വന്നു വന്നു, മലരേ... വന്നു

കേരളക്കര ഇത്രയേറെ പ്രതീക്ഷയോടെ കാത്തിരുന്ന മറ്റൊരു പാട്ട് ഉണ്ടോ എന്നറിയില്ല. അത്രയെറെ പ്രതീക്ഷയോടെ കാത്തിരുന്ന പ്രേമത്തിലെ 'മലരേ നിന്നെ കാണാതിരുന്നാല്‍...' എന്ന പാട്ട് ഇന്നലെ (20-06-2015) വൈകിട്ട് റിലീസ് ചെയ്തു.

അല്‍ഫോണ്‍സ് പുത്രന്‍ സംവിധാനം ചെയ്ത പ്രേമത്തിലെ ഈ പാട്ട് ചിത്രം റിലീസ് ചെയ്തതുമുതല്‍ മൗത്ത് പബ്ലിസിറ്റി നേടിയതാണ്. സായി പല്ലവിലും നിവിന്‍ പോളിയുമാണ് ഗാനരംഗത്തെത്തുന്നത്.

ശബരീഷ് വര്‍മയുടെ വരികള്‍ക്ക് ഈണം നല്‍കിയത് രാജേഷ് മുരുകനാണ്. വിജയ് യേശുദാസാണ് പാട്ട് പാടിയിരിക്കുന്നത്. ചിത്രത്തിലെ മലര്‍ എന്ന കഥാപാത്രത്തെ ഇഷ്ടപ്പെടാന്‍ ഈ പാട്ട് മതിയെന്നാണ് പ്രേക്ഷകര്‍ പറയുന്നത്.

പാട്ട് റിലീസ് ചെയ്ത് മണിക്കൂറുകള്‍ കഴിയുമ്പോഴേക്കും മൂന്ന് ലക്ഷത്തിലധികം ആളുകള്‍ പാട്ട് കണ്ടു കഴിഞ്ഞു. മലയാള സിനിമാ ചരിത്രത്തില്‍ ആദ്യമായിട്ടായിരിക്കും ഒരുപാട്ടിന് ഇത്രവലിയ സ്വീകരണം ലഭിക്കുന്നത്. പാട്ട് കണ്ടു കൊണ്ട് കേട്ടു നോക്കൂ...