'കടം കയറി നിൽക്കാൻ കഴിയാതെയാവും'; പ്രഭാസിനെ കുറിച്ച് വർഷങ്ങൾക്ക് മുമ്പ് ജോത്സ്യൻ പ്രവചിച്ചത്!

10 ദിവസം കൊണ്ട് 1000 കോടി ക്ലബ്ബിൽ ഇടം നേടിയ ചിത്രത്തിലെ നായകൻ എന്ന വിശേഷണവും ബാഹുബലിയിലൂടെ പ്രഭാസിന് ലഭിച്ചു. ഇന്ത്യയിൽ നിന്നും ആദ്യമായി 1500 കോടി ക്ലബ്ബിൽ ഇടം പിടിച്ച ചിത്രം കൂടിയാണ് ബാഹുബലി. പ്രഭാസിന്റെ മൂന്ന് ബ്രഹ്മാണ്ഡ ചിത്രങ്ങളുടെ നിർമ്മാണച്ചെലവുകൾ കൂട്ടിയാൽ കൂടി ബജറ്റ് 800 കോടിയിൽ താഴെയാണ് എന്നുള്ളതാണ്. തെന്നിന്ത്യയിലെ ഏത് താരവും കൊതിക്കുന്ന ബോക്സ് ഓഫീസ് വിജയമാണ് പ്രഭാസ് ഇതുവഴി സ്വന്തമാക്കിയത്. ബാഹുബലിയ്ക്ക് വേണ്ടി വർഷങ്ങളോളമാണ് പ്രഭാസ് മാറ്റിവച്ചത്. കഥാപാത്രത്തിന് വേണ്ടി 20 കിലോയോളം ശരീരഭാരം കൂട്ടാനും പ്രഭാസ് തയ്യാറായി. മസിൽ കൂട്ടാനും മറ്റുമായി കണിശമായ ഡയറ്റ് പിന്തുടർന്ന പ്രഭാസ് ഒരു മാസം കൊണ്ട് 20 കിലോയോളം കൂട്ടി. 100 കിലോയായിരുന്നു ബാഹുബലിയിൽ അഭിനയിക്കുമ്പോൾ പ്രഭാസിന്റെ ശരീരഭാരം.

അമ്മാവൻ കൃഷ്ണം രാജു അഭിനയിച്ച തെലുങ്ക് ചിത്രം ഭക്ത കണ്ണപ്പ ആണ് പ്രഭാസിന്റെ എക്കാലത്തെയും പ്രിയപ്പെട്ട തെലുങ്ക് ചിത്രം. രാജ് കുമാർ ഹിരാനിയുടെ ചിത്രങ്ങൾ കാണാൻ ഏറെ ഇഷ്ടപ്പെടുന്ന വ്യക്തിയാണ് പ്രഭാസ്. മുന്നാഭായ് എംബിബിഎസ്, ത്രി ഇഡിയറ്റ്സ് തുടങ്ങിയ ചിത്രങ്ങൾ താൻ ചുരുങ്ങിയത് 20 തവണയിലേറെയെങ്കിലും കണ്ടിട്ടുണ്ടെന്ന് പ്രഭാസ് തന്നെ ഒരു അഭിമുഖത്തിൽ പറഞ്ഞിരുന്നു. ഹോളിവുഡ് താരമായ റോബർട്ട് ഡേ നിറോയുടെ ആരാധകനാണ് പ്രഭാസ്. പ്രഭാസിനെ കുറിച്ച് ഒരു ജോത്സ്യൻ നടത്തിയ പ്രവചനമാണ് ഇപ്പോൾ ശ്രദ്ധിക്കപ്പെടുന്നത്. ബാഹുബലിക്ക് ശേഷം പ്രഭാസിന് നിരവധി സാമ്പത്തിക പ്രശ്‌നങ്ങൾ നേരിടേണ്ടി വരുമെന്നും സാഹോ അദ്ദേഹത്തിന്റെ സാമ്പത്തിക തകർച്ചയുടെ തുടക്കമാകുമെന്നും ചില ജ്യോതിഷികൾ പ്രവചിച്ചതായിട്ടാണ് ഇപ്പോൾ റിപ്പോർട്ടുകൾ വരുന്നത്. എന്നാൽ‌ ജ്യോത്സന്മാരുടെ പ്രവചനം അസംബദ്ധമാണെന്ന് എല്ലാവർക്കും തെളിയിച്ച് കൊടുക്കുന്ന സ്ഥിതിയിലേക്ക് പ്രഭാസ് വളർന്ന് കഴിഞ്ഞു.

Recommended Video

List Of 10 Highest Paid South Indian Actors 2021 | FilmiBeat Malayalam

സാഹോ സിനിമ പരാജയമായിരുന്നുവെങ്കിലും ബോളിവുഡ് ബോക്‌സ് ഓഫീസിൽ പ്രഭാസിന് തന്റെ ഫ്ലോപ്പ് സിനിമ പോലും നല്ല പണം സമ്പാദിക്കുമെന്ന് തെളിയിക്കാൻ സാധിച്ചു. ഇപ്പോൾ രാധേ ശ്യാം, സലാർ, ആദിപുരുഷ് തുടങ്ങിയ ചിത്രങ്ങൾ പ്രഭാസിന്റേതായി റിലീസിന് തയ്യാറെടുക്കുന്നുണ്ട്. ഇന്ന് ഇന്ത്യയിൽ ഏറ്റവും കൂടുതൽ വരുമാനമുള്ള യുവ നടന്മാരിൽ ഒരാൾ കൂടിയാണ് പ്രഭാസ്. പ്രവചനങ്ങളിൽ വിശ്വാസമില്ലാത്ത പ്രഭാസ് തന്റെ കഠിനാധ്വാനത്തെയും സംവിധായകരെയും മാത്രം വിശ്വസിച്ചാണ് സിനിമാ ജീവിതം മുമ്പോട്ട് കൊണ്ടുപോകുന്നത്.