ഹോം

വാർത്ത

ഒരു കാലത്ത് മലയാള സിനിമയിലെ ഹിറ്റ് ഹൊറര്‍ ചിത്രമായിരുന്നു ആകാശഗംഗ. വിനയന്‍ സംവിധാനം ചെയ്ത് 1999 ലായിരുന്നു ആകാശ ഗംഗ റിലീസ് ചെയ്യുന്നത്. ഇരുപത് വര്‍ഷങ്ങള്‍ക്കിപ്പുറം വിനയന്റെ തന്നെ സംവിധാനത്തില്‍ ആകാശഗംഗ 2 വരികയാണ്. ചിത്രീകരണം പൂര്‍ത്തിയാക്കി സിനിമയുടെ ഡബ്ബിംഗ് പുരോഗമിച്ച് കൊണ്ടിരിക്കുകയാണ്. ഉടന്‍ തന്നെ തിയറ്ററുകളിലേക്ക് എത്തിക്കാനുള്ള ശ്രമത്തിലാണ് അണിയറ പ്രവര്‍ത്തകര്‍.

ആകാശഗംഗയിലൂടെ ഹിറ്റായ സോംഗ് തന്നെയാണ് രണ്ടാം ഭാഗത്തിലും ഉപയോഗിച്ചിരിക്കുന്നത്. അതിനൊപ്പം സിനിമയിലെ നായകനായ റിയാസിന്റെ ഭാര്യ തയ്യാറാക്കിയ കവര്‍ സോംഗും പുറത്ത് വിടാനുള്ള തയ്യാറെടുപ്പിലാണ്. ഫേസ്ബുക്കിലൂടെ പുറത്ത് വിട്ട കുറിപ്പില്‍ വിനയന്‍ തന്നെയാണ് ഇക്കാര്യം പറഞ്ഞിരിക്കുന്നത്.

വിനയന്റെ വാക്കുകളിലേക്ക്...

ആകാശഗംഗയില്‍ പാടിയ പ്രശസ്ത ഗായിക ചിത്ര തന്നെയാണ് റീ മിക്‌സ് ചെയ്ത 'പുതുമഴയായ്' എന്ന ഗാനം 'ആകാശഗംഗ 2' ലും പാടിയിരിക്കുന്നത്. പക്ഷേ ആകാശഗംഗയില്‍ നായകനായി അഭിനയിച്ചിരുന്ന റിയാസിന്റെ ഭാര്യയും അറിയപ്പെടുന്ന ഗായികയുമായ ശബ്‌ന പാടി തയ്യാറാക്കിയ കവര്‍ സോംഗ് കഴിഞ്ഞ ദിവസം എനിക്കയച്ചിരുന്നു.. അതു കണ്ടപ്പോള്‍ ഒരു വ്യത്യസ്തത തോന്നി.. 'ആകശഗംഗ 2 'ന്റെ ടീസറിലേയും ആകാശഗംഗ ആദ്യ പാര്‍ട്ടിലെയും ചില ഷോട്ടുകളാണ് ഇതിന്റെ വീഡിയോയില്‍ ഉപയോഗിച്ചിരിക്കുന്നത്.. നാളെ ഈ കവര്‍സോംഗ് ഇറങ്ങുമ്പോള്‍ എല്ലാരും കാണണം. എന്നും വിനയന്‍ പറയുന്നു.

ഒരു വമ്പന്‍ താരനിര തന്നെ അണിനിരക്കുന്ന ചിത്രത്തില്‍ ശ്രീനാഥ് ഭാസി, വിഷ്ണു വിനയ്, രാജാമണി, വിഷ്ണു ഗോവിന്ദ്, രമ്യ കൃഷ്ണന്‍, സലീം കുമാര്‍, ഹരീഷ് കണാരന്‍, ധര്‍മ്മജന്‍ ബോള്‍ഗാട്ടി, പ്രവീണ, തെസ്നി ഖാന്‍, ഹരീഷ് പേരാടി, സുനില്‍ സുഗത, ഇടവേള ബാബു, സാജു കൊടിയന്‍ എന്നിവരാണ് പ്രധാന കഥാപാത്രങ്ങളെ അവതരിപ്പിക്കുന്നത്. പുതുമുഖം ആരതി നായരാണ് നായിക. ആധുനിക സാങ്കേതിക വിദ്യയുടെ സഹായത്തോടെ മികച്ച വിശ്വല്‍ എക്സ്പീരിയന്‍സ് തന്നെയായിിക്കും ആകാശഗംഗ 2 വില്‍ ഉള്‍പ്പെടുത്തിയിരിക്കുന്നത്.