പ്രതികാര റെക്കോര്‍ഡുകള്‍ തകര്‍ക്കും, തൊണ്ടിമുതലും ദൃക്‌സാക്ഷിയും, നാലു ദിവസത്തെ കളക്ഷന്‍!!

കേരളത്തിലെ റിപ്പോര്‍ട്ട്

റിലീസ് ചെയ്ത് അഞ്ചു ദിവസങ്ങള്‍ പിന്നിടുമ്പോള്‍ തൊണ്ടിമുതലും ദൃക്‌സാക്ഷിയുടെയും നാലു ദിവസത്തെ കളക്ഷന്‍ റിപ്പോര്‍ട്ടാണ് പുറത്ത് വിട്ടിരിക്കുന്നത്. കേരളത്തിലെ മാത്രം കളക്ഷന്‍ റിപ്പോര്‍ട്ടാണിത്.

ആദ്യ ദിവസത്തെ കളക്ഷന്‍

ജൂണ്‍ 30നാണ് ദിലീഷ് പോത്തന്റെ രണ്ടാമത്തെ സംവിധാന സംരഭമായ തൊണ്ടിമുതലും ദൃക്‌സാക്ഷിയും തിയേറ്ററുകളില്‍ പ്രദര്‍ശത്തിനെത്തിയത്. റിലീസ് ചെയ്ത ആദ്യദിനം 1.51 കോടിയാണ് ചിത്രം ബോക്‌സോഫീസില്‍ നേടിയത്. ട്രേഡ് അനലിസ്റ്റുകളുടെ കണക്കുകള്‍ പ്രകാരമുള്ള റിപ്പോര്‍ട്ടാണ് പുറത്ത് വിട്ടത്.

റോള്‍ മോഡല്‍ കളക്ഷന്‍

ഈദ് റിലീസായി എത്തിയ മറ്റൊരു ചിത്രമായിരുന്നു ഫഹദ് ഫാസിലിന്റെ റോള്‍ മോഡല്‍. റിലീസ് ചെയ്ത ആദ്യ ദിവസം 1.29ആയിരുന്നു ചിത്രത്തിന്റെ ബോക്‌സോഫീസ് കളക്ഷന്‍. റോള്‍ മോഡല്‍ കളക്ഷനെ കടത്തിവെട്ടിയാണ് ഫഹദ് ഫാസിലിന്റെ തൊണ്ടിമുതലും ദൃക്‌സാക്ഷിയും 1.51 കോടി ബോക്‌സോഫീസില്‍ നേടിയത്.

നാലു ദിവസത്തെ കളക്ഷന്‍

ചിത്രത്തിന്റെ നാലു ദിവസത്തെ കളക്ഷന്‍ റിപ്പോര്‍ട്ട് പുറത്ത് വിട്ടിട്ടുണ്ട്. 6.22 കോടിയാണ് ചിത്രം റിലീസ് ചെയ്ത് ആദ്യത്തെ നാലു ദിവസംകൊണ്ട് തൊണ്ടിമുതലും ദൃക്‌സാക്ഷിയും ബോക്‌സോഫീസില്‍ നേടിയത്. കേരളത്തില്‍ നിന്ന് മാത്രം ചിത്രം നേടിയ കളക്ഷന്‍ റിപ്പോര്‍ട്ടാണിത്.

പ്രതികാര റെക്കോര്‍ഡുകള്‍ തകര്‍ക്കും

റിപ്പോര്‍ട്ടുകള്‍ അനുസരിച്ച് മഹേഷിന്റെ പ്രതികാരത്തിന്റെ കളക്ഷനെ മറികടക്കുമെന്നാണ് അറിയുന്നത്. രണ്ടു ചിത്രങ്ങള്‍ പുറത്തിറങ്ങുമ്പോഴും പ്രേക്ഷകര്‍ക്ക് ലഭിച്ച ഹൈപ്പ് ചെറുതല്ല.