തിലകന് വേണ്ടി അന്ന് സംസാരിച്ചത് മമ്മൂട്ടിയും മോഹന്‍ലാലുമല്ല, കമല്‍ ഹസനാണ്, ബച്ചനെ തള്ളിപ്പറഞ്ഞു!

ആ വര്‍ഷത്തെ ദേശീയ പുരസ്‌കാരം

1990 മലയാള സിനിമയെ സംബന്ധിച്ച് അഭിമാന വര്‍ഷമായിരുന്നു. അഞ്ചോളം വിഭാഗങ്ങളിലാണ് ആ വര്‍ഷം മലയാള സിനിമ പുരസ്‌കാരങ്ങള്‍ വാരിക്കൂട്ടിയത്. മികച്ച നടനുള്ള പുരസ്‌കാരം തനനാരിഴയ്ക്ക് തിലകന് നഷ്ടപ്പെട്ടു.

പെരുന്തച്ചന് പുരസ്‌കാരം

ആ വര്‍ഷത്തെ മികച്ച നടനുള്ള ദേശീയ പുരസ്‌കാരം തിലകന് തന്നെയായിരിയ്ക്കും എന്ന് ഏകദേശം ഉറപ്പായിരുന്നു. പെരുന്തച്ചന്‍ എന്ന ചിത്രം കാണുന്ന ജ്യൂറിയ്ക്ക് അത് സമ്മതിക്കാതിരിക്കാന്‍ കഴിയില്ല. എന്നാല്‍ കപ്പിനും ചുണ്ടിനുമിടയില്‍ പുരസ്‌കാരം നഷ്ടപ്പെട്ടു.

ബച്ചന് കൊടുത്തു

ജൂറി ചെയര്‍മാനായ മുന്‍ ബോളിവുഡ് നടന്‍ അശോക് കുമാറാണ് ഒരു രാത്രികൊണ്ട് മലയാളികളുടെ ഹൃദയം നുറുക്കിക്കളഞ്ഞുകൊണ്ട് ആ തീരുമാനമെടുത്തത്. മികച്ച നടനായി അഗ്നിപഥ് എന്ന ചിത്രത്തിലെ അഭിനയത്തിന് അമിതാഭ് ബച്ചനെ തിരഞ്ഞെടുത്തു.

കമല്‍ പ്രതികരിച്ചു

അന്നത് വലിയ വിവാദമായി. തിലകന് വേണ്ടി ഏറ്റവും ശക്തമായി അന്ന് പ്രതികരിച്ചത് കമല്‍ ഹസനാണ്. 'തിലകനെ മാറ്റി നിര്‍ത്തി അമിതാഭ് ബച്ചന് കൊടുത്തത് വിവാദമല്ല, പുരസ്‌കാരം ചരിത്രത്തിലെ അക്ഷരത്തെറ്റാണ്' എന്നാണ് കമല്‍ പറഞ്ഞത്.