ദേശീയ അവാര്‍ഡില്‍ വിനായകന്‍ പിന്തള്ളപ്പെട്ടത് ഇക്കാരണത്താല്‍, അവസാന നിമിഷത്തിലെ വോട്ടിങ്ങ് ??

വിനായകന്‍ പരിഗണിക്കപ്പെടാതെ പോയതിന് പിന്നിലെ കാരണം

മികച്ച സഹനടനുള്ള പട്ടികയില്‍ അവസാന റൗണ്ടുവരെ വിനായകന്റെ പേരുണ്ടായിരുന്നുവെന്നാണ് ദേശീയ അവാര്‍ഡ് സമിതിയില്‍ അംഗമായിരുന്ന പ്രിയദര്‍ശന്‍ പറഞ്ഞത്. മാതൃഭൂമിക്ക് നല്‍കിയ അഭിമുഖത്തിലാണ് സംവിധായകന്‍ കാര്യങ്ങള്‍ വിശദീകരിച്ചത്.

മത്സരത്തില്‍ രണ്ടു വോട്ട് കുറഞ്ഞു

ദേശീയ അവാര്‍ഡ് സാധ്യതാ പട്ടികയില്‍ വിനായകന്‍റെ പേരും ഉണ്ടായിരുന്നു. അവസാനവ ഘട്ട വോട്ടെടുപ്പിലാണ് താരം പുറത്തായത്. നടന്‍ മനോജ് ജോഷിയും വിനായകനും തമ്മിലായിരുന്നു മത്സരം. വോട്ടെടുപ്പ് നടന്നപ്പോള്‍ രണ്ടു വോട്ടുകള്‍ കുറഞ്ഞു പോയതിനാലാണ് വിനായകന്‍ പിന്തള്ളപ്പെട്ടു പോയത്.

അവസാന പരിഗണനയിലെത്തിയ രണ്ടുപേര്‍

മോഹന്‍ലാലും അക്ഷയ് കുമാറുമാണ് ദേശീയ പുരസ്‌കാര നിര്‍ണ്ണയത്തിന്റെ അന്തിമ പട്ടികയിലെത്തിയത്. ഒന്നിനൊന്ന് മികച്ച പ്രകടനം കാഴ്ച വെച്ച ഇരുവര്‍ക്കും പുരസ്‌കാരം നല്‍കാന്‍ സമിതി തീരുമാനിക്കുകയായിരുന്നു.

അവാര്‍ഡിനെ സുന്ദരമാക്കിയ വിനായകന്‍

വിനായകനെ അളക്കാനുള്ള അളവുകോലല്ല അവാര്‍ഡെന്നും അവാര്‍ഡിനെ സുന്ദരമാക്കിയ ആളാണ് താരമെന്നും നടിയും സംവിധായികയുമായ ഗീതു മോഹന്‍ദാസ് ഫേസ് ബുക്കില്‍ കുറിച്ചിട്ടുണ്ട്.