ഗുരുവായൂരില്‍ വെച്ച് വീണ്ടും വിവാഹം! പിറന്നാള്‍ ദിനത്തില്‍ ഭാര്യയെ ഞെട്ടിച്ച് വിനോദ് കോവൂര്‍! കാണൂ!

വീണ്ടും വിവാഹിതരായി

പിറന്നാള്‍ ദിനത്തില്‍ എങ്ങനെയൊക്കെ ഞെട്ടിക്കാമെന്നാണ് പലരും ചിന്തിക്കുന്നത്. സാജു നവോദയയെ ബുള്ളറ്റ് നല്‍കിയായിരുന്നു ഭാര്യയെ ഞെട്ടിച്ചത്. ഇതിന് പിന്നാലെയായാണ് വിനോദ് കോവൂര്‍ ഭാര്യയ്ക്ക് സര്‍പ്രൈസ് നല്‍കിയത്. വര്‍ഷങ്ങള്‍ നീണ്ട ദാമ്പത്യ ബന്ധത്തിന് പുതിയൊരു മാനം നല്‍കിയിരിക്കുകയാണ് ഇരുവരും. ഗുരുവായൂര്‍ അമ്പലത്തില്‍ വെച്ച് വീണ്ടും വിവാഹിതരായിരിക്കുകയാണ് വിനോദ് കോവൂരും ഭാര്യയും.

18 വര്‍ഷത്തിന് ശേഷം

18മാത്തെ വിവാഹ വാര്‍ഷിക ദിനത്തിലാണ് വിനോദ് കോവൂരും ഭാര്യ ദേവുവും കുടുംബാംഗങ്ങളോടൊപ്പമെത്തി ഗുരുവായരൂപ്പന് മുന്നില്‍ വെച്ച് താലി ചാര്‍ത്തിയത്. ഇങ്ങനെയൊരു ആഗ്രഹം മനസ്സിലുണ്ടായിരുന്നുവെന്നും ഭാര്യയുടെ പിറന്നാള്‍ ദിനത്തില്‍ ആ മോഹം സാക്ഷാത്ക്കരിക്കുകയായിരുന്നുവെന്നുമാണ് ഇവര്‍ പറയുന്നത്.

ദേവൂനുള്ള പിറന്നാള്‍ സമ്മാനം

പിറന്നാള്‍ ദിനത്തില്‍ ദേവൂവിനുള്ള സമ്മാനമാണ് ഇതെന്നാണ് മൂസക്കായി പറയുന്നതെന്നും വേറെ ആരെയും പോയി കെട്ടാത്തത് ഭാഗ്യമാണെന്നും സുരഭി കുറിച്ചിട്ടുണ്ട്. സോഷ്യല്‍ മീഡിയയിലൂടെ താരത്തിന്റെ വിവാഹ ചിത്രം വൈറലായിക്കൊണ്ടിരിക്കുകയാണ്. പാത്തുവും മൂസക്കായിയുമായുള്ള കെമിസ്ട്രിയില്‍ പ്രേക്ഷകരും സന്തുഷ്ടരാണ്. അതിനാല്‍ത്തന്നെ വിവാഹത്തെക്കുറിച്ച് ആദ്യ മറിയിച്ചതും പാത്തുവാണ്.

സുരഭിയുടെ ആശംസ

പ്രിയ സുഹൃത്ത് വിനോദ് കോവൂർ ( ഞമ്മളെ സ്വന്തം മൂസക്കായി ) സ്വന്തം ഭാര്യ ദേവൂനെ 18 വർഷം തികയുന്ന ഈ വിവാഹ വാർഷിക ദിനത്തിൽ പിന്നേം കല്ല്യാണം കഴിച്ചു. ഏറെ നാളായി രണ്ടാളും മനസിൽ സൂക്ഷിച്ച ആഗ്രഹമായിരുന്നു ഗുരുവായൂരിൽ നിന്നും താലികെട്ടുക എന്നത്.ഇന്ന് അത് നടുന്നു.ദേവുന്റെ പിറന്നാൾ കൂടയാണ് ഇന്ന് .ഇത് ദേവൂനുള്ള പിറന്നാൾ സമ്മാനം ആണെന്നാണ് വിനോദേട്ടൻ പറയുന്നത്. മൂസക്കായി പോയി വേറാരെയും കിട്ടാത്തത് ഞമ്മളെ ഭാഗ്യം' വല്ലാത്ത പഹയൻ തന്നെ '"എന്ന് സ്വന്തം പാത്തുവെന്നാണ് സുരഭി കുറിച്ചിട്ടുള്ളത്.

പരിഭവിക്കരുതെന്ന് വിനോദ് കോവൂര്‍

ഇന്ന് ഞങ്ങളുടെ വിവാഹ വാർഷികം,ഇന്ന് എന്റെ ഭാര്യ ദേവൂ ന്റെ പിറന്നാൾ
ഇന്ന് ഞങ്ങൾ ഞങ്ങളുടെ ഇരുവരുടേയും മനസിലെ ഒരാഗ്രഹം നിറവേറ്റി.ഗുരുവായൂരപ്പന്റെ മുമ്പിൽ വെച്ച് മഞ്ഞ ചരടിൽ താലി കെട്ടി തുളസിമാലയണിഞ്ഞു .ഒത്തിരി സന്തോഷായ്.ആരേയും അറിയിക്കാതെയായിരുന്നു മിന്നുകെട്ട് പരിഭവം അരുത് എന്നാൽ എല്ലാവരുടേയും അനുഗ്രഹം ഞങ്ങൾക്ക് തരണട്ടോ. ഇന്ന് മുതൽ ഞങ്ങൾക്ക് പുതുജീവിതമാണ്.

സുരഭി ലക്ഷ്മിയുടെ പോസ്റ്റ്

സുരഭിയുടെ പോസ്റ്റ് കാണാം.

വിനോദ് കോവൂരിന് പറയാനുള്ളത്

വിനോദ് കോവൂരിന്റെ കുറിപ്പ് കാണൂ.