സിനിമ തിരഞ്ഞടുക്കുമ്പോൾ ശ്രദ്ധിക്കുന്നത് പ്രധാനമായും ഈ 3 കാര്യങ്ങൾ!! ടൊവിനോ വെളിപ്പെടുത്തുന്നു...

നായകനായും പ്രതിനായകനായും

നായകനായും പ്രതിനായകനായും ബിഗ് സ്ക്രീനിൽ തിളങ്ങുന്ന താരമാണ് ടൊവിനോ തോമസ്. ഏതു കഥാപാത്രവും ഈ കൈകളിൽ ഭഭ്രമായിരിക്കും. സഹനടനായും, സ്വാഭവിക നടനായും , കാമുകനായും, വില്ലനായും താരം തന്റെ അഭിനയ പാടവം തെളിയിച്ചതാണ്. ചെയ്യുന്ന കഥാപാത്രങ്ങളോട് നൂറ് ശതമാനം ആത്മാർഥത പുലർത്തിയാണ് അവയെ വെള്ളിത്തരിയിൽ എത്തിക്കുന്നത്.

സിനിമ തിരഞ്ഞെടുക്കുന്ന മൂന്ന് കാര്യങ്ങൾ നോക്കി

കുറഞ്ഞ സമയത്തിനുളളിൽ ഒരുപിടി ഹിറ്റ് ചിത്രങ്ങൾ കൈപ്പിടിയിൽ ഒതുക്കൻ ടൊവിനോയ്ക്ക് കഴിഞ്ഞിരുന്നു. പ്രധാനമായും മൂന്ന് കാര്യങ്ങൾ പരിഗണിച്ചാണ് സിനിമ തിരഞ്ഞെടുക്കാറുള്ളത്. ആദ്യത്തേത് കലാമൂല്യം, രണ്ടാമത്തേത് വിനോദമൂവല്യം, മൂന്നാമത്തേത് മുടക്കു മുതൽ എങ്കിലും തിരിച്ച് പിടിക്കാനുള്ള കച്ചവടമൂല്യമെന്ന് ടൊവിനോ പറഞ്ഞു. ഇവ മൂന്നിനും പരിഗണന നൽകിയാണ് ഒരോ സിനിമകളും തിരഞ്ഞെടുക്കുന്നതെന്ന് താരം പറ‍ഞ്ഞു.

കുപ്രസിദ്ധ പയ്യനിലെ വ്യത്യസ്ത

ഏറെ വ്യത്യസ്തയുള്ള ചിത്രമാണ് ഒരു കുപ്രസിദ്ധ പയ്യൻ. യഥാർഥ സംഭവത്തെ ആസ്പദമാക്കിയുള്ള ചിത്രമാണിത്. നമ്മുടെ നീതന്യായ വ്യവസ്ഥ എവിടെ നിൽക്കുന്നു എന്ന് വളരെ വ്യക്തമായി കാണിച്ചു തരുന്ന ഒരു ചിത്രമാണിത്. ഒഴിമുറി, തലപ്പാവ് എന്നി ചിത്രങ്ങൾക്ക് ശേഷം സംവിധായകൻ എന്ന നിലയിൽ മധുപാലിന്റെ കരിയറിൽ മികച്ച ചിത്രം കൂടിയായിരിക്കും ഒരു കുപ്രസിദ്ധ പയ്യനെന്ന് ടെവിനോ പറഞ്ഞു.

സിനിമയിലെ മാറ്റങ്ങൾ

സിനിമ മേഖലയിൽ ഒരുപാട് മാറ്റങ്ങൾ വന്നിട്ടുണ്ട്. പണ്ട് ഫെസ്റ്റ്വലുകളിൽ മാത്രം പോയാൽ കാണാൻ സാധിക്കുന്ന ചിത്രങ്ങൾ അപ്പോൾ ഇന്റർനെറ്റിലൂടേയും മൊബൈൽ ഫോണിലൂടേയും ലഭ്യമാണ്. ലോക സിനിമയിൽ ഉണ്ടാകുന്ന മാറ്റങ്ങൾ ഇവിടത്തെ സാധരണക്കർക്ക് വരെ അറിയുന്നുണ്ട്. കൂടാതെ അവാർഡ് സിനിമ എന്ന് മറ്റി നിർത്തിയിരുന്ന പല സിനിമകൾ തിയേറ്ററുകളിൽ വൻ വിജയമണ്. കാരണം പ്രേക്ഷകരുടെ കാഴ്ചപ്പാടിന്റേയും അഭിരുചിയുടേയും മാറ്റമാണിത്.

മനസ് കൊണ്ട് ഇഷ്ടപ്പെടുന്ന സിനിമകൾ

നമുക്ക് ഇഷ്ടപ്പെടാത്ത സിനിമയിൽ അഭിനയിച്ചാൽ ഒരിക്കൽ പോലും ആ സിനിമ വിജയിക്കുകയില്ല. അതിനാൽ എപ്പോഴും നല്ല സിനിമകൾ മാത്രമുണ്ടാകണമെന്നാണ് ഞാൻ ആഗ്രഹിക്കുന്നത്. സിനിമയിൽ അഭിനയിക്കുന്നതു മുൻപ് സിനിമയുടെ കഥകേൾക്കാൻ താൻ താൽപര്യം കാണിക്കാറുണ്ട്. അതൊരിക്കലും കഥയിൽ മാറ്റം വരുത്താനോ കൂട്ടിച്ചേരലുകൾ വരുത്താനോയല്ല. കഥ മനസിന് ഇഷ്ടപ്പെട്ടാൽ മാത്രമേ തിയേറ്ററിൽ എത്തുമ്പോൾ നല്ല റിസൾട്ട് ലഭിക്കുകയുളളൂവെന്ന് വിശ്വസിക്കുന്ന ആളാണ് ഞാൻ.