ഉമ്മയെ അന്വേഷിച്ച് ടൊവിനോ!!തേടിയിറങ്ങാൻ ഒരു കാരണമുണ്ട്, എന്റെ ഉമ്മാന്റെ പേര് ടീസർ കാണൂ

എന്റെ ഉമ്മാന്റെ പേരിനെ കുറിച്ച് ദുൽഖർ

ചിത്രത്തിന്റെ ഏറ്റവും പുതിയ ടീസർ നടൻ ദുൽഖർ സൽമാനാണ് പുറത്തു വിട്ടത്. തന്റെ ഔദ്യാഗിക ഫേസ്ബുക്ക് പേജിലൂടെയായിരുന്നു ടീസർ റിലീസ്. ടീസർ പങ്കുവെയ്ക്കുന്നതിനോടൊപ്പം ടൊവിനോയ്ക്ക് ആശംസകളും അറിയിച്ചിട്ടുണ്ട്. തന്റെ സഹോദരസ്ഥാനത്തുളള ടൊവിനോയ്ക്ക് സ്പെഷ്യലാകാൻ പോകുന്ന പുതിയ ചിത്രത്തിന് എല്ലാ വിധത്തിലുളള ഭാവുകങ്ങളും നേരുന്നുണ്ടെന്നും ദുൽ ടീസറിനോടൊപ്പം ആശംസയായി കുറിച്ചു.

ഹമീദിന്റേയും ആയിഷയുടെയും കഥ

ഉർവശി ടൊവിനോ തോമസ് എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്. ഹമീദ് എന്ന കഥാപാത്രത്തെ ടൊവിനോ അവതരിപ്പിക്കുമ്പോൾ ഉമ്മ ആയിഷയായി എത്തുന്നത് ഉർവശിയാണ്. ടൊവിനോ -ഉർവശി ഒരുമിച്ചെത്തുന്ന ആദ്യ ചിത്രം കൂടിയാണിത്. അതിനാൽ തന്നെ സിനിമയ്ക്ക് വേണ്ടിയുളള കട്ട കാത്തിരുപ്പിലാണ് പ്രേക്ഷകർ.

ഉമ്മയുടേയും മകന്റേയും കഥ

ഒരു ഉമ്മയും മകനും തമ്മിലുളള ആത്മ ബന്ധത്തിന്റെ കഥയാണ് ചിത്രം പങ്കുവെയ്ക്കുന്നത്. ഇത് വളരെ രസകരമായിട്ടാണ് ചിത്രത്തിൽ അവതരിപ്പിച്ചിരിക്കുന്നതെന്ന് പുറത്തു വന്ന ടീസറിൽ നിന്നും തന്നെ വ്യക്തമാണ്. അനാഥൻ അല്ലെന്ന് തെയിക്കാനായി വാപ്പയുടെ ഭാര്യമാരെ തേടി പോകുന്ന ഹമീദ് എന്ന ചെറുപ്പക്കാരനും ഉമ്മയായി എത്തുന്ന ആയിഷയുടേയും കഥയാണ് എന്റെ ഉമ്മാന്റെ പേര് സംസാരിക്കുന്നത്. ടൊവിനോ ഉർവശി എന്നിവരെ കൂടാതെ മാമുക്കോയ, സിദ്ദിഖ്, ശാന്തികൃഷ്ണ, ദിലീഷ് പോത്തൻ, ഹരീഷ് കണാരൻ, എന്നിങ്ങനെ ഒരു വൻ താരനിറ തന്നെ ചിത്രത്തിലെത്തുന്നുണ്ട്. നവാഗതനായ ജോസ് സെബാസ്റ്റിനാണ് ചിത്രം സംവിധാനം ചെയ്യുന്നത്.

അരവിന്ദന്റെ അതിഥികൾ

അരവിന്ദന്റെ അതിഥികൾ എന്ന ചിത്രത്തിനു ശേഷം ഉർവശി പ്രധാന കഥാപാത്രത്തെ അവതരിപ്പിക്കുന്ന ചിത്രമാണിത്. ഉർവശി എന്ന നടിയിൽ നിന്ന് പ്രതീക്ഷിക്കുന്ന എല്ലാ അഭിനയ സാധ്യതകളും ഈ എന്റെ ഉമ്മാന്റെ പേരിലുമുണ്ട്. ഒരു കുപ്രസിദ്ധ പയ്യൻ എന്ന ചിത്രത്തിന്റെ വൻ വിജയത്തിനു ശേഷം ടൊവിനോ നായകനായി എത്തുന്ന ചിത്രമാണിത്.