തകര്‍ക്കാന്‍ കഴിയില്ല എന്ന് പറഞ്ഞ പുലിമുരുകന്റെ റെക്കോഡ് തകര്‍ത്തു, വില്ലന്‍ ശരിക്കും വില്ലനാകുമോ?

ഓവര്‍സീസ് റൈറ്റ്

മലയാളത്തില്‍ പുതിയൊരു റെക്കോഡ് നേട്ടം കൊയ്തിരിയ്ക്കുകയാണ് വില്ലന്‍. ചിത്രത്തിന്റെ ഓവര്‍സീസ് റൈറ്റ് വിറ്റുപോയിരിയ്ക്കുന്നത് 2.50 കോടി രൂപയ്ക്കാണ്. ഇതോടെ ലാലിന്‍രെ പുലിമുരുകന്‍ റെക്കോഡ് തകര്‍ന്നു. 1.75 കോടി രൂപയായിരുന്നു. മുരുകന്റെ ഓപര്‍സീസ് റൈറ്റ്.

പ്രി- റിലീസ് നേട്ടം

ഏകദേശം മുപ്പത് കോടി ബജറ്റിലൊരുങ്ങിയ വില്ലന്‍ പ്രി- റിലീസിലൂടെ തന്നെ 13 കോടി നേടി എന്നാണ് അറിയാന്‍ കഴിയുന്നത്. ഏഴ് കോടി രൂപയ്ക്കാണ് വില്ലന്റെ സാറ്റലൈറ്റ് അവകാശം വിറ്റത്. ഹിന്ദി ഡബ്ബിങ് അവകാശത്തിലൂടെ വന്നത് മൂന്ന് കോടിയാണ്. മ്യൂസിക് റൈറ്റ്‌സ് 50 ലക്ഷവും ഓവര്‍ സീസ് 2.50 കൂട്ടുമ്പോള്‍ പതിമൂന്ന് കോടി!

വില്ലന്‍ എന്ന ചിത്രം

ബി ഉണ്ണികൃഷ്ണന്‍ തന്നെ രചനയും സംവിധാനവും നിര്‍വ്വഹിയ്ക്കുന്ന വില്ലന്‍ ഒരു സ്‌റ്റൈലിഷ് ത്രില്ലറാണ്. ലാലിനൊപ്പം വിശാല്‍, ശ്രീകാന്ത്, ഹന്‍സിക, മഞ്ജു വാര്യര്‍, രാശി ഖന്ന, സിദ്ദിഖ് രണ്‍ജി പണിക്കര്‍, അജു വര്‍ഗ്ഗീസ്, ചെമ്പന്‍ വിനോട് എന്നിവരും കഥാപാത്രങ്ങളായി എത്തുന്നു

27 ന് റിലീസ്

ഒക്ടോബര്‍ 27ന് വില്ലന്‍ പ്രേക്ഷകര്‍ക്ക് മുന്നിലെത്തും. കേരളത്തില്‍ 250 തിയേറ്ററുകളിലായി പ്രദര്‍ശനത്തിനെത്തുന്ന ചിത്രത്തിന്റെ വിതരണാവകാശം മാക്‌സ ലാബായ്ക്കാണ്. ആദ്യ ഷോ എട്ട് മണിക്ക് ആരംഭിക്കും. റെഗുലര്‍ ഷോകള്‍ കൂടാതെ 100ല്‍ അധികം ഫാന്‍സ് ഷോകളും ചിത്രത്തിന് വേണ്ടി ആരാധകര്‍ ഒരുക്കിയിട്ടുണ്ട്.

പുലിമുരുകനെ കടത്തി വെട്ടുമോ

മുന്നൂറിലധികം തിയറ്ററുകളില്‍ റിലീസ് ചെയ്ത് പുലിമുരുകന്‍ ആദ്യ ദിനം 900 ല്‍ അധികം പ്രദര്‍ശനങ്ങളുണ്ടായിരുന്നു. നാല് കോടിയിലധികമായിരുന്നു ചിത്രം ആദ്യ ദിനം സ്വന്തമാക്കിയിത്. വില്ലന്റെ ലഭ്യമായ റിലീസ് വിവരങ്ങളുടെ അടിസ്ഥാനത്തില്‍ പുലിമുരുകന്റെ റെക്കോര്‍ഡ് ഭേദിക്കാന്‍ ചിത്രത്തിന് സാധിക്കില്ല.

ആക്ഷന്‍ തന്നെ പ്രധാനം

വില്ലന്റെ പ്രധാന ആകര്‍ഷണം ചിത്രത്തിലെ ആക്ഷന്‍ രംഗങ്ങള്‍ തന്നെയാണ്. അഞ്ച് സംഘടന സംവിധായകര്‍ ചേര്‍ന്നാണ് ചിത്രത്തിലെ സംഘടന രംഗങ്ങള്‍ ഒരുക്കിയിരിക്കുന്നത്. പീറ്റര്‍ ഹെയ്ന്‍, സ്റ്റണ്ട് സില്‍വ, ജി, റാം ലക്ഷ്മണ്‍, രവി വര്‍മ്മ എന്നിവരാണവര്‍.