ബുള്ളറ്റ് ഓടിക്കാൻ അറിയില്ല, എങ്കിലും ഓടിച്ചു! ബുള്ളറ്റിൽ നിന്നുണ്ടായ വീഴ്ചയെ കുറിച്ച് വിനീത്

ആകെ ലൈസൻസ് എടുക്കാൻ വേണ്ടി മാത്രമാണ് ടൂ വീലർ ഓടിച്ചത്. പിന്നെ ടൂ വീലർ ഓടിച്ചത് സിനിമയ്ക്ക് വേണ്ടിയാണ്. തനിയ്ക്ക് ബുള്ളറ്റ് ഓടിയ്ക്കാൻ അറിയില്ല. മുത്തശ്ശിക്കഥ എന്ന ചിത്രത്തിൽ ജൂഡ് എനിയ്ക്ക് ഒരു എസ്ഡി തന്നു. എന്നിട്ട് ഓടിയ്ക്കാൻ പറഞ്ഞു. അപർണ്ണ ബാലമുരളിയ്ക്കൊപ്പമുള്ള ഒരു പാട്ട് സീനായിരുന്നു അത്. ചിരിച്ചോണ്ടാണ് വണ്ടി ഓടിക്കാനുളളതും

ബുള്ളറ്റ് ഓടിയ്ക്കാൻ നല്ല പേടിയായിരുന്നു. ആ പേടി ഉള്ളിലുമുണ്ടായിരുന്നു. പിന്നെ ഒരു സിനിമാക്കാരനിലും അരവിന്ദന്റെ അതിഥികളിലും ടൂ വീലർ ഓടിക്കേണ്ടി വന്നിരുന്നു. എന്നാൽ ബുള്ളറ്റ് ഓടിക്കുന്നത് ആദ്യമായിട്ടാണ്. ഇടയ്ക്ക് വീഴുകയും ചെയ്തു. വേദനയുണ്ടായിരുന്നു. ഞാൻ ആരോടും പറഞ്ഞില്ല. ചിരിച്ചു കൊണ്ടിരുന്നു. ഇപ്പോൾ ടൂ വീലർ ഓടിയ്ക്കാൻ പഠിക്കുകയാണ്.

അഭിനയിച്ച് കൊണ്ടിരിക്കുമ്പോൾ മറ്റെതെങ്കിലും അഭിനേതാവോ സിനിമക്കാരോ നോക്കുന്നത് കണ്ടാൽ അപ്പോൾ നെഞ്ചിടിക്കും. അതുപോലെ അവാർഡ് ഷോകളൊക്കെ കാണുമ്പോൾ ഇപ്പോഴും മുട്ടിടിക്കും, എങ്ങനെയെങ്കിവും അവാർഡ് കിട്ടിയിരുന്നെങ്കിൽ പോകാമായിരുന്നു എന്നാണ് അപ്പോൾ മനസ്സിൽ തോന്നുന്നത്.

ചിത്രത്തിൽ തണ്ണീർ മത്തൻ ജ്യൂസ് കുടിച്ചു കൊണ്ടാണ് കുട്ടികൾ അവരുടെ പ്രശ്നങ്ങൾ ചർച്ച ചെയ്യുന്നത്. ഇതുപോലെ തങ്ങൾ സ്കൂളിൽ പഠിക്കുന്ന സമയത്ത് 10 പൈസയ്ക്ക് കിട്ടുന്ന സ്ട്രോങ്ങ് എന്നു പറയുന്ന മിഠായി ലഭിക്കും. വെളള നിറത്തിലുള്ള മിഠായിയാണ്. സ്കൂളിനു മുന്നിലുളള ഭൂരിഭാഗം കടകളിലും ഈ മിഠായി ലഭിക്കും. ചിത്രത്തിന്റെ പേര് കേൾക്കുമ്പോൾ എല്ലാവർക്കും ആ ദിവസങ്ങളാകും ഓർമ വരുക- വിനീത് പറഞ്ഞു. മാത്യൂവും കൂട്ടരും തന്നെ അതിശയിപ്പിച്ചിട്ടുണ്ട്. അതുപോലെ ചിരിപ്പിച്ചിട്ടുമുണ്ട്.

പിഷാര‍ടിയുടെ ഗാനഗന്ധർവനിൽ മമ്മൂക്ക എത്തുന്നത് മൂന്ന് ഗെറ്റപ്പിൽ! ആകാംഷയോടെ ആരാധകർ