മോശം അഭിപ്രായം വന്നാലും സാമ്പത്തിക വിജയം അത് ലാലേട്ടനുള്ളതാണ്! വില്ലന്‍ ഒരാഴ്ചത്തെ കളക്ഷന്‍ ഇത്രയാണ്

വില്ലന്റെ വിജയം

സിനിമ പ്രതീക്ഷിച്ച നിലവാരം പുലര്‍ത്തിയില്ലെന്ന് റിവ്യൂ വന്നിരുന്നെങ്കിലും സാമ്പത്തികപരമായി നോക്കുമ്പോള്‍ വില്ലന്‍ സൂപ്പര്‍ ഹിറ്റാണ്. ഒക്ടോബര്‍ 27 ന് തിയറ്ററുകളിലേക്കെത്തിയ വില്ലന്‍ ഒരാഴ്ച പിന്നീടുമ്പോഴേക്കും മികച്ച കളക്ഷന്‍ തന്നെയാണ് കേരള ബോക്‌സ് ഓഫീസില്‍ നിന്നും നേടിയിരിക്കുന്നത്.

ആദ്യ ദിന കളക്ഷന്‍

ബിഗ് റിലീസായി തിയറ്ററുകള്‍ കീഴടക്കാനെത്തിയ വില്ലന്‍ ആദ്യ ദിനം 4.91 കോടിയായിരുന്നു കേരള ബോക്‌സ് ഓഫീസില്‍ നിന്നും നേടിയിരുന്നത്. തുടക്കം തന്നെ മികച്ച കളക്ഷനാണ് ചിത്രം നേടിയിരുന്നത്.

വാരന്ത്യത്തിലെ കണക്ക്

തുടക്കം നന്നായിരുന്നെങ്കിലും രണ്ടാം ദിവസം മുതല്‍ പ്രതീക്ഷിച്ച വിജയത്തിലേക്കെത്താന്‍ വില്ലന് കഴിഞ്ഞിരുന്നില്ല. വില്ലന്‍ റിലീസ് ചെയ്ത് ആദ്യത്തെ വാരന്ത്യത്തിലെ കണക്ക് കൂട്ടുമ്പോള്‍ മൂന്ന് ദിവസം കൊണ്ട് 10 കോടിയായിരുന്നു മറികടന്നിരുന്നത്.

ആദ്യ ആഴ്ച

ചിത്രം റിലീസ് ചെയ്ത് ഒരാഴ്ചയായിരിക്കുകയാണ്. എന്നാല്‍ നിലവില്‍ 12.7 കോടിയാണ് കേരള ബോക്‌സ് ഓഫീസില്‍ നിന്നും നേടിയിരിക്കുന്നത്.

കൊച്ചി മള്‍ട്ടിപ്ലെക്‌സില്‍

റിലീസ് ദിനത്തില്‍ തന്നെ വില്ലന്‍ കൊച്ചി മള്‍ട്ടിപ്ലെക്‌സിലും എത്തിയിരുന്നു. തുടര്‍ന്ന് അവിടെ നിന്നും നല്ലൊരു തുകയാണ് സിനിമയ്ക്ക് കിട്ടിയിരിക്കുന്നത് ഏഴ് ദിവസം പ്രദര്‍ശിപ്പിച്ചപ്പോഴെക്കും 46.72 ലക്ഷമായിരുന്നു മള്‍ട്ടിപ്ലെക്‌സില്‍ നിന്നും സിനിമ നേടിയിരിക്കുന്നത്.

വില്ലന്‍ യുഎഇയിലെ റിലീസ്

ഒക്ടോബര്‍ 27 ന് തിയറ്ററുകളിലേക്കെത്തിയ വില്ലന്‍ ഇന്ന് മുതല്‍ യുഎഇ, യുസിസി എന്നിവിടങ്ങളില്‍ കൂടി റിലീസ് ചെയ്തിരിക്കുകയാണ്. 80 സെന്ററുകളിലാണ് ചിത്രം പ്രദര്‍ശിപ്പിക്കുന്നത്. യുഎയിലടക്കം ഏറ്റവുമധികം സെന്റകളില്‍ പ്രദര്‍ശിപ്പിക്കുന്ന മൂന്നാമത്തെ സിനിമ കൂടിയാണ് വില്ലന്‍.