സിനിമയ്ക്ക് മുമ്പുള്ള ദേശീയഗാനം ചെറിയ സിനിമകളെ ബാധിക്കുമെന്ന് വിനീത് ശ്രീനിവാസന്‍

52 സെക്കന്റ് നിര്‍ണായകം

ചുരുക്കി പറഞ്ഞാല്‍ കഥ പറയാന്‍ ശ്രമിക്കുന്ന സംവിധായകന് 52 സെക്കന്റ് പോലും നിര്‍ണായകമാണ്. കഥയ്ക്ക് പുറമെയുള്ള ഘടകങ്ങള്‍ കൂട്ടി ചേര്‍ക്കുമ്പോള്‍ ആ സിനിമയുടെ ദൈര്‍ഘ്യമാണ് കൂടുന്നത്. മോഹന്‍ലാലിനെ കാണാന്‍ മൂന്ന് മണിക്കൂര്‍ വേണമെങ്കിലും ജനങ്ങള്‍ തിയേറ്ററുകളില്‍ ഇരിക്കും. എന്നാല്‍ സൂപ്പര്‍സ്റ്റാറുകളില്ലാത്ത ചിത്രങ്ങളെ അത് പ്രതികൂലമായി ബാധിക്കുമെന്ന് വിനീത് പറയുന്നു.

പരസ്യങ്ങളും

സമയം കുറയ്ക്കാന്‍ സിനിമ എഡിറ്റ് ചെയ്യുന്നതിനെയാണ് ഭയപ്പെടുന്നത്. മറ്റ് സംസ്ഥാനങ്ങള്‍ ഭരിക്കുന്നവരുടെ പരസ്യം പോലുമുണ്ട്. തനിക്ക് ഉറച്ച ദേശഭക്തിയുണ്ടെന്നും ആരും സംശയിക്കണ്ടെന്നും വിനീത് പറയുന്നു.

സെന്‍സറിങ് അല്ല വേണ്ടത്

സെന്‍സറിങ് അല്ല, സര്‍ട്ടിഫിക്കേഷനാണ് വേണ്ടത്. ഒരു കഥാപാത്രം ആവശ്യപ്പെടുന്ന സംഭാഷണം സെന്‍സറിങ് ഭയന്നെ എഴുതാന്‍ കഴിയുന്നില്ല. സെന്‍സറിങിനെ ഭയന്ന് കഥാപാത്രത്തിന്റെ യഥാര്‍ത്ഥ സംസാര രീതിയ്ക്ക് പകരം നാടകീയ സംഭാഷങ്ങള്‍ എഴുതാന്‍ നിര്‍ബന്ധിതനാകുകയാണെന്നും വിനീത് പറഞ്ഞു.

അരാഷ്ട്രീയ വാദമാണ് ട്രെന്റ്

വിവാദമാകുന്ന അഭിപ്രായങ്ങള്‍ പറയാതിരിക്കലാണ് എന്റെ രീതി. അരാഷ്ട്രീയവാദം ഇപ്പോഴത്തെ ട്രെന്റാണ്. അച്ഛന് ധൈര്യമുള്ളതുക്കൊണ്ടാണ് എല്ലാം തുറന്ന് പറയുന്നതെന്നും വിനീത് പറഞ്ഞു.