നിവിന്‍ പോളി പറഞ്ഞത് കള്ളമായിരുന്നു! ലാല്‍ ജോസ് ചിത്രം ഉപേക്ഷിച്ചതിന് പിന്നിലെ കാരണം ഇതാണ്!!!

ലാല്‍ ജോസ് ചിത്രം

നിവിന്‍ പോളിയും സംവിധായകന്‍ ലാല്‍ ജോസും ഒന്നിച്ച് സിനിമ ചെയ്യാന്‍ പോവുകയാണെന്നുള്ള വാര്‍ത്തകള്‍ വന്നിരുന്നു. എന്നാല്‍ സിനിമ നിര്‍മ്മിക്കുന്നില്ലെന്നും അത് ഉപേക്ഷിച്ചിരിക്കുയാണെന്നുമാണ് ഇപ്പോള്‍ പുറത്ത് വരുന്ന റിപ്പോര്‍ട്ടുകളില്‍ പറയുന്നത്.

നിവിന്‍ പോളിയ്ക്ക് വേണ്ട

ചിത്രത്തിന്റെ കഥയില്‍ നിവിന് ആത്മവിശ്വാസം കുറവായതിനാല്‍ സിനിമയുടെ ചിത്രീകരണം വൈകിപ്പിച്ചിരുന്നു. എന്നാല്‍ ഇപ്പോള്‍ നിവിന് താല്‍പര്യമില്ലെങ്കില്‍ സിനിമ നിര്‍മ്മിക്കുന്നില്ലെന്ന തീരുമാനത്തിലെത്തിയിരിക്കുകയാണ് ലാല്‍ ജോസും.

കഥ ഇഷ്ടപ്പെട്ടിരുന്നു

ബോബി സഞ്ജയ് ആണ് സിനിമയ്ക്ക് വേണ്ടി തിരക്കഥ ഒരുക്കിയിരുന്നത്. ആദ്യം കഥ നിവിന് ഇഷ്ടമായിരുന്നെങ്കിലും പിന്നീട് താല്‍പര്യം കുറയുകയായിരുന്നു.

തീരുമാനം എടുത്തത് നിവിന്‍

തനിക്ക് സിനിമയോട് താല്‍പര്യം ഇല്ലെന്നുള്ള കാര്യം നിവിന്‍ സംവിധായകനെ അറിയിച്ചിരുന്നു. ശേഷം നിവിന്റെ ഇഷ്ടത്തിന് തീരുമാനം എടുക്കാന്‍ ലാല്‍ ജോസ് അനുവദിക്കുകയായിരുന്നെന്നാണ് പറയുന്നത്.

ഒടുവില്‍ തീരുമാനമായി

ഒടുവില്‍ നിവിനും ലാല്‍ ജോസും കൂടി സിനിമ വേണ്ടെന്ന് വെക്കുന്ന തീരുമാനത്തിലേക്ക് എത്തുകയായിരുന്നു. ഇരുവരും ഒന്നിച്ചെടുത്ത തീരുമാനം ആണെന്നാണ് പറയുന്നത്. എന്നാല്‍ ഔദ്യോഗികമായി ഇക്കാര്യത്തെ കുറിച്ച് വിവരങ്ങളൊന്നും പുറത്ത് വിട്ടിട്ടില്ല.

സിനിമയുടെ തിരക്കുകളിലേക്ക്

സിനിമ വേണ്ടെന്ന് വെച്ചതോട് കൂടി ഇരുവരും അവരുടെ മറ്റ് സിനിമകളുടെ തിരക്കുകളിലേക്ക് പോയിരിക്കുകയാണ്. നിവിന്‍ നായകനായി അഭിനയിക്കുന്ന സിനിമയും ലാല്‍ ജോസ് സംവിധാനത്തില്‍ എത്തുന്ന സിനിമയും ഈ ഓണത്തിന് തിയറ്ററുകളില്‍ എത്തുകയാണ്.

നിവിന്റെ ചിത്രം

അല്‍താഫ് അലി സംവിധാനം ചെയ്യുന്ന ഞണ്ടുകളുടെ നാട്ടില്‍ ഒരിടവേള എന്ന സിനിമയാണ് ഓണത്തിന് തിയറ്ററുകളിലെത്തുന്ന നിവിന്‍ പോളിയുടെ സിനിമ.

വെളിപാടിന്റെ പുസ്തകം

മോഹന്‍ലാലിനെ നായകനാക്കി ലാല്‍ ജോസ് സംവിധാനം ചെയ്യുന്ന വെളിപാടിന്റെ പുസ്തകം ഓണത്തിന് മുന്നോടിയായി ആഗസ്റ്റ് 31 തിയറ്ററുകളില്‍ എത്തുകയാണ്.