സോള്‍ട്ട് ആന്‍ഡ് പെപ്പര്‍ ലുക്കില്‍ വില്ലനായി മോഹന്‍ലാല്‍, ടീസര്‍ റിലീസ് തീയതി അറിയാം !!!

പൂര്‍ണ്ണമായും 8കെയില്‍ റിലീസ് ചെയ്യുന്നു

പൂര്‍ണ്ണമായും 8കെയില്‍ ചിത്രീകരിക്കുന്ന ആദ്യ ഇന്ത്യന്‍ ചിത്രമെന്ന റെക്കോര്‍ഡ് വില്ലന് സ്വന്തം. മികച്ച സാങ്കേതിക മികവില്‍ ഒരുങ്ങുന്ന ചിത്രത്തിന്റെ ടീസറും ഗംഭീരമായിരിക്കുമെന്ന കാര്യത്തില്‍ സംശയിക്കാനൊന്നുമില്ല. വിണൈതാണ്ടി വരുവായാ, നന്‍പന്‍ തുടങ്ങിയ സിനിമകള്‍ക്ക് ക്യമറ ചലിപ്പിച്ച മനോജ് പരമഹംസയാണ് ചിത്രത്തിന്റെ ഛായാഗ്രാഹകന്‍.

ഗുഡ് ഈസ് ബാഡ് ടാഗ് ലൈന്‍

സോള്‍ട്ട് പെപ്പര്‍ ലുക്കില്‍ മോഹന്‍ലാല്‍ പ്രത്യക്ഷപ്പെടുന്ന ചിത്രത്തിന്റെ ടാഗ് ലൈന്‍ ഗുഡ് ഈസ് ബാഡ് എന്നാണ്. മോഹന്‍ലാലിന്റെ ഭാര്യയായി മഞ്ജു വാര്യര്‍ വേഷമിടുന്ന ചിത്രത്തില്‍ തമിഴിലെയും തെലുങ്കിലെയും പ്രമുഖ താരങ്ങളും അണിനിരക്കുന്നുണ്ട്.

ആയുര്‍വേദ ചികിത്സയിലൂടെ തടി കുറച്ച് മോഹന്‍ലാല്‍

നീണ്ട ഇടവേളയ്ക്കു ശേഷം സിനിമയില്‍ സജീവമായ താരം ചിത്രത്തില്‍ മോഹന്‍ലാലിന്റെ ഭാര്യയായാണ് വേഷമിടുന്നത്.വില്ലന്റെ ഷൂട്ട് തിരുവനന്തപുരത്ത് ആരംഭിച്ചു കഴിഞ്ഞു. ആയുര്‍വേദ ചികിത്സയിലൂടെ ശരീരഭാരം കുറച്ച് ചുള്ളനായാണ് ചിത്രത്തില്‍ മോഹന്‍ലാല്‍ പ്രത്യക്ഷപ്പെടുന്നത്. റിട്ടയേര്‍ഡ് പോലീസ് ഓഫീസറായാണ് മോഹന്‍ലാല്‍ ചിത്രത്തില്‍ വേഷമിടുന്നത്. തമിഴ് താരങ്ങളായ വിശാല്‍, ഹന്‍സിക, തെലുങ്ക് താരം റാഷി ഖന്ന, ശ്രീകാന്ത് തുടങ്ങിയവരും ചിത്രത്തില്‍ വേഷമിടുന്നുണ്ട്.

ഫസ്റ്റ് ലുക്കിനെ കടത്തിവെട്ടുന്ന സെക്കന്‍ഡ് ഗെറ്റപ്പ്

ഫസ്റ്റ് ലുക്കായി പുറത്തെത്തിയ ലുക്കില്‍ താടി വച്ച് സോള്‍ട്ട് ആന്റ് പെപ്പറിലായിരുന്നു മോഹന്‍ലാലെങ്കില്‍ ഇതില്‍ മീശ മാത്രം നിര്‍ത്തി ഷേവ് ചെയ്ത രൂപത്തിലാണ്. മുടി മുന്നില്‍മാത്രം അല്‍പം നരച്ചിട്ടുണ്ട്. 'വില്ലന്‍' ചിത്രീകരണത്തിനുവേണ്ടി മോഹന്‍ലാല്‍ ശരീരഭാരം കുറച്ചിരുന്നു. ഇതിനുവേണ്ടി പാലക്കാട് പെരിങ്ങോട്ടുള്ള ഗുരുകൃപ ഹെറിറ്റേജ് ചികിത്സാകേന്ദ്രത്തില്‍ 21 ദിവസത്തെ ആയുര്‍വേദ ചികിത്സ അദ്ദേഹം നടത്തിയിരുന്നു.