മഞ്ജുവിനെ സഹായിച്ചതിന് അനുഭവിച്ചു!! ‌തനിയ്ക്ക് കുറ്റബോധമില്ല, തുറന്നു പറഞ്ഞ് ശ്രീകുമാർ മേനോൻ

മഞ്ജുവിന്റെ തിരിച്ച് വരവ്

മ‍ഞ്ജുവിന് തിരിച്ച് സിനിമയിൽ കൊണ്ടു വന്നതിൽ തനിയ്ക്ക് ഒരുപാട് എതിർപ്പ് നേരിടേണ്ടി വന്നിരുന്നു. ഒരുപാട് ഭവിഷ്യത്തുകൾ തനിയ്ക്ക് അനുഭവിക്കേണ്ടി വന്നിട്ടുണ്ട്. എന്നാൽ ഇതിനൊന്നും അധികം ആയുസ്സില്ല. അതേസമയം മഞ്ജുവിനെ സഹായിച്ചതിൽ തനിയ്ക്ക് ഒരു തരത്തിലുമുള്ള കുറ്റബോധമില്ലെന്നും ശ്രീകുമാർ മേനോൻ പറഞ്ഞു. കൂടാതെ ഇന്ന് ഒറ്റ തിരിഞ്ഞ് എല്ലാ ആക്രമങ്ങളും താൻ നേരിടുകയാണ്. അതിലും തനിയ്ക്ക് വിഷമമില്ലെന്നും ശ്രീകുമാർ മേനോൻ പറഞ്ഞു.

വിമർശനങ്ങൾ ബാധിക്കാറില്ല

ആയിരം പേർ കള്ളൻ എന്ന് വിളിച്ചാലും നമ്മൾ സത്യസന്ധനാണെങ്കിൽ ഭയക്കേണ്ട കാര്യമില്ലെന്നും ശ്രീകുമാർ മോനോൻ പറഞ്ഞു. വിമർശനങ്ങൾ തന്നെ ഒരു തരത്തിലും ബാധിക്കാറില്ല. മറ്റുളളവർ എന്തു പറയുന്നു എന്ന് കരുതിയാൽ നമ്മൾക്ക് ജീവിക്കാൻ പറ്റില്ല. ഒരുപാട് പ്രതിസന്ധികളിലൂടെ കടന്നു പോയ വ്യക്തിയാണ് തനെന്നും ശ്രീകുമാർ മേനോൻ പറയുന്നുണ്ട്.

ഒടിയൻ ആകസ്മികമായി സംഭവിച്ചത്

ഒടിയൻ ആകസ്മികമായി സഭവിച്ച ചിത്രമാണ്. താൻ ആദ്യം ചെയ്യേണ്ടിയിരുന്നതെ രണ്ടാമൂഴമായിരുന്നെന്നും ശ്രീകുമാർ മേനോൻ പറഞ്ഞു. ഒടിയൻ താൻ ഒരുപാട് ആസൂത്രണം ചെയ്ത് എടുത്ത സിനിമയല്ല. നല്ലൊരു തിരക്കഥ വന്നപ്പോൾ ചെയ്തു. ഒടിയന്റെ കഥ പറഞ്ഞപ്പോൾ ലാലേട്ടനും ആന്റണി പെരുമ്പാവൂരിനും ഇഷ്ടമായി. അങ്ങനെയാണ് സിനിമ സംഭവിച്ചത്. അതേസമയം രണ്ടാമൂഴം ചില സങ്കേതിക കാരണങ്ങളാൽ നീണ്ടു പോകുകയയിരുന്നു. അതിനിടയിലാണ് ഒടിയൻ സംഭവിക്കുന്നതെന്നും സംവിധായകൻ പറഞ്ഞു.

ഒടിയൻ ഹർത്താലിനെ തോൽപ്പിച്ചിട്ടില്ല

ഹർ‌ത്താലിനെ വെല്ലുവിളിച്ചല്ല ഒടിയൻ റിലീസ് ചെയ്തത്. ഹര്‍ത്താല്‍ അനുകൂലികള്‍ പറഞ്ഞ ചില സ്ഥലങ്ങളില്‍ സിനിമ ആദ്യ ദിവസം കളിച്ചിട്ടില്ല. കോഴിക്കോട്, തിരുവനന്തപുരം എന്നിവിടങ്ങളിലെ ചില ഷോകള്‍ നിര്‍ത്തി വച്ചിരുന്നു. തടയാതിരുന്ന സ്ഥലത്തായിരുന്നു സിനിമ റിലീസ് ചെയ്തത്. ഹർത്താവിനെ തോൽപ്പിച്ചു എന്നൊന്നും ഞാൻ ഒരിടത്തും പറഞ്ഞിട്ടില്ലെന്നും ശ്രീകുമാർ മേനോൻ ഈ അവസരത്തിൽ പറഞ്ഞു.