കൊറോണ ഭീതി: സിനിമാ, സീരിയൽ ഷൂട്ടിങ് നിർത്തി — ടിവി ചാനലുകൾ കളം മാറ്റുന്നു

തീരുമാനം വന്നതിന് പിന്നാലെ ടിവി ചാനല്‍ അധികൃതര്‍ ഇതേക്കുറിച്ച് പ്രതികരിച്ചിരുന്നു. ചിത്രീകരണം നിര്‍ത്തിവെക്കുകയെന്നത് ആവശ്യമായ നീക്കമാണെന്ന് ഇവര്‍ പ്രതികരിച്ചു. ആയതിനാല്‍ ഇപ്പോള്‍ ഞങ്ങളുടെ ശ്രദ്ധ വളരെ ശ്രദ്ധയോടെ ഷൂട്ടിംഗ് പൂര്‍ത്തിയാക്കുക എന്നതാണെന്നും അധികൃതര്‍ പറഞ്ഞു. സാങ്കല്‍പ്പിക ഷോകളുടെ മുന്‍പേ ചിത്രീകരിച്ച എപ്പിസോഡുകള്‍ തങ്ങളുടെ കൈവശമുണ്ടെന്നും ആയതിനാല്‍ വലിയ പ്രശ്‌നമുണ്ടാവില്ല എന്നും ചാനല്‍ അധികൃതര്‍ അറിയിച്ചു.

കൂടാതെ വരാനിരിക്കുന്ന എപ്പിസോഡുകളുടെ ഷൂട്ടിംഗ് നടക്കുകയും ചെയ്യുന്നുണ്ട്. എന്നാല്‍ സ്ഥിതിഗതികള്‍ അതേപടി തുടരുകയാണെങ്കില്‍ കൈവശമുളള എപ്പിസോഡുകള്‍ കഴിയുമ്പോള്‍ എന്ത് ചെയ്യുമെന്നതിനെക്കുറിച്ച് ആശങ്കയുണ്ട്. ചാനല്‍ അധികൃതര്‍ അറിയിച്ചു. നേരത്തെ കൊറോണ കാരണം നിരവധി സിനിമകളുടെ റിലീസും ഷൂട്ടിംഗും നിര്‍ത്തിവെച്ചിരുന്നു.

ഇതിന് പിന്നാലെയാണ് സംഘടനകള്‍ ഔദ്യോഗികമായി തങ്ങളുടെ തീരുമാനം അറിയിച്ചിരുന്നതത്. കൊറോണ നേരത്തെ മലയാള സിനിമാ മേഖലയും നിശ്ചലമാക്കിയിരുന്നു. കൊറോണ ജാഗ്രതയുടെ ഭാഗമായി സംസ്ഥാനത്തെ സിനിമാ തിയ്യേറ്ററുകള്‍ ഈ മാസം 31വരെ അടച്ചിട്ടിരിക്കുകയാണ്. മമ്മൂട്ടിയുടെ ദ പ്രീസ്റ്റ്, മഞ്ജു വാര്യരുടെ ലളിതം സുന്ദരം അടക്കമുളള സിനിമകളുടെ ഷൂട്ടിംഗ് നിര്‍ത്തിവെച്ചിരുന്നു.

സംസ്ഥാനത്ത് കൊറോണ ജാഗ്രതാ നിര്‍ദ്ദേശം പുറപ്പെടുവിച്ചതിന് പിന്നാലെയാണ് സിനിമകളുടെ ചിത്രീകരണം നിര്‍ത്തിയത്. അതേസമയം സംസ്ഥാനത്ത് ഇപ്പോള്‍ ചിത്രീകരണം നടന്നുകൊണ്ടിരിക്കുന്ന ഇരുപതോളം ചിത്രങ്ങളുടെ ഷൂട്ടിംഗ് തുടരുന്ന കാര്യത്തില്‍ സംവിധായകനും നിര്‍മ്മാതാവും തീരുമാനം എടുക്കട്ടെയെന്നാണ് ചലച്ചിത്ര സംഘടനകളുടെ നിലപാട്. നേരത്തെ കപ്പേള, കോഴിപ്പോര് തുടങ്ങിയ സിനിമകളുടെ പ്രദര്‍ശനവും മുടങ്ങിയിരുന്നു. കൂടാതെ റിലീസിങ്ങിനൊരുങ്ങിയ കിലോ മീറ്റേഴ്‌സ് ആന്‍ഡ് കിലോ മീറ്റേഴ്‌സ്, മരക്കാര്‍ അറബിക്കടലിന്റെ സിംഹം, വണ്‍, മാസ്റ്റര്‍ തുടങ്ങിയവയുടെ റിലീസും നീട്ടിവെച്ചിരുന്നു. ജനങ്ങളുടെ ആരോഗ്യമാണ് പ്രധാനമെന്നായിരുന്നു റിലീസ് മാറ്റിവെച്ച ശേഷം ടൊവിനോ തോമസ് അറിയിച്ചിരുന്നത്.