മമ്മൂട്ടിയെ കോലം കെട്ട കോലത്തിലിറക്കിവിട്ടതിന് നിര്‍മാതാവ് ദേഷ്യപ്പെട്ടു, പെറ്റതള്ള സഹിക്കുമോ?

മൃഗയ എന്ന ചിത്രം

മമ്മൂട്ടിയുടെ ഗ്ലാമര്‍ സ്റ്റാര്‍ഡം അഴിച്ചുവെപ്പിച്ച് ലോഹിതദാസിന്റെ തിരക്കഥയില്‍ ഐവി ശശി 'പുലി'യായി മാറിയ ചിത്രമായിരുന്നു മൃഗയ. കണ്ടാല്‍ അറച്ചുപോകുന്ന ലുക്കിലാണ് മമ്മൂട്ടി ചിത്രത്തിലെത്തിയത്

മമ്മൂട്ടി എവിടെ

ചിത്രത്തിന്റെ ലൊക്കേഷനില്‍ ആദ്യമായി കയറിവന്ന നിര്‍മാതാവ് കെആര്‍ജി ഐവി ശശിയോട് മമ്മൂട്ടി എവിടെയാണെന്ന് അന്വേഷിച്ചു. ഐവി ശശിയുടെ തൊട്ടടുത്ത് തന്നെ മമ്മൂട്ടി ഇരിപ്പുണ്ടായിരുന്നു. പക്ഷെ കെആര്‍ജിയ്ക്ക് മെഗാസ്റ്റാറിനെ മനസ്സിലായില്ല

എന്റെ പൈസ പോകും

മമ്മൂട്ടിയുടെ വികൃത രൂപം കണ്ട നിര്‍മാതാവ് നെഞ്ചില്‍ കൈവച്ച് ദൈവത്തെ വിളിച്ചു പോയി. എന്നിട്ട് പൊട്ടിത്തെറിച്ചുകൊണ്ട് ഐവി ശശിയോട് പറഞ്ഞു, ഇമ്മാതിരി കോലംകെട്ട കോലത്തില്‍ മമ്മൂട്ടിയെ ഇറക്കിവിട്ടാല്‍ എന്റെ പണം നഷ്ടപ്പെടും. മമ്മൂട്ടിയുടെ ഗ്ലാമര്‍ കാണാന്‍ കൂടെയാണ് ആളുകള്‍ തിയേറ്ററില്‍ വരുന്നത്.

മേക്കപ്പ്മാനോട് ചൂടായി

ബഹളം കേട്ട് ഓടിവന്ന മേക്കപ്പ്മാന്‍ എംഒ ദേവസ്യയോട് കെആര്‍ജി ദേഷ്യപ്പെട്ടു. എന്താടോ ഈ കാണിച്ചുവച്ചിരിയ്ക്കുന്നത്. ഇത് കണ്ടാല്‍ പെറ്റ തള്ള സഹിക്കുമോ?

റിലീസായപ്പോള്‍

മൃഗയ റിലീസാകുന്നകിന്റെ തലേദിവസം വരെ കെആര്‍ജിയ്ക്ക് വാറുണ്ണിയുടെ കാര്യത്തില്‍ ആശങ്കയുണ്ടായിരുന്നു. ഒടുവില്‍ സിനിമ റിലീസ് ചെയ്ത്, ആദ്യ ഷോ കണ്ട് പുറത്തിറങ്ങിയവര്‍ മൃഗയയില്‍ അഭിനയിച്ച നടന്‍ മമ്മൂട്ടിയല്ല എന്ന് പറഞ്ഞപ്പോഴാണ് കെആര്‍ജിയ്ക്ക് ശ്വാസം വീണത്.