കലിപ്പ് ലുക്കില്‍ പോലീസ് അവതാരമായി ടൊവിനോ തോമസ്! ആക്ഷന്‍ ചിത്രത്തെക്കുറിച്ച് നടന്‍ പറഞ്ഞത് കാണൂ!

കല്‍ക്കി എന്ന ചിത്രം

ടൊവിനോ തോമസിന്റെതായി അണിയറയില്‍ ഒരുങ്ങുന്ന എറ്റവും പുതിയ ചിത്രങ്ങളില്‍ ഒന്നുകൂടിയാണ് കല്‍ക്കി. നവാഗതനായ പ്രവീണ്‍ പ്രഭരമാണ് സിനിമ സംവിധാനം ചെയ്യുന്നത്. എസ്ര,തരംഗം എന്നീ സിനിമകള്‍ക്കു പിന്നാലെ ടൊവിനോ വീണ്ടും പോലീസ് ഓഫീസറുടെ റോളിലെത്തുന്ന ചിത്രം കൂടിയാണിത്. സിനിമ ഒരു പക്ക മാസ് എന്റര്‍ടെയ്‌നര്‍ തന്നെയായിരിക്കുമെന്ന് നേരത്തെ തന്നെ റിപ്പോര്‍ട്ടുകള്‍ വന്നിരുന്നു.

ടൊവിനോയും സംയുക്തയും

തീവണ്ടിക്ക് ശേഷം സംയുക്ത മേനോനും ടൊവിനോയും വീണ്ടും നായികാനായകന്‍മാരായി അഭിനയിക്കുന്ന ചിത്രം കൂടിയാണ് കല്‍ക്കി. അടുത്തിടെ ഉയരെ എന്ന പാര്‍വതി എന്ന ചിത്രത്തിലും ഇരുവരും എത്തിയിരുന്നു. കല്‍ക്കിയില്‍ ടൊവിനോയ്‌ക്കൊപ്പം പ്രാധാന്യമുളള റോളാണ് സംയുക്തയ്ക്കെന്ന് അറിയുന്നു. ടൊവിനോയ്ക്കും സംയുക്തയ്ക്കും പുറമെ മലയാളത്തില്‍ നിന്നും മറ്റു ശ്രദ്ധേയ താരങ്ങളും ചിത്രത്തില്‍ അണിനിരക്കുന്നു.

ഷൂട്ടിംഗ് പൂര്‍ത്തിയായി

ആരാധകര്‍ ഒന്നടങ്കം ആവേശത്തോടെ കാത്തിരിക്കുന്ന ചിത്രത്തിന്റെ ഷൂട്ടിംഗ് പൂര്‍ത്തിയായതായുളള വിവരമായിരുന്നു ടൊവിനോ തോമസ് പങ്കുവെച്ചത്. കല്‍ക്കിയുടെ അണിയറ പ്രവര്‍ത്തകര്‍ക്കൊപ്പമുളള ഒരു ചിത്രം പങ്കുവെച്ചുകൊണ്ടായിരുന്നു ടൊവിനോ എത്തിയിരുന്നത്. 62 ദിവസത്തെ ഷൂട്ടിംഗിനൊടുവിലാണ് സിനിമ പൂര്‍ത്തിയാക്കിയതെന്ന് ടൊവിനോ ഇന്‍സ്റ്റഗ്രാമില്‍ കുറിച്ചിരുന്നു. ആഗസ്റ്റ് ഏട്ടിനാണ് ചിത്രം തിയ്യേറ്ററുകളിലേക്ക് എത്തുന്നത്.

Recommended Video

ജൂണിൽ 3 സിനിമകളുമായി ടോവിനോ | filmibeat Malayalam

ജേക്ക്സ് ബിയോയ് സംഗീതമൊരുക്കുന്നു

ജിന്‍ സുജാതനും സംവിധായകനും ചേര്‍ന്നാണ് സിനിമയുടെ തിരക്കഥ എഴുതിയിരിക്കുന്നത്.
ജേക്ക്സ് ബിയോയ് സിനിമയ്ക്ക് വേണ്ടി സംഗീതമൊരുക്കുന്നു. ഗൗതം ശങ്കറാണ് സിനിമയുടെ ഛായാഗ്രഹണം നിര്‍വ്വഹിക്കുന്നത്. ലിറ്റില്‍ ബിഗ് ഫിലിംസിന്റെ ബാനറില്‍ സുവിന്‍ കെ കൃഷ്ണ, പ്രശോഭ് കൃഷ്ണ തുടങ്ങിയവര്‍ ചേര്‍ന്നാണ് സിനിമ നിര്‍മ്മിക്കുന്നത്.