രാമനുണ്ണിയുടെ ലീല തമിഴിലേക്ക് മാറ്റിയാല്‍ നായകനായി ആരെത്തണം.. ആരാധകര്‍ക്കും പറയാനുണ്ട്!

രാമലീല തമിഴിലേക്ക് റീമേക്ക് ചെയ്താല്‍

മലയാളത്തില്‍ വിജയിച്ച ചിത്രങ്ങള്‍ അന്യഭാഷയിലേക്ക് റീമേക്ക് ചെയ്യാറുണ്ട്. അത്തരത്തില്‍ രാമലീല തമിഴിലേക്ക് റീമേക്ക് ചെയ്യുന്നതിനെക്കുറിച്ചുള്ള ചര്‍ച്ചകള്‍ ഫാന്‍സ് ഗ്രൂപ്പുകളില്‍ സജീവമായിരുന്നു.

നായകനായി ആരെത്തും?

രാമനുണ്ണിയെ അവതരിപ്പിക്കാനായി ആരെത്തുമെന്ന തരത്തിലാണ് ചര്‍ച്ചകള്‍ തുടങ്ങിയത്. തെന്നിന്ത്യന്‍ താരങ്ങളായ വിജയ്, വിക്രം, സൂര്യ, വിജയ് സേതുപതി എന്നിവര്‍ക്കൊപ്പം ദിലീപിന്റെ പേരും ഉയര്‍ന്നുവന്നിരുന്നു.

കൂടുതല്‍ പേരും പിന്തുണച്ചത്

നായകനായി ദിലീപ് തന്നെ എത്തണമെന്ന തരത്തിലാണ് കൂടുതല്‍ പേരും അഭിപ്രായം പ്രകടിപ്പിച്ചത്.പ്രതിസന്ധികള്‍ക്കിടയിലും വിജയകരമായി മുന്നേറുന്ന ചിത്രത്തിന്റെ തമിഴ ്പതിപ്പിലും ദിലീപ് തന്നെ നായകനായി എത്തണമെന്നാണ് ആരാധകര്‍ ആഗ്രഹിക്കുന്നത്.

അണിയറപ്രവര്‍ത്തകരുടെ ഭാഗത്ത് നിന്ന് അനക്കമില്ല

രാമലീലയ്ക്ക് പിന്നാലെ അരുണ്‍ ഗോപിയും ടോമിച്ചന്‍ മുളകുപാടവും മോഹന്‍ലാലിനെ നായകനാക്കി ചിത്രം ചെയ്യുന്നുവെന്ന തരത്തില്‍ വാര്‍ത്തകള്‍ പ്രചരിച്ചിരുന്നു. താരവുമായി കൂടിക്കാഴ്ച നടത്തിയതിന്റെ ചിത്രങ്ങള്‍ ഫേസ്ബുക്കിലൂടെ പ്രചരിച്ചിരുന്നു. എന്നാല്‍ രാമലീല തമിഴിലേക്ക് മാറ്റുന്നതിന്റെ യാതൊരുവിധ സൂചനയും ഇതുവരെ ലഭിച്ചിട്ടില്ല.

ഫാന്‍സ് ഗ്രൂപ്പുകളിലെ ചര്‍ച്ച

നിരവധി പ്രതിസന്ധികള്‍ തരണം ചെയ്താണ് ദിലീപിന്റെ രാമലീല തിയേറ്ററുകളിലേക്ക് എത്തിയത്. ദിലീപിന്റെ അറസ്റ്റുമായി ബന്ധപ്പെട്ടുണ്ടായ സംഭവങ്ങള്‍ ചിത്രത്തെ ബാധിക്കുമോയെന്ന ആശങ്ക അണിയറപ്രവര്‍ത്തകരെയും ഫാന്‍സിനെയും അലട്ടിയിരുന്നു. എന്നാല്‍ നല്ല സിനിമകള്‍ക്ക് ലഭിക്കുന്ന സ്വീകാര്യത തന്നെയാണ് ചിത്രത്തെ വിജയത്തിലേക്ക് നയിച്ചത്.

കളക്ഷനിലും റെക്കോര്‍ഡ്

ദിലീപിന്റെ കരിയറിലെ തന്നെ മികച്ച കളക്ഷന്‍ നേടുന്ന ചിത്രം കൂടിയായി മാറിയിരിക്കുകയാണ് രാമലീല. ചിത്രം ഇതിനോടകം തന്നെ മുപ്പതു കോടി പിന്നിട്ടു കഴിഞ്ഞു.