8000 ആര്‍ട്ടിസ്റ്റുകള്‍ക്കിടയില്‍ മമ്മൂട്ടി! കാണാനെത്തിയ വൈശാഖ് ഞെട്ടി! ആ കാഴ്ച ഇങ്ങനെ! കാണൂ!

മമ്മൂട്ടിയെ കാണാന്‍ ഹൈദരാബാദില്‍

തെലുങ്ക് ചിത്രമായ യാത്രയുടെ ചിത്രീകരണം ഹൈദരാബാദില്‍ പുരോഗമിച്ച് വരികയാണ്. മധുരരാജയുമായി ബന്ധപ്പെട്ട കാര്യങ്ങളെക്കുറിച്ച് സംസാരിക്കുന്നതിന് വേണ്ടിയാണ് താന്‍ അവിടേക്ക് പോയെതെന്ന് വൈശാഖ് പറയുന്നു. ലൊക്കേഷനിലെ ചിത്രങ്ങളും അദ്ദേഹം പങ്കുവെച്ചിട്ടുണ്ട്. സോഷ്യല്‍ മീഡിയയിലൂടെ ഇതിനോടകം തന്നെ സംവിധായകന്റെ പോസ്റ്റ് വൈറലായിട്ടുണ്ട്. വൈഎസ്ആറായി മാറിയ മമ്മൂട്ടിയെക്കണ്ട് അമ്പരന്നതിന്റെ ത്രില്ലും അദ്ദേഹം പങ്കുവെച്ചിട്ടുണ്ട്. അദ്ദേഹത്തിന്റെ മകനായ ജഗന്‍ മോഹന്റെ പിറന്നാള്‍ ദിനത്തില്‍ സിനിമ തിയേറ്ററുകളിലേക്കെത്തുമെന്നാണ് വിലയിരുത്തല്‍. വൈഎസ്ആറിന്റെ രാഷ്ട്രീയ ജീവിതത്തിലെയും വ്യക്തി ജീവിതത്തിലെയും സുപ്രധാന കാര്യങ്ങളെക്കുറിച്ചാണ് യാത്ര.

യാത്ര തുടരുന്നു

8000 ത്തോളം വരുന്ന ജൂനിയര്‍ ആര്‍ടിസ്റ്റുകളോടൊപ്പം നില്‍ക്കുന്ന മമ്മൂട്ടിയുടെ ചിത്രമാണ് അദ്ദേഹം പങ്കുവെച്ചിട്ടുള്ളത്. അവിടെക്കൂടിയ ജനങ്ങളെ കണ്ടപ്പോള്‍ താന്‍ അമ്പരന്ന് പോയെന്നും സംവിധായകന്‍ പറയുന്നു. ഇതുപോലെയുള്ള ഫ്രെയിമൊന്നും തന്റെ സിനിമയില്‍ പകര്‍ത്താനാവില്ലല്ലോയെന്നുള്ള സങ്കടവും അദ്ദേഹത്തിനുണ്ട്. റിയല്‍ ഹീറോ അദ്ദേഹത്തിന്റെ യാത്ര തുടരുകയാണെന്നും സംവിധായകന്‍ കുറിച്ചിട്ടുണ്ട്. ചിത്രം കാണുമ്പോള്‍ത്തന്നെ അക്കാര്യത്തെക്കുറിച്ച് മനസ്സിലാവും.

തെലുങ്ക് ദൈവത്തെ പോക്കിരിയാക്കുന്നു

തെലുങ്ക് ജനതയുടെ ജീവാത്മാവും പരമാത്മാവുമായ വൈഎസ്ആറിനെ മമ്മൂട്ടി സ്‌ക്രീനില്‍ അവതരിപ്പിക്കുമെന്ന് കേട്ടപ്പോള്‍ തുടങ്ങിയ ആകാംക്ഷ അടുത്തിടെയാണ് അവസാനിച്ചത്. മമ്മൂട്ടിയുടെ പിറന്നാള്‍ ദിനത്തില്‍ സിനിമയുടെ സ്‌പെഷല്‍ പോസ്റ്റര്‍ പുറത്തുവിട്ടിരുന്നു. മമ്മൂട്ടി എന്ന താരത്തെ മനസ്സില്‍ക്കണ്ടാണ് ഈ സിനിമയെഴുതിയതെന്നും അദ്ദേഹത്തിനായി കാത്തിരിക്കാന്‍ തയ്യാറാണെന്നും തന്‍രെ തീരുമാനം ശരിയായിരുന്നുവെന്നും മഹി വി രാഘവ് പറഞ്ഞിരുന്നു. യാത്രയുടെ സംവിധായകന്റെ തുറന്നുപറച്ചില്‍ ആരാധകരെ ഏറെ സന്തോഷിപ്പിച്ചിരുന്നു. തെലുങ്ക് ദൈവത്തെ അവതരിപ്പിച്ചതിന് പിന്നാലെയായാണ് അദ്ദേഹം പോക്കിരിയായ മധുരരാജയായി എത്തുന്നത്.

മമ്മൂട്ടിയുടെ ലുക്ക്

ഷാളണിഞ്ഞ് കൂളിങ് ഗ്ലാസുമായെത്തിയ രാജയേയും അദ്ദേഹത്തിന്റെ രാജയേയും പ്രേക്ഷകര്‍ ഇരുകൈയ്യും നീട്ടി സ്വീകരിച്ചിരുന്നു. അദ്ദേഹത്തിന്റെ ഇംഗ്ലീഷായിരുന്നു മറ്റൊരു പ്രത്യേകത. ജാക്കറ്റും കൂളിങ് ഗ്ലാസുമില്ലാതെയായാലും താന്‍ തകര്‍ക്കുമെന്ന് അദ്ദേഹം നിരവധി തവണ തെളിയിച്ചാണ്. ഇത്തവണ അനിയനായി പൃഥ്വിരാജില്ലെന്നതാണ് ആരാധകരുടെ നിരാശ. തമിഴ് യുവതാരമായ ജയ് ആയിരിക്കും ഈ കഥാപാത്രത്തെ അവതരിപ്പിക്കുന്നതെന്ന റിപ്പോര്‍ട്ടുകളാണ് ഇതുവരെ പുറത്തുവന്നത്.

സാറ്റലൈറ്റ് റൈറ്റില്‍ റെക്കോര്‍ഡ്

റിലീസിനോടൊപ്പം തന്നെ പല സിനിമകളുടെയും സാറ്റലൈറ്റ് റൈറ്റും വിറ്റുപോവാറുണ്ട്. റെക്കോര്‍ഡ് തുക നല്‍കിയാണ് പലപ്പോഴും ചാനലുകള്‍ ചിത്രം സ്വന്തമാക്കുന്നത്. പുലിമുരുകന്റെ റെക്കോര്‍ഡിനെയും വെട്ടിയാണ് മധുരരാജ വിറ്റുപോയത്. ഏഷ്യാനെറ്റായിരുന്നു പുലിമുരുകനെ സ്വന്തമാക്കിയതെങ്കില്‍ ഇത്തവണ രാജയെ വാങ്ങിയത് സീ കേരളമാണ്. അനുശ്രീ, ഷംന കാസിം, ജഗപതി ബാബു, നെടുമുടി വേണു, വിജയരാഘവന്‍ തുടങ്ങി വന്‍താരനിരയാണ് ചിത്രത്തിനായി അണിനിരക്കുന്നത്. പീറ്റര്‍ ഹെയ്‌നാണ് ചിത്രത്തിന് ആക്ഷനൊരുക്കുന്നത്.

പോസ്റ്റ് കാണാം

സംവിധായകന്‍ വൈശാഖിന്റെ പോസ്റ്റ് കാണാം.