എന്താ തന്റെ മുഖം കണ്ടാൽ മകൻ പാടുമെന്ന് തോന്നില്ലേ!! സുജാതയ്ക്ക് ശ്രീനിവാസൻ കൊടുത്ത മറുപടി

എന്തു തോന്നുന്നു

റിയാലിറ്റി ഷോയുടെ വേദിയിലെത്തിയ വിനീതിനോട് എന്ത് തോന്നുന്നു എന്ന് അവതാരിക ചോദിച്ചപ്പോഴാണ് മൂന്ന് വിധികർത്താകളെ കുറിച്ച് വിനീത് വാചലനായത്. വിനീതിന്റെ ശൈലിയിൽ അത് വേദിയിൽ അവതരിപ്പിക്കുകയും ചെയ്തു. ശരത്തേട്ടന്റെ മുന്നിൽ നിൽക്കുമ്പോൾ താനിയ്ക്ക് ഇപ്പോഴും ടെൻഷനാണെന്ന് വിനീത് പറഞ്ഞു. നമ്മൽ ഒരേ സ്ഥലത്തുള്ളവരല്ലെ പിന്നെ എന്തിനാണ് ടെൻഷനെന്ന് ശരത് ചോദിച്ചപ്പോൾ ശരത് ഏട്ടന് നല്ലതു പോലെ സംഗീതം അറിയാം , അതുകൊണ്ടാണ് കാണുമ്പോൾ തനിയ്ക്ക് ഇത്രയധികം ഭയമെന്ന് വിനീത് സ്വരസിദ്ധമായ നർമ്മത്തിൽ കലർത്തി പറഞ്ഞു.

ആദ്യത്തെ അഭിനന്ദനം

സുചി ചേച്ചിയും( സുജാത) ചിത്ര ചേച്ചിയും മനോഹരമായി പാട്ടുപാടുന്നവരാണ്. താൻ ആദ്യമായി പാട്ട് പാടിയപ്പോൾ പ്ലേബാക്ക് മേഖലയിൽ നിന്ന് ആദ്യമായി അഭിനന്ദമറിയിച്ചത് സുജാതയാണെന്ന് വിനീത് സൂപ്പർ 4 ൽ പറ‍ഞ്ഞു. എന്നാൽ ഇതിനു മറുപടിയായി സുജാത പറഞ്ഞ സംഭവം പ്രേക്ഷകരേയും വിധി കർത്താക്കളേയും ഒന്നടങ്കം ചിരിപ്പിച്ചിരുന്നു.

സുജാതയും ശ്രീവിവാസനും തമ്മിലുളള സംഭാഷണം

വിനീതിന്റെ പാട്ട് കേട്ടയുടനെ സുജാത ആദ്യം വിളിച്ചത് ശ്രീനിവാസനെയായിരുന്നു. '' ചേട്ട എനിയ്ക്ക് വിശ്വസിക്കാൻ പറ്റുന്നില്ല. അവൻ ഇത്രയും നന്നായിട്ട് പാട്ട് പാടുമെന്ന് താൻ ഒരിക്കൽ പോലും വിചാരിച്ചിരുന്നില്ല. എന്നാൽ ഇതിന് ശ്രീനിവാസൻ നൽകിയ മറുപടിയായിരുന്നു വേദിയിൽ ചിരി പടർത്തിയത്. എന്റെ മുഖം കണ്ടാൽ എന്റെ മോൻ പാട്ടു പാടാൻ പറ്റില്ലാന്നു തോന്നുവോ എന്നായിരുന്നു ശ്രീനിവാസന്റെ മറുപടി.

ശബ്ദം ഫ്ലാറ്റാണ്

ദീപക് ദേവുമായിട്ടുളള ഒരു രസകരമായ സംഭവവും വിനീത് വേദിയിൽ പങ്കുവെച്ച്. ഒരു പാട്ട് റെക്കോർഡ് ചെയ്യുകയായിരുന്നു. ദീപക് ദേവ് വിനീതിനോട് പറഞ്ഞു. വിനിതേ നിന്റെ ശബ്ദം ഫ്ലാറ്റാണ്. അത് കേട്ടപ്പോൽ തനിയ്ക്ക് വളരെ സന്തോഷമായി. താൻ വിചാരിച്ചിരുന്നത് തന്റെ ശബ്ദം കേട്ട് ദിപക്കേട്ടൻ ഫ്ലാറ്റായി എന്നാണ്. എന്നാൽ കുറച്ചു കഴിഞ്ഞു ദിപക്കേട്ടൻ ശബദം ഒന്നു ഉയർത്തി വീണ്ടും പറഞ്ഞു വിനീതേ വോയ്സ് വീണ്ടും ഫ്ലാറ്റാണെന്ന്. അപ്പോൾ താൻ കരുതി ഇത് നല്ല കാര്യമല്ലേ എന്തിനാണ് ദേഷ്യപ്പടുന്നതെന്ന്. പിന്നീട് സൗണ്ട് എഞ്ചിനിയറാണ് പറയുന്നത് പ്ലാറ്റ് എന്നു വച്ചൽ ശ്രൂതി കുറവെന്നാണെന്ന്. ഇതും സദസിൽ ചിരി പടർത്തിയിരുന്നു.