നെഗറ്റീവ് തരംഗത്തെ അനുകൂലമാക്കി മാറ്റിയ ടോമിച്ചന്‍.. രാമലീലക്ക് പിന്നിലെ ആ തന്ത്രം?

പ്രചാരണത്തിന് പ്രാധാന്യം കൊടുക്കുന്നു

സോഷ്യല്‍ മീഡിയ പ്രമോഷനും പോസ്റ്ററുകളും മറ്റുമായാണ് നിര്‍മ്മാതാക്കള്‍ സിനിമയെ പ്രമോട്ട് ചെയ്യുന്നത്. എന്നാല്‍ ഇക്കാര്യത്തില്‍ അഗ്രഗണ്യനാണ് താനെന്ന് ടോമിച്ചന്‍ മുളകുപാടം തെളിയിച്ചിരിക്കുകയാണ്.

പ്രൈം ടൈമിലെ പരസ്യവും പത്രത്തിലെ ഫുള്‍ പേജും

ചാനലുകളില്‍ പ്രൈം ടൈം പരിപാടിക്കിടയില്‍ രാമലീലയുടെ പരസ്യം നല്‍കിയതും പ്രമുഖ പത്രങ്ങളിലെല്ലാം ഫുള്‍ പേജില്‍ പരസ്യം നല്‍കിയതുമെല്ലാം ഇതിന്റെ ഭാഗമാണ്. സാധാരണഗതിയില്‍ നിര്‍മ്മാതാക്കള്‍ ഇത്തരത്തിലുള്ള പ്രചാരണ പരിപാടികള്‍ക്ക് അധികം പണം മുടക്കാന്‍ തയ്യാറാവാറില്ല. എന്നാല്‍ ഇക്കാര്യത്തിലും തന്റേതായ ശൈലി രൂപീകരിച്ചാണ് അദ്ദേഹം മുന്നേറുന്നത്.

നെഗറ്റീവ് പബ്ലിസിറ്റിയെ അനുകൂലമാക്കി മാറ്റി

ദിലീപിന്റെ അറസ്റ്റിനെത്തുടര്‍ന്നുള്ള കോലാഹലങ്ങള്‍ തുടരുന്നതിനിടയില്‍ ചിത്രം തിയേറ്ററുകളിലേക്ക് എത്തുന്നത് ശ്രമകരമായ വെല്ലുവിളിയായിരുന്നു. നിര്‍മ്മാതാവിന്റെ ഇച്ഛാശക്തി തന്നെയാണ് ഇത്തരമൊരു തീരുമാനത്തിന് പിന്നിലുണ്ടായിരുന്നത്. പ്രതിസന്ധി ഘട്ടങ്ങളിലെല്ലാം സംവിധായകന് പൂര്‍ണ്ണ പിന്തുണയുമായി അദ്ദേഹം ഒപ്പമുണ്ടായിരുന്നു.

കോടികള്‍ മുടക്കിയ പ്രമോഷന്‍ തന്ത്രം

അധികമാരും തയ്യാറാവാത്ത കാര്യത്തിനാണ് ടോമിച്ചന്‍ മുളകുപാടം തുടക്കം കുറിച്ചത്. റിലീസിനു മുന്‍പ് തന്നെ മാധ്യമങ്ങളിലെല്ലാം രാമലീലയും പരസ്യം നിറഞ്ഞു നിന്നിരുന്നു. ചിത്രം റിലീസ് ചെയ്തതിന് ശേഷവും പത്രങ്ങളില്‍ ഫുള്‍ പേജ് പരസ്യം നല്‍കിയിരുന്നു.

സൂപ്പര്‍താരങ്ങള്‍ക്ക് പോലും ലഭിക്കാത്ത പബ്ലിസിറ്റി

സൂപ്പര്‍താര ചിത്രങ്ങള്‍ക്ക് പോലും ലഭിക്കാത്ത പബ്ലിസിറ്റിയാണ് രാമലീലയിലൂടെ ദിലീപിന് ലഭിച്ചത്. കുട്ടികളുടെയും കുടുംബപ്രേക്ഷകരുടെയും ഇഷ്ടതാരമായ ദിലീപിന് അനുകൂലമായ തിയേറ്റര്‍ നിലപാട് സ്വീകരിക്കാന്‍ പ്രേക്ഷകരെ പ്രേരിപ്പിക്കുന്നതിന് വേണ്ടിയാണ് ഇത്തരമൊരു നയം സ്വീകരിച്ചത്.

സംവിധായകന് പൂര്‍ണ്ണ പിന്തുണ നല്‍കി

നവാഗത സംവിധായകനായ അരുണ്‍ ഗോപിക്ക് പൂര്‍ണ്ണ പിന്തുണ നല്‍കി ടോമിച്ചന്‍ മുളകുപാടം കൂടെയുണ്ടായിരുന്നു. ചിത്രീകരണം പൂര്‍ത്തിയാക്കി അവസാനഘട്ട മിനുക്കു പണികള്‍ നടക്കുന്നതിനിടയിലാണ് നായകന്‍ അറസ്റ്റിലായത്.

പ്രചാരണ തന്ത്രം ഏറ്റു

ദിലീപ് ജയിലില്‍ തുടരുന്നതിനിടയില്‍ റിലീസ് ചെയ്ത രാമലീലയെ പ്രേക്ഷകര്‍ ഏറ്റെടുത്തിരുന്നു. സിനിമാോകത്തു നിന്നും മികച്ച പിന്തുണയാണ് ചിത്രത്തിന് ലഭിച്ചത്. ഇതോടെ പ്രേക്ഷകരും ചിത്രത്തെ ഏറ്റെടുക്കുകയായിരുന്നു.

അടുത്ത ചിത്രം മോഹന്‍ലാലിനൊപ്പം

സൂപ്പര്‍ സ്റ്റാര്‍ മോഹന്‍ലാലാണ് അരുണ്‍ ഗോപിയുടെ അടുത്ത ചിത്രത്തില്‍ നായകനാകുന്നതെന്ന തരത്തില്‍ പ്രചാരണങ്ങളുണ്ട്. ടോമിച്ചന്‍ മുളകുപാടം താരവുമായി കൂടിക്കാഴ്ച നടത്തിയെന്ന തരത്തിലും റിപ്പോര്‍ട്ടുകളുണ്ട്.