അങ്കമാലി ഡയറീസ് ഉണ്ടാകാന്‍ കാരണം മമ്മൂട്ടിയാണെന്ന് വിജയ് ബാബു, മമ്മൂട്ടി എന്ത് ചെയ്തു ?

പ്ലാന്‍ ചെയ്തത് മമ്മൂട്ടി ചിത്രം

മമ്മൂട്ടിയുമായുള്ള ഒരു ചിത്രം എന്റെ സ്വപ്‌നമാണ്. ലിജോ ജോസ് പെല്ലിശ്ശേരിയുമായി മമ്മൂക്കയെ നായകനാക്കി ഒരു ചിത്രം കഴിഞ്ഞ വര്‍ഷം പദ്ധതിയിട്ടിരുന്നു. അതിന്റെ ചര്‍ച്ചകള്‍ ബാംഗ്ലൂരില്‍ നടന്നുകൊണ്ടിരിയ്ക്കുകയായിരുന്നു...

ആ ചിത്രം ഉപേക്ഷിച്ചപ്പോള്‍

എന്നാല്‍ മമ്മൂക്കയെ നായകനാക്കി ഒരുക്കുന്ന ചിത്രം ഇപ്പോള്‍ സാധ്യമല്ല. അതിന് വേണ്ടി സെപ്റ്റംബര്‍ വരെ കാത്തിരിയ്ക്കണം. ആ തീരുമാനം എടുത്ത ശേഷം ബെംഗലൂരില്‍ നിന്ന് തിരിച്ചു വരവെയാണ് അങ്കമാലി ഡയറീസ് കിട്ടിയത്.

അങ്കമാലിയുടെ പിറവി

മമ്മൂട്ടി ചിത്രമല്ലെങ്കില്‍, എനിക്ക് ഉടനെ അടുത്ത ചിത്രം ചെയ്യണം.. അപ്പോഴാണ് ലിജോ പറഞ്ഞത് ചെമ്പന്‍ വിനോദിന്റെ കൈയ്യില്‍ ഒരു കഥയുണ്ടെന്ന്.. കഥ കേട്ടപ്പോള്‍ എനിക്കും വളരെ ഇഷ്ടമായി. ഇത് തന്നെ ചെയ്യാം എന്ന് തീരുമാനിച്ചു...

86 പുതുമുഖ താരങ്ങള്‍

സിനിമയ്ക്ക് എന്തെങ്കിലും പ്രത്യേകത ഉണ്ടായിരിക്കണം.. അതുകൊണ്ട് അഭിനേതാക്കളെല്ലാം പുതുമുഖ താരങ്ങളായിരിക്കണം എന്ന നിര്‍ദ്ദേശം മുന്നോട്ട് വച്ചത് ഞാനാണ്. ഏറ്റവും നല്ല പിന്നണി പ്രവര്‍ത്തകരും 86 പുതുമുഖ താരങ്ങളുമായി അങ്കമാലി ഡയറീസ് പിറന്നത് അങ്ങനെയാണ് - വിജയ് ബാബു പറഞ്ഞു.