ഇതാണ് ശരിയ്ക്കുമുളള മോഹൻലാൽ!! ലാലേട്ടനെ കുറിച്ച് ടൊവിനോയ്ക്ക് പറയാനുണ്ട് ചിലത്, കാണൂ

മോഹൻലാലിനോടൊപ്പം

എല്ലാ യുവതാരങ്ങളും ആഗ്രഹിക്കുന്ന ഒന്നാണ് മോഹൻലാലിനോടൊപ്പം ഒരു സിനിമ ചെയ്യുക എന്നത്. അത് ഒരു സീനായാലും ഇവർ ഹാപ്പിയാണ്. ഇപ്പോൾ ലാലേട്ടനോടൊപ്പം ടൊവിനോ ലൂസിഫറിലെത്തുകയാണ്. പൃഥ്വിരാജ് സംവിധാനം ചെയ്യുന്ന ചിത്രത്തിൻ ഇവരെ കൂടാതെ വൻ താരനിരതന്നെ അണിനിരക്കുന്നുണ്ട്. എന്നാൽ ചിത്രത്തിൽ ഇവരുടെ കഥാപാത്രങ്ങളെ കുറിച്ച് അധികം വിവരങ്ങൾ പുറത്തു വന്നിട്ടില്ല.

കൂതറ

ലൂസിഫറിന് മുമ്പേ 2014 ൽ കൂതറ എന്ന ചിത്രത്തിൽ മോഹൻലാലിനോടൊപ്പം ടൊവിനോ എത്തിയിരുന്നു. എന്നാൽ ചിത്രത്തിന് മികച്ച വിജയം നേടാൻ കഴിഞ്ഞിരുന്നില്ല. അതിനു ശേഷം 2018 ൽ പൃഥ്വിയുടെ സംവിധാനത്തിലൂടെയാണ് ഈ സൂപ്പർ താരവും യുവതാരങ്ങളിലെ സൂപ്പർ താരവും വീണ്ടും ഒന്നിക്കുന്നത്. ഇവരുടെ കോമ്പോ കാണാൻ വേണ്ടിയുളള കാത്തിരുപ്പിലാണ് പ്രേക്ഷകർ

ഒരു പാരാതിയും ഇല്ലാത്ത മനുഷ്യൻ

അനുകരണീയമായിട്ടുള്ള ഒരുപാട് കാര്യങ്ങളുള്ള വ്യക്തിയാണ് ലാലേട്ടൻ. ഒരു പരാതിയുമില്ലാത്ത് ആളാണ്. ഒരു സീനിന്റെ ഷൂട്ടിന് ശേഷം അടുത്ത ഷോട്ട് എടുക്കുവരെ സെറ്റിൽ തന്നെ ഇരിക്കും. അവിടെയുള്ളവരുമായി സംസാരിക്കുകയും സമയം പങ്കിടുകയും ചെയ്യും. കഥാപാത്രത്തിന്റെ തുടർച്ച കൈവിടാതെ അത്രയ്ക്ക് ശ്രദ്ധിച്ചാണ് അദ്ദേഹം കഥാപാത്രങ്ങളെ അഭിനയിച്ച് ഫലിപ്പിക്കുന്നത്.

ആദ്യമായി സിനിമ ചെയ്യുന്ന അവേശം

ആദ്യമായി സിനിമ ചെയ്യുന്ന അതേ ആവേശത്തോടെയാണ് ഇപ്പോഴും ഓരോ വർക്ക് ചെയ്യുന്നത്. അതേ ആത്മാർഥതയും ആവേശവും അദ്ദേഹത്തിന്റെ എല്ലാ സിനിമകളിലും നമുക്ക് കാണാൻ സാധിക്കുകയും ചെയ്യുന്നുണ്ട്. കൂടാതെ ഒരു പുതിയ ഡയറക്ടറിന്റെ സിനിമയിലാണ് അഭിനയിക്കുന്നതെങ്കിൽ. അദ്ദേഹത്തെ സാറേ എന്നു തന്നെയാണ് ലാലേട്ടൻ വിളിക്കുന്നത്.