര്‍ശകര്‍ക്ക് ഇതേക്കുറിച്ച് വല്ലതും പറയാനുണ്ടോയെന്നാണ് ഗോപി ചോദിക്കുന്നത്.

ബിജിബാല്‍ പ്രതികരിച്ചിട്ടില്ല

മോഹന്‍ലാല്‍ ചിത്രമായ റെഡ് വാനിന്റെ സംഗീത സംവിധായകനായ ബിജിബാല്‍ വിഷയവുമായി ബന്ധപ്പെട്ട് യാതൊരുവിധ പ്രതികരണവും ഇതുവരെ നടത്തിയിട്ടില്ല.

മുന്‍പും സമാന തരത്തിലുള്ള വിവാദം

മുന്‍പും ഇത്തരത്തിലുള്ള വിവാദം ഗോപിസുന്ദറിനെ തേടിയെത്തിയിരുന്നു. സമീര്‍ താഹിര്‍ ചിത്രമായ കലിയിലെ പശ്ചാത്തല സംഗീതം ദ മാന്‍ ഫ്രം അങ്കിളില്‍ നിന്ന് എടുത്തതാണ്. ഇത് ഗോപിസുന്ദര്‍ തന്നെ സമ്മതിച്ചിരുന്നു. ട്രെയിലര്‍ ആകര്‍ഷകമാക്കാന്‍ വേണ്ടി അറിഞ്ഞുകൊണ്ട് നടത്തിയ ശ്രമമായിരുന്നുവെന്നാണ് അന്ന് പ്രതികരിച്ചത്.

ട്രോളുകളെ പോസിറ്റീവായി കാണുന്നു

താനുമായി ബന്ധപ്പെട്ട് വരുന്ന ട്രോളുകളെ വളരെ പോസിറ്റീവായിട്ടാണ് കാണുന്നത്. കളിയാക്കാനും കോപ്പിയടി കണ്ടെത്താനുമായിട്ടാണെങ്കില്‍ ആളുകള്‍ ക്രിയേറ്റീവായി സമയം ചിലവഴിക്കുന്നുണ്ട്. വിമര്‍ശനങ്ങളെ പോസിറ്റീവായാണ് കാണുന്നത്.