വെളിച്ചത്തിന്റെ ലോകത്തിലേയ്ക്ക് വൈക്കം വിജയലക്ഷ്മി!! ചികിത്സക്കായി ഗായിക അമേരിക്കയിലേക്ക്‌....

ചികിത്സ അമേരിക്കയിൽ

കണ്ണിന് കാഴ്ച ശക്തി തിരിച്ചു കിട്ടാനുള്ള ചികിത്സ ആരംഭിച്ചു കഴിഞ്ഞെന്ന് വിജയ ലക്ഷ്മി പറഞ്ഞു. അമേരിക്കയിലാണ് ഇതിനുള്ള ട്രീറ്റ്മെന്റുകൾ നടക്കുന്നത്. കാഴ്ച ശക്തി കിട്ടാനുള്ള സാങ്കേതിക വിദ്യകൾ അടുത്ത വർഷത്തോടെ ഉണ്ടാകുമെന്നു അവിടെയുള്ള ഡോക്ടര്‍മാര്‍ അറിയിച്ചെന്നും വിജയ ലക്ഷ്മി പറഞ്ഞു. വിജയ ലക്ഷ്മിയുടെ ശബ്ദത്തിൽ ഉറച്ച് ആത്മവിശ്വാസമുണ്ടായിരുന്നു.

അടുത്ത വർഷം ലോകം കാണൂം

അടുത്ത വർഷം വിജി ലോകം കാണ്ടിരിക്കുമെന്നാണ് ചികിത്സയെ കുറിച്ചു ചോദിച്ചപ്പോൾ വിജയ ലക്ഷ്മി പറഞ്ഞത്. ഇപ്പോൾ കണ്ണിനു നല്ല മാറ്റമുണ്ടെന്നും ചെറുതായി വെളിച്ചമൊക്കെ കാണാൻ കഴിയുന്നുണ്ടെന്നും പ്രിയപ്പെട്ട ഗായിക പറഞ്ഞു. വിജയ ലക്ഷ്മിയ്ക്കൊപ്പം ഷംന കാസിമായിരുന്നു ഒന്നും ഒന്നും മൂന്നിലെ അതിഥിയായി എത്തിയത്.

വിവാഹം

കാഴ്ച കിട്ടുന്നതു മാത്രമല്ല പുതിയ ജീവിതം തുടങ്ങാനുള്ള തയ്യാറെടുപ്പിലാണ് പ്രേക്ഷകരുടെ പ്രിയ ഗായിക. ഈ മാസം( ഒക്ടേബർ 22) ന് വിജയലക്ഷ്മിയുടെ കഴുത്തിൽ അനൂപ് താലി ചാർത്തും. വൈക്കം മഹാദേവക്ഷേത്രത്തിൽ വെച്ചാണ് വിവാഹം. 10.30 നും 11.30 ഇടയിലുള്ള ശുഭ മൂഹൂർത്തത്തിലാണ് വിജിയുടെ കഴുത്തിൽ അനൂപ് താലി ചാർത്തുക.

മിമിക്രിയും സംഗീതവും

നർമ്മ നിറഞ്ഞ സംസാര രീതിയാണ് വിജയലക്ഷ്മിയുടേത്. ചിരിച്ച് മുഖത്തിലായിരിക്കും വിജയ ലക്ഷ്മിയെ കാണാൻ കഴിയുന്നത്. ഭാവി വരനെ കുറിച്ചു ചോദിച്ചപ്പോഴും നർമ്മത്തിൽ ചാലിച്ച ഉത്തരമാണ് വിജയ ലക്ഷ്മി നൽകിയത്. ഇന്റീരിയർ ഡെക്കറേഷൻ കോൺട്രാക്ടറും മിമിക്രി കലാകാരനുമാണ് അനൂപ്. കല്യാണിത്തിനു ശേഷം മിമിക്രിയും പാട്ടുമായി ഞങ്ങൾ ഇറങ്ങുമെന്നാണ് പ്രിയപ്പെട്ട ഗായിക പറഞ്ഞത്. ഇത് വേദിയിൽ ചിരി ഉണർത്തിയിരുന്നു

രണ്ട് വർഷമായി അറിയാം

കഴിഞ്ഞ രണ്ട് വർഷമായി അനൂപിനെ അറിയാം. ഈയിടെയാണ് വിവാഹം കഴിക്കാൻ താൽപര്യമുണ്ടെന്ന് അദ്ദേഹം പറയുന്നത്.ഞാൻ അച്ഛനോടും അമ്മയോടും കാര്യം സംസാരിച്ചും. രണ്ടു കുടുംബാംഗങ്ങൾ തമ്മിൽ പരസ്പരം അറിയാവുന്നവരാണ്. അതുകൊണ്ട് കൂടുതലൊന്നും അന്വേഷിക്കേണ്ടി വന്നില്ല. അദ്ദേഹം നല്ല മനസ്സിന് ഉടമയാണെന്നും വിജയ ലക്ഷ്മി പറഞ്ഞു. രണ്ടു പേരും കലാരംഗത്ത് പ്രവർത്തിക്കുന്നവരാണ്. അതിനാൽ തന്നെ പരസ്പരം പിന്തുണച്ച് ജീവിതം മുന്നോട്ട് പോകാൻ കഴിയുമെന്ന് പ്രതീക്ഷിക്കുന്നുവെന്നും വിജയ ലക്ഷ്മി പറഞ്ഞു.