ഫഹദ് കത്തിച്ചില്ലായിരുന്നെങ്കില്‍ ഞങ്ങള്‍ കത്തിച്ചേനെ! തനിക്ക് വന്ന മെസേജിനെക്കുറിച്ച് വിജിലേഷ്

വരത്തനിലെ ജിതിന്‍

വരത്തനില്‍ നെഗറ്റീവ് ടച്ചുളള ഒരു കഥാപാത്രമായിട്ടായിരുന്നു വിജിലേഷ് എത്തിയിരുന്നത്. ചിത്രത്തില്‍ ഷറഫുദ്ദീനൊപ്പം നടക്കുന്ന ജിതിന്‍ എന്ന കഥാപാത്രമായിട്ടായിരുന്നു നടന്‍ എത്തിയത്. ജിതിന്‍ ചെയ്ത കഥാപാത്രത്തിന് വരത്തന്‍ കണ്ട പ്രേക്ഷകരെല്ലാം തന്നെ മികച്ച അഭിപ്രായങ്ങളായിരുന്നു പറഞ്ഞത്. ചിത്രം കണ്ട ആളുകളുടെ മനസില്‍ തങ്ങിനിന്ന ഒരു കഥാപാത്രം കൂടിയായിരുന്നു വിജിലേഷിന്റെത്. വിജിലേഷിന്റെ കഥാപാത്രത്തെ കണ്ട് അറപ്പും വെറുപ്പും തോന്നിയതായി പ്രേക്ഷക പ്രതികരണങ്ങള്‍ വന്നിരുന്നു.

വിജിലേഷ് പറഞ്ഞത്

വരത്തന്‍ പുറത്തിറങ്ങിയതിനു ശേഷം തനിക്ക് ധാരാളമായി മെസേജുകള്‍ വന്ന കാര്യം വിജിലേഷ് പറഞ്ഞിരുന്നു. വരത്തന്‍ പുറത്തിറങ്ങിയതിനു ശേഷം ചിത്രത്തിലെ കഥാപാത്രത്തെ പറ്റിയും സിനിമയെപ്പറ്റിയും നല്ല പ്രതികരണമാണ് ലഭിക്കുന്നതെന്നും വിജിലേഷ് പറയുന്നു. കൈയ്യില്‍ കിട്ടിയിരുന്നെങ്കില്‍ രണ്ട് പൊട്ടിച്ചേന എന്നായിരുന്നു ആളുകള്‍ കൂടുതലായും പറഞ്ഞിരുന്നത്.

ഫഹദ് കത്തിച്ചില്ലായിരുന്നെങ്കില്‍

ഫഹദ് കത്തില്ലായിരുന്നെങ്കില്‍ ഞങ്ങള്‍ കത്തിച്ചേനെ എന്നൊക്കെയുളള മെസേജുകളും ധാരാളമായി വന്നിരുന്നു. തന്റെ കഥാപാത്രത്തെക്കുറിച്ച് അത്രയ്ക്ക് അറപ്പും വെറുപ്പും തോന്നിപ്പോയി എന്നാണ് സിനിമ കണ്ടവര്‍ പറഞ്ഞിരുന്നത്. ആ കഥാപാത്രത്തെ ആളുകള്‍ അംഗീകരിച്ചതില്‍ വലിയ സന്തോഷമാണ് തോന്നിയത്. മനോരമയുമായുളള അഭിമുഖത്തില്‍ വിജിലേഷ് പറഞ്ഞു

ഫഹദിനൊപ്പം ആദ്യമല്ല

ഫഹദ് ഫാസിലിനൊപ്പം ആദ്യമായിട്ടായിരുന്നില്ല വിജിലേഷ് അഭിനയിച്ചിരുന്നത്. ദിലീഷ് പോത്തന്‍ സംവിധാനം ചെയ്ത മഹേഷിന്റെ പ്രതികാരം എന്ന ചിത്രത്തിലും ഫഹദിനൊപ്പം ഒരു പ്രാധാന്യമുളള കഥാപാത്രമായി വിജിലേഷ് എത്തിയിരുന്നു. മഹേഷിന്റെ പ്രതികാരത്തില്‍ ഒരു സാധാരണക്കാരന്റെ വേഷത്തിലായിരുന്നു വിജിലേഷ് എത്തിയിരുന്നത്. മഹേഷിന്റെ പ്രതികാരത്തിനു ശേഷം ദുല്‍ഖര്‍ സല്‍മാന്‍ നായകനായ കലി എന്ന ചിത്രത്തിലും വിജിലേഷ് അഭിനയിച്ചിരുന്നു. ചെറിയ വേഷങ്ങളിലാണ് അധിക സിനിമകളിലും ഈ നടന്‍ എത്തിയിരുന്നത്.

ഷറഫുദ്ദീന്‍റെ റോളും കലക്കി

വരത്തനില്‍ വിജിലേഷിനൊപ്പം മികച്ച പ്രേക്ഷകപ്രശംസ നേടിയ കഥാപാത്രമായിരുന്നു ഷറഫുദ്ദിന്റെതും. വരത്തനില്‍ കരുത്തുറ്റൊരു വില്ലന്‍ കഥാപാത്രമായിട്ടായിരുന്നു ഷറഫുദ്ദീന്‍ എത്തിയിരുന്നത്. കോമഡി വേഷങ്ങളില്‍ നിന്നും വില്ലനായുളള ഷറഫുദ്ദീന്റെ മാറ്റം എല്ലാവരെയും അതിശയിപ്പിച്ചിരുന്നു. വരത്തനില്‍ ഫഹദിന്റെ ഭാര്യയെ ശല്യം ചെയ്യുന്ന കഥാപാത്രമായിട്ടായിരുന്നു ഷറഫുദ്ദീന്‍ എത്തിയിരുന്നത്.