ലാലേട്ടൻ സംവിധായകനാകുമ്പോള്‍, ജിജ്ഞാസ ഒരു കാര്യത്തിൽ, ആകാംക്ഷ പങ്കുവെച്ച് ശ്രീകുമാർ മേനോൻ

ബറോസ്സ്

കഴിഞ്ഞ നാല് നൂറ്റുണ്ടുകളായി മലയാളി പ്രേക്ഷകർക്കൊപ്പം അവരിൽ ഒരാളായി സഞ്ചരിക്കുന്ന താരമാണ് മോഹൻലാൽ. ഇപ്പോഴിത താരം സംവിധായകന്റെ കുപ്പായം ധരിക്കുകയാണ്. ബറോസ്സ് എന്നാണ് അദ്ദേഹം ചിത്രത്തിന്റെ പേര്. 3 ഡി ചിത്രമായിട്ടാണ് സിനിമ ഒരുങ്ങുന്നത്. ലാലേട്ടൻ തന്നെയാണ് തന്റെ പുതിയ ചിത്രത്തിനെ കുറിച്ച് തന്റെ ആരാധകരുമായി പങ്കുവെച്ചത്. കുട്ടികൾക്കും മുതിർന്നവർക്കും ഒരുപോലെ ആസ്വദിക്കാൻ കഴിയുന്ന ചിത്രമായിരിക്കും ബറോസ്സെന്നും ലാലേട്ടൻ ഉറപ്പ് നൽകിയിട്ടുണ്ട്.

ഒരു കാര്യത്തിൽ മാത്രമാണ് ജിജ്ഞാസ

ലാലേട്ടന്‍- നാന്നൂറിലേറെ സിനിമകളിലൂടെ ഇരുന്നൂറിലേറെ സംവിധായകരുടെ മനസറിഞ്ഞ മഹാനടന്‍. സംവിധായകരുടെ ഉള്ളിലെന്തെന്ന് അദ്ദേഹത്തിന് നോട്ടം കൊണ്ട് തിരിച്ചറിയാനുള്ള അത്ഭുതശേഷിയുണ്ടെന്നു തോന്നിയിട്ടുണ്ട്. അങ്ങനെയുള്ള... എല്ലാ സംവിധായകരേയും അതിശയിപ്പിച്ച മോഹന്‍ലാല്‍ സംവിധായകനാകുന്നു! അതൊരു ഭയങ്കര കൗതുകമാണ്. ആ കംപ്ലീറ്റ് ആക്ടർ സംവിധായകനാകുമ്പോള്‍, അദ്ദേഹത്തിന്റെ നടീനടന്മാരെ എങ്ങനെ അഭിനയിപ്പിച്ചെടുക്കും എന്നുള്ളത് എത്രമാത്രം ജിജ്ഞാസ ഉയര്‍ത്തുന്നതാണ്.

ക്ലാസിക് ചിത്രം

അത് അതീന്ദ്രിയമായ ഒരു തലത്തിലാകും സംഭവിക്കുകയെന്ന് ഞാന്‍ വിശ്വസിക്കുന്നു. അതിന്റെ രസതന്ത്രം അനിര്‍വചനീയമാണ്- നമ്മളെ മാന്ത്രിക പരവതാനിയേറ്റുന്ന 'ബറോസ്' എത്രമാത്രം ആകാംഷയാണ് ഉയർത്തുന്നത്. ബറോസ് ഒരു ക്ലാസിക് ആവുമെന്ന് വിശ്വസിക്കുന്നു. എപ്പോഴേ സംവിധായകൻ ആകുമായിരുന്ന ലാലേട്ടൻ... ഇത് എനിക്ക് ചെയ്യണം എന്ന ആഗ്രഹം ഈ കഥ ഉണ്ടാക്കിയിട്ടുണ്ടെങ്കിൽ, അത് എത്ര മനോഹരമായിരിക്കും എന്ന് ഊഹിക്കാമല്ലോ...

ആരാണ് ബറോസ്സ്

പോർച്ച്ഗീസ് പശ്ചാത്തലത്തിൽ ഒരുങ്ങുന്ന ചിത്രമാണ് ബറോസ്. ബറോസ്സ്-ഗാർഡിയൻ ഓഫ് ഡി ഗാമാസ് ട്രഷർ എന്ന രചനയിൽ നിന്നാണ് ചിത്രം ഒരുങ്ങുന്നത്.
ഗാമയുടെ നിധി സൂക്ഷിക്കുന്ന ആളാണ് ബറോസ്സ് നൂറിലധികം വർഷങ്ങളായി അദ്ദേഹം ഈ നിധി കാത്ത് സൂക്ഷിക്കുകയാണ്. ഗാമയുടെ യാഥാർഥ പിൻതുടർച്ചക്കാർ വന്നാൽ മാത്രമേ ഈ നിധി കൈ മാറുകയുളളു. ബറോസ്സിനെ തേടി ഒരു കുട്ടിയെത്തുകയും ഇവർ തമ്മിലുള്ള രസകരമായ സംഭവങ്ങളിലൂടെയാണ് ചിത്രം മുന്നോട്ട് പോകുന്നത്. ചിത്രത്തിൽ ബറോസ്സായി എത്തുന്നത് ലാലേട്ടൻ തന്നെയാണ്.