കലാഭവന്‍ മണിയുടെ ജീവിതകഥയില്‍ നിന്നും പാഡി മാറ്റി നിര്‍ത്താന്‍ കഴിയുമോ? അതിനായി സംവിധായകന്‍ ചെയ്തത്

കലാഭവന്‍ മണിയുടെ ബയോപ്പിക് ചിത്രമല്ല

കലാഭവന്‍ മണിയുടെ ബയോപ്പിക് ചിത്രമല്ല ഇതെന്ന് സംവിധായകന്‍ വിനയന്‍ പറയുന്നു. എന്നാല്‍ ഈ സിനിമയില്‍ മുഴുവനും മണിയാണെന്നും അദ്ദേഹം വ്യക്തമാക്കുന്നു. റിപ്പോര്‍ട്ടര്‍ ചാനലിന് നല്‍കിയ അഭിമുഖത്തിനിടയിലാണ് അദ്ദേഹം കൂടുതല്‍ കാര്യങ്ങള്‍ വിശദീകരിച്ചത്.

ചാലക്കുടിക്കാരന്‍ ചങ്ങാതി

ചാലക്കുടിക്കാരന്‍ ചങ്ങാതിയെന്നാണ് സിനിമയ്ക്ക് പേര് നല്‍കിയത്. കലാഭവന്‍ മണിയുടെ ജീവിതത്തില്‍ നിന്നും പ്രചോദനമുള്‍ക്കൊണ്ടാണ് ഈ സിനിമ തയ്യാറാക്കുന്നതെന്ന് നേരത്തെ തന്നെ സംവിധായകന്‍ വ്യക്തമാക്കിയിരുന്നു.

മണിയെ അവതരിപ്പിക്കുന്നത്

മിനി സ്‌ക്രീനിലെ കോമഡി പരിപാടികളിലൂടെ ശ്രദ്ധേയനായ രാജാമണിയാണ് കലാഭവന്‍ മണിയായി അഭിനയിക്കുന്നത്. അദ്ദേഹത്തിനോടൊപ്പം സ്റ്റേജില്‍ പെര്‍ഫോം ചെയ്യാനുള്ള അവസരം രാജാമണിക്ക് ലഭിച്ചിരുന്നു.

പാഡി പുനരാവിഷ്‌ക്കരിച്ചു

കലാഭവന്‍ മണിയുടെ ജീവിതത്തെക്കുറിച്ച് പറയുമ്പോള്‍ പാഡി ഒരിക്കലും മാറ്റി നിര്‍ത്താന്‍ കഴിയില്ല. അതുകൊണ്ട് തന്നെ സിനിമയ്ക്ക് വേണ്ടി പാഡി പുനര്‍ നിര്‍മ്മിച്ചിരുന്നു.

പാഡി ഒരുക്കിയത്

മണിയുടെ പ്രിയപ്പെട്ട പാഡി എങ്ങനെയാണ് സംവിധായകന്‍ പുനര്‍ നിര്‍മ്മിച്ചതെന്ന തരത്തില്‍ ചര്‍ച്ചകള്‍ ഉയര്‍ന്നുവന്നിരുന്നു. ഫേസ്ബുക്കിലൂടെ സംവിധായകന്‍ തന്നെ ഇക്കാര്യത്തെക്കുറിച്ച് വിശദീകരിച്ചിട്ടുണ്ട്.

തിയേറ്ററുകളിലേക്കെത്തുന്നത്

മാര്‍ച്ചില്‍ ചാലക്കുടിക്കാരന്‍ ചങ്ങാതി തിയേറ്ററുകളിലേക്കെത്തുമെന്നുള്ള റിപ്പോര്‍ട്ടുകളാണ് ഇപ്പോള്‍ ലഭിക്കുന്നത്. വിനയന്‍ സംവിധാനം ചെയ്ത് കലാഭവന്‍ മണി പ്രധാന വേഷത്തിലെത്തിയ സിനിമയായ കരുമാടിക്കുട്ടന്‍ റിലീസ് ചെയ്തതും മാര്‍ച്ചിലായിരുന്നു.

വിനയന്റെ ഫേസ്ബുക്ക് പോസ്റ്റ് കാണൂ

ചാലക്കുടിക്കാരന്‍ ചങ്ങാതിക്ക് വേണ്ടി പാഡി പുനരാവിഷ്‌ക്കരിച്ചതിനെക്കുറിച്ച് സംവിധായകന്‍ പറയുന്നതെന്താണെന്നറിയേണ്ടേ, കാണൂ.